Kejadian 14
14
Abram (Nabi Ibrahim) yasakala raja-raja kalis ano rawi ke yasalamat Lut
1Pang waya nan dadi mo perang pang wilaya tedu Abram ke Lut. Ada empat raja kalis wilaya ano siup yanansi Amrafel raja negeri Sinear, Ariokh raja negeri Elasar, Kedorlaomer raja negeri Elam, ke Tideal raja negeri Goyim. 2Taunan perang lawan lima raja lin kalis wilaya ano rawi yanansi Bera raja kota Sodom, Birsya raja kota Gomora, Syinab raja kota Adma, Syeber raja kota Zeboim, ke raja kota Bela ade yasepan kota Zoar ampo.
3-4Sale dua olas tin salima raja nan ada pang bawa kawasa Raja Kedorlaomer, konang pang tin katelu olas taunan yasaputis umin no mo roa matiʼ#14:3-4 no mo roa matiʼ: Terang taunan no roa matiʼ kewa cara no roa beang pameang ade wajib yabeang lako Raja Kedorlaomer ampo lako Raja Kedorlaomer nan. Salima raja nan sasopo diri ke yasaremin tentara-tentara taunan pang Lemba Sidim ade to ta kamo dadi lebo ade basingin Lit Mate.#14:3-4 Lit Mate yanansi sopo lebo ade to ta ada pang ola ano rawi negara Yordania ke pang ola ano siup negara Israil ke Palestina. Aiʼ pang lebo nan pare benar, dadi nonda mahluk ade bauʼ telas dalam aiʼ nan, nan bua lebo nan yasasingin Lit Mate.
5Pang tin kaempat olas datang mo Kedorlaomer ke raja-raja ade ka sasopo diri ke nya umin perang lawan salima raja nan. Sanopoka taunan dapat pang katokal salima raja nan, taunan perang lawan pida-pida bangsa lin. Mula-mula taunan yasakala tau Refaim pang kota Asterot Karnayim, tau Zuzim pang Ham, tau Emim pang tana asar ade basingin Kiryataim, 6ke tau Hori ade tedu pang olat-olat ade basingin Seir, jangka ko desa El-Paran ade parak ke padang gurun. 7Kasuda nan taunan ramalik ke serang En-Mispat ade yasepan si ampo Kades. Taunan yasakala sasir negeri tau Amalek, ke tau Amori ade tedu pang Hazezon-Tamar ampo.
8Kasuda Raja Kedorlaomer ke raja-raja ade sasopo diri ke diri kamo sakala sarea taunan, karing raja kota Sodom, raja kota Gomora, raja kota Adma, raja kota Zeboim, ke raja kota Bela ade basingin kota Zoar ampo lis kalis kota taunan masing-masing. Taunan sasiap diri umin perang pang Lemba Sidim 9yalawan Kedorlaomer raja Elam, Tideal raja Goyim, Amrafel raja Sinear, ke Ariokh raja Elasar. Empat raja yalawan lima raja.
10Lemba Sidim yanansi katokal ade lempo ke luang ade barisi tir. Muntu raja Sodom ke raja Gomora parari diri, pida-pida kalis taunan kajelum ko dalam luang-luang nan, ke ade masi telas parari diri ko bao olat. 11Saempat raja ade menang nan yarampas sarea harta nani ke sarea sedo gaso kota Sodom ke kota Gomora, teris taunan lalo. 12Muntu taunan lalo, taunan yabawa Lut kamanak Abram ampo, ke harta nani nya, apaling nya tedu pang Sodom.
13Karing sopo tau ade parari diri datang lako Abram, tau Ibrani nan, ke yabada luk nan lako nya. Pang waya nan Abram tedu parak ke pang puin-puin kayu rea ade yakamaeng ling Mamre, tau Amori, sanak salaki Eskol ke Aner. Satelu taunan yanansi dengan-dengan Abram ade kamo bajangi umin tulung Abram dalam perang. 14Muntu Abram yamenong luk kamanak nya yatahan, yasaremin mo tau-tau ade kamo yaajar perang ade ka yaparanak pang dalam bale nya, 318 lowe tau, teris yaperung saempat raja nan jangka kota Dan. 15Teris Abram yabagi tau-tau nya dadi pida-pida kelompok umin ya lalo serang musu pang waya petang. Karing taunan yasakala musu ke yaperung jangka Hoba, pang satoe utara kota Damsyik. 16Sarea harta nani yabawa ramalik, nan si luk ke Lut kamanak nya, ke harta nani nya, ke tau-tau sawai ke tau-tau lin ade ka yatahan ampo.
