Kejadian 15
15
Alatala yajangiʼ Abram (Nabi Ibrahim) anak, rowe beka ke negeri
1Kasuda sarea luk nan dadi, datang mo firman ALATALA lako Abram pang dalam sopo pangita, "Abram, naʼ mo mukatakit, Aku ta mara perisai ade lindung kau ke ya mudapat upa ade rea benar."
2-3Konang nyamung Abram, "O ALATALA Tuhan kaji, apa po tuju Sia beang lako kaji upa ade rea, lamin nongka Sia beang kaji anak dadi? Sia to si luk lamin kaji mate tau ade dadi ahli waris yanansi ulin kaji Eliezer, tau kalis kota Damsyik nan, kalangan rea nongka Sia beang kaji anak!"
4Konang bafirman mo ALATALA kabali lako Abram, "Ulinmu no si ya dadi ahli warismu, konang anak kandung kau diri ade dadi ahli warismu mudi."
5Karing ALATALA yabawa Abram lis ko luar ke bafirman, "Bonga mo awan ke itung mo bintang-bintang, lamin bauʼ muitung. Dadi, malowe bintang-bintang nan, nan nya ya lowe rowe bekamu era."
6Karing nyadu mo Abram lako ALATALA, ke kalangan rea luk nan yatarima ling ALATALA dadi tau ade benar.
7ALATALA bafirman kabali lako Abram, "Aku ta ALATALA, ade ka bawa kau lis kalis kota Ur pang tana Kasdim umin Kubeang Tana Kanaan ta lako kau umin mukamaeng."
8Konang bakatoan mo Abram, "O ALATALA Tuhan kaji, ba meluk kaji bauʼ to luk negeri ta ya kaji kamaeng?"
9Bafirman ALATALA lako nya, "Ete mo umin Aku sopo sampi sawai, sopo bedis sawai, ke sopo doma salaki, ade masing-masing barumir telu tin, ke ete mo ampo sopo pio kuku, ke sopo pio darapati ade masi ode."
10Abram yaete sarea binatang nan umin ALATALA, ke yatebok dua. Teris nya yaolo panebok ade sopo batemung angkang ke panebok ade lin, konang pio-pio nan nongka yatebok dua. 11Muntu pio-pio ade kakan bangke nyampe pang bao empa-empa nan, Abram yasua pio-pio nan.
12Muntu yaroa mo selam mata ano, Abram nongka pato diri lap mata. Embang-embang ungkap batangkap ade merang benar liuk nya. 13Karing bafirman mo ALATALA lako Abram, "Mabau muto kewa tutu-tutu luk rowe bekamu ya dadi tau asing pang negeri ade siong negeri taunan. Taunan yasanadi budak ke yasasakit benar sale empat ratis tin. 14Konang bangsa ade sanadi taunan budak, ya Kuhukum. Ke kasuda nan rowe bekamu ya lis kalis negeri nan kewa yabawa harta nani ade peno. 15Konang kau, ya mubilin dunia ta kewa nyaman nyawe, ya mututit balo tolomu. Mudi kau yakubir pang waya umirmu kamo loka benar. 16Rowe beka ade kaempat ya ramalik lako negeri ta ke yarebut negeri ta kalis tau Amori, muntu parange tau Amori nan kamo dadi jahat benar."
17Muntu selam mo mata ano ke kamo ungkap, embang-embang kangita mo mara kete barisi barak api ade rapenat ke sopo obor ade ngamir liwat ola tenga-tenga panebok-panebok empa nan.#15:17 Kete ade barisi barak api ke obor ade ngamir dadi lambang ALATALA. ALATALA liwat ola tenga-tenga panebok-panebok binatang nan umin yasangesa jangi Diri lako Abram, mabau Abram to kewa tutu-tutu luk ALATALA ya satunas jangi Diri. 18Pang ano nan ALATALA sangada jangi ke Abram. Bafirman mo Diri, "Lako rowe bekamu Kubeang negeri ta, mulai kalis berang pang satowe negeri Mesir jangka berang ade rea nan ade basingin Berang Efrat, 19yanansi tana tau Keni, tau Kenas, tau Kadmon, 20tau Het, tau Feris, tau Refaim, 21tau Amori, tau Kanaan, tau Girgasi, ke tau Yebus nan."