Raja Malkisedik eneng berka umin Abram (Nabi Ibrahim) ke Abram bagi harta nani ade ka yarampas
17Kasuda Abram yasakala Kedorlaomer ke raja-raja ade sasopo diri ke nya, ramalik mo Abram. Karing raja kota Sodom lalo sambut Abram pang Lemba Syawe, yanansi Lemba Raja.
18Karing Malkisedik raja kota Salem yabawa roti ke aiʼ anggur. Malkisedik yanansi imam Alatala Ade Maha Tingi. 19Teris Malkisedik eneng berka umin Abram,
"Roa gama Abram yabeang berka ling Alatala Ade Maha Tingi,
ade ka sanadi awan ke tana,
20ke puji mo Alatala Ade Maha Tingi,
ade ka sera musumu ko dalam imamu."
Teris Abram yabeang lako Malkisedik sepersepulu kalis ade ka yarampas kalis musu nan.
21Beling mo raja kota Sodom lako Abram, "Samalik mo tau-tau ade ka yatahan ling musutu nan lako kaji, ke ete mo harta nani nan tawa sia."
22Konang beling mo Abram lako raja kota Sodom nan, "Kamo kaji basumpa demi ALATALA, Tuhan Ade Maha Tingi ade baeng sanadi awan ke tana, 23no si kaji ete apa-apa ade sia kamaeng nan, mana satengar benang atawa tali sendal sia no si kaji ete. Kewa nan luk no bauʼ sia beling, 'Kaji ta ade ka pina Abram dadi sugi.' 24No si kaji ete apa-apa bae umin kaji diri, selin ke apa ade kamo yakakan ling pasukan kaji ke bagian tau-tau ade lalo barema ke kaji ampo, yanansi Aner, Eskol ke Mamre. Beang mo taunan ete bagian taunan masing-masing kalis hasil ade ka kaji rampas nan."
Currently Selected:
Kejadian 14: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 14
14
Abram (Nabi Ibrahim) yasakala raja-raja kalis ano rawi ke yasalamat Lut
1Pang waya nan dadi mo perang pang wilaya tedu Abram ke Lut. Ada empat raja kalis wilaya ano siup yanansi Amrafel raja negeri Sinear, Ariokh raja negeri Elasar, Kedorlaomer raja negeri Elam, ke Tideal raja negeri Goyim. 2Taunan perang lawan lima raja lin kalis wilaya ano rawi yanansi Bera raja kota Sodom, Birsya raja kota Gomora, Syinab raja kota Adma, Syeber raja kota Zeboim, ke raja kota Bela ade yasepan kota Zoar ampo.
3-4Sale dua olas tin salima raja nan ada pang bawa kawasa Raja Kedorlaomer, konang pang tin katelu olas taunan yasaputis umin no mo roa matiʼ#14:3-4 no mo roa matiʼ: Terang taunan no roa matiʼ kewa cara no roa beang pameang ade wajib yabeang lako Raja Kedorlaomer ampo lako Raja Kedorlaomer nan. Salima raja nan sasopo diri ke yasaremin tentara-tentara taunan pang Lemba Sidim ade to ta kamo dadi lebo ade basingin Lit Mate.#14:3-4 Lit Mate yanansi sopo lebo ade to ta ada pang ola ano rawi negara Yordania ke pang ola ano siup negara Israil ke Palestina. Aiʼ pang lebo nan pare benar, dadi nonda mahluk ade bauʼ telas dalam aiʼ nan, nan bua lebo nan yasasingin Lit Mate.
5Pang tin kaempat olas datang mo Kedorlaomer ke raja-raja ade ka sasopo diri ke nya umin perang lawan salima raja nan. Sanopoka taunan dapat pang katokal salima raja nan, taunan perang lawan pida-pida bangsa lin. Mula-mula taunan yasakala tau Refaim pang kota Asterot Karnayim, tau Zuzim pang Ham, tau Emim pang tana asar ade basingin Kiryataim, 6ke tau Hori ade tedu pang olat-olat ade basingin Seir, jangka ko desa El-Paran ade parak ke padang gurun. 7Kasuda nan taunan ramalik ke serang En-Mispat ade yasepan si ampo Kades. Taunan yasakala sasir negeri tau Amalek, ke tau Amori ade tedu pang Hazezon-Tamar ampo.