Currently Selected:
Kejadian 15: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 15
15
Alatala yajangiʼ Abram (Nabi Ibrahim) anak, rowe beka ke negeri
1Kasuda sarea luk nan dadi, datang mo firman ALATALA lako Abram pang dalam sopo pangita, "Abram, naʼ mo mukatakit, Aku ta mara perisai ade lindung kau ke ya mudapat upa ade rea benar."
2-3Konang nyamung Abram, "O ALATALA Tuhan kaji, apa po tuju Sia beang lako kaji upa ade rea, lamin nongka Sia beang kaji anak dadi? Sia to si luk lamin kaji mate tau ade dadi ahli waris yanansi ulin kaji Eliezer, tau kalis kota Damsyik nan, kalangan rea nongka Sia beang kaji anak!"
4Konang bafirman mo ALATALA kabali lako Abram, "Ulinmu no si ya dadi ahli warismu, konang anak kandung kau diri ade dadi ahli warismu mudi."
5Karing ALATALA yabawa Abram lis ko luar ke bafirman, "Bonga mo awan ke itung mo bintang-bintang, lamin bauʼ muitung. Dadi, malowe bintang-bintang nan, nan nya ya lowe rowe bekamu era."
6Karing nyadu mo Abram lako ALATALA, ke kalangan rea luk nan yatarima ling ALATALA dadi tau ade benar.
7ALATALA bafirman kabali lako Abram, "Aku ta ALATALA, ade ka bawa kau lis kalis kota Ur pang tana Kasdim umin Kubeang Tana Kanaan ta lako kau umin mukamaeng."
8Konang bakatoan mo Abram, "O ALATALA Tuhan kaji, ba meluk kaji bauʼ to luk negeri ta ya kaji kamaeng?"
9Bafirman ALATALA lako nya, "Ete mo umin Aku sopo sampi sawai, sopo bedis sawai, ke sopo doma salaki, ade masing-masing barumir telu tin, ke ete mo ampo sopo pio kuku, ke sopo pio darapati ade masi ode."
10Abram yaete sarea binatang nan umin ALATALA, ke yatebok dua. Teris nya yaolo panebok ade sopo batemung angkang ke panebok ade lin, konang pio-pio nan nongka yatebok dua. 11Muntu pio-pio ade kakan bangke nyampe pang bao empa-empa nan, Abram yasua pio-pio nan.
12Muntu yaroa mo selam mata ano, Abram nongka pato diri lap mata. Embang-embang ungkap batangkap ade merang benar liuk nya. 13Karing bafirman mo ALATALA lako Abram, "Mabau muto kewa tutu-tutu luk rowe bekamu ya dadi tau asing pang negeri ade siong negeri taunan. Taunan yasanadi budak ke yasasakit benar sale empat ratis tin. 14Konang bangsa ade sanadi taunan budak, ya Kuhukum. Ke kasuda nan rowe bekamu ya lis kalis negeri nan kewa yabawa harta nani ade peno. 15Konang kau, ya mubilin dunia ta kewa nyaman nyawe, ya mututit balo tolomu. Mudi kau yakubir pang waya umirmu kamo loka benar. 16Rowe beka ade kaempat ya ramalik lako negeri ta ke yarebut negeri ta kalis tau Amori, muntu parange tau Amori nan kamo dadi jahat benar."
17Muntu selam mo mata ano ke kamo ungkap, embang-embang kangita mo mara kete barisi barak api ade rapenat ke sopo obor ade ngamir liwat ola tenga-tenga panebok-panebok empa nan.#15:17 Kete ade barisi barak api ke obor ade ngamir dadi lambang ALATALA. ALATALA liwat ola tenga-tenga panebok-panebok binatang nan umin yasangesa jangi Diri lako Abram, mabau Abram to kewa tutu-tutu luk ALATALA ya satunas jangi Diri. 18Pang ano nan ALATALA sangada jangi ke Abram. Bafirman mo Diri, "Lako rowe bekamu Kubeang negeri ta, mulai kalis berang pang satowe negeri Mesir jangka berang ade rea nan ade basingin Berang Efrat, 19yanansi tana tau Keni, tau Kenas, tau Kadmon, 20tau Het, tau Feris, tau Refaim, 21tau Amori, tau Kanaan, tau Girgasi, ke tau Yebus nan."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company