8Kasuda Raja Kedorlaomer ke raja-raja ade sasopo diri ke diri kamo sakala sarea taunan, karing raja kota Sodom, raja kota Gomora, raja kota Adma, raja kota Zeboim, ke raja kota Bela ade basingin kota Zoar ampo lis kalis kota taunan masing-masing. Taunan sasiap diri umin perang pang Lemba Sidim 9yalawan Kedorlaomer raja Elam, Tideal raja Goyim, Amrafel raja Sinear, ke Ariokh raja Elasar. Empat raja yalawan lima raja.
10Lemba Sidim yanansi katokal ade lempo ke luang ade barisi tir. Muntu raja Sodom ke raja Gomora parari diri, pida-pida kalis taunan kajelum ko dalam luang-luang nan, ke ade masi telas parari diri ko bao olat. 11Saempat raja ade menang nan yarampas sarea harta nani ke sarea sedo gaso kota Sodom ke kota Gomora, teris taunan lalo. 12Muntu taunan lalo, taunan yabawa Lut kamanak Abram ampo, ke harta nani nya, apaling nya tedu pang Sodom.
13Karing sopo tau ade parari diri datang lako Abram, tau Ibrani nan, ke yabada luk nan lako nya. Pang waya nan Abram tedu parak ke pang puin-puin kayu rea ade yakamaeng ling Mamre, tau Amori, sanak salaki Eskol ke Aner. Satelu taunan yanansi dengan-dengan Abram ade kamo bajangi umin tulung Abram dalam perang. 14Muntu Abram yamenong luk kamanak nya yatahan, yasaremin mo tau-tau ade kamo yaajar perang ade ka yaparanak pang dalam bale nya, 318 lowe tau, teris yaperung saempat raja nan jangka kota Dan. 15Teris Abram yabagi tau-tau nya dadi pida-pida kelompok umin ya lalo serang musu pang waya petang. Karing taunan yasakala musu ke yaperung jangka Hoba, pang satoe utara kota Damsyik. 16Sarea harta nani yabawa ramalik, nan si luk ke Lut kamanak nya, ke harta nani nya, ke tau-tau sawai ke tau-tau lin ade ka yatahan ampo.
Raja Malkisedik eneng berka umin Abram (Nabi Ibrahim) ke Abram bagi harta nani ade ka yarampas
17Kasuda Abram yasakala Kedorlaomer ke raja-raja ade sasopo diri ke nya, ramalik mo Abram. Karing raja kota Sodom lalo sambut Abram pang Lemba Syawe, yanansi Lemba Raja.
18Karing Malkisedik raja kota Salem yabawa roti ke aiʼ anggur. Malkisedik yanansi imam Alatala Ade Maha Tingi. 19Teris Malkisedik eneng berka umin Abram,
"Roa gama Abram yabeang berka ling Alatala Ade Maha Tingi,
ade ka sanadi awan ke tana,
20ke puji mo Alatala Ade Maha Tingi,
ade ka sera musumu ko dalam imamu."
Teris Abram yabeang lako Malkisedik sepersepulu kalis ade ka yarampas kalis musu nan.
21Beling mo raja kota Sodom lako Abram, "Samalik mo tau-tau ade ka yatahan ling musutu nan lako kaji, ke ete mo harta nani nan tawa sia."
22Konang beling mo Abram lako raja kota Sodom nan, "Kamo kaji basumpa demi ALATALA, Tuhan Ade Maha Tingi ade baeng sanadi awan ke tana, 23no si kaji ete apa-apa ade sia kamaeng nan, mana satengar benang atawa tali sendal sia no si kaji ete. Kewa nan luk no bauʼ sia beling, 'Kaji ta ade ka pina Abram dadi sugi.' 24No si kaji ete apa-apa bae umin kaji diri, selin ke apa ade kamo yakakan ling pasukan kaji ke bagian tau-tau ade lalo barema ke kaji ampo, yanansi Aner, Eskol ke Mamre. Beang mo taunan ete bagian taunan masing-masing kalis hasil ade ka kaji rampas nan."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company