Kejadian 13
13
Abram (Nabi Ibrahim) ke Lut baseka
1Karing lalo mo Abram kalis Mesir lako tana Negeb ke sawaiʼ, ke sarea ade yakamaeng ling nya. Lut ampo lalo barema-rema ke nya. 2Abram sugi benar, peno bedis doma mas perak. 3Nya balangan kalis sopo pang lako pang lin, kalis tana Negeb jangka parak ke Bait-El, ka pang mula samanang kema, yanansi antara kota Bait-El ke kota Ai, 4dunung, pang nan ampo, Abram yaantin batu marua mejang, pang tunung pameang umin Alatala. Pang nan Abram sembayang rena kelek singin Alatala.
5Nan si luk ke Lut, ade nurit barema-rema ke Abram, nya ada si bedis doma, lembu sampi ke sarea keluarga ke ulin-ulin ade bakema ke nya. 6Konang tana nan nongka nepang umin taunan basaiʼ tedu, apaling harta nani taunan peno lalo. Nan bua taunan no bauʼ tedu basaiʼ. 7Muntu nan tau Kanaan ke tau Feris tedu pang nan.
8Karing beling mo Abram lako Lut, "No mo gama tubasengal antara kau ke aku, antara tau tati bedis doma kau ke tau tati bedis doma kaku apaling kita ta tubakeluarga. 9Dikin mo tubaseka. Bauʼ si mutedu me pang muroa pang sasir tana ta. Lamin kau ko kiri aku ko kanan, lamin kau ko kanan aku ko kiri."
10Karing Lut samolang mata ke yagita mo luk sasir lemba Yordan, jangka kota Zoar, peno aiʼ, marua taman Alatala, marua Tana Mesir. Luk nan dadi sanopoka TUHAN yasangancir kota Sodom ke kota Gomora. 11Dadi Lut yapili tawa nya diri sasir lemba Yordan nan. Teris lalo mo nya lako satoe ano siup ke baseka mo taunan.
12Abram tedu pang Kanaan, konang Lut tedu pang kota-kota lemba Yordan ke bakema parak ke kota Sodom. 13Tau Sodom tau jahat benar ke badosa lako Alatala.
14Beru ka baseka Lut ke Abram, beling Alatala lako Abram, "Samolang matamu ke gita sasir pang mumanang nan, ko ano siup ke ko ano rawi, utara ke selatan. 15Apaling sasir tana ade mugita nan ya Kubeang lako kau ke ko rowe bekamu jangka sale-le. 16Ya Kusanadi rowe bekamu malowe au tana, ke lamin ada tau bauʼ itung au tana, ba bauʼ si itung sarea rowe bekamu. 17To ta mubalangan mo mupero sasir tana ta, ling tana ta ya Kubeang lako kau."
18Kasuda nan Abram yapina kema ke tedu pang parak puin-puin kayu rea pang Mamre, parak ke kota Hebron. Pang nan yasamanang pang tunung pameang umin Alatala.
Currently Selected:
Kejadian 13: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 13
13
Abram (Nabi Ibrahim) ke Lut baseka
1Karing lalo mo Abram kalis Mesir lako tana Negeb ke sawaiʼ, ke sarea ade yakamaeng ling nya. Lut ampo lalo barema-rema ke nya. 2Abram sugi benar, peno bedis doma mas perak. 3Nya balangan kalis sopo pang lako pang lin, kalis tana Negeb jangka parak ke Bait-El, ka pang mula samanang kema, yanansi antara kota Bait-El ke kota Ai, 4dunung, pang nan ampo, Abram yaantin batu marua mejang, pang tunung pameang umin Alatala. Pang nan Abram sembayang rena kelek singin Alatala.
5Nan si luk ke Lut, ade nurit barema-rema ke Abram, nya ada si bedis doma, lembu sampi ke sarea keluarga ke ulin-ulin ade bakema ke nya. 6Konang tana nan nongka nepang umin taunan basaiʼ tedu, apaling harta nani taunan peno lalo. Nan bua taunan no bauʼ tedu basaiʼ. 7Muntu nan tau Kanaan ke tau Feris tedu pang nan.
8Karing beling mo Abram lako Lut, "No mo gama tubasengal antara kau ke aku, antara tau tati bedis doma kau ke tau tati bedis doma kaku apaling kita ta tubakeluarga. 9Dikin mo tubaseka. Bauʼ si mutedu me pang muroa pang sasir tana ta. Lamin kau ko kiri aku ko kanan, lamin kau ko kanan aku ko kiri."
10Karing Lut samolang mata ke yagita mo luk sasir lemba Yordan, jangka kota Zoar, peno aiʼ, marua taman Alatala, marua Tana Mesir. Luk nan dadi sanopoka TUHAN yasangancir kota Sodom ke kota Gomora. 11Dadi Lut yapili tawa nya diri sasir lemba Yordan nan. Teris lalo mo nya lako satoe ano siup ke baseka mo taunan.
12Abram tedu pang Kanaan, konang Lut tedu pang kota-kota lemba Yordan ke bakema parak ke kota Sodom. 13Tau Sodom tau jahat benar ke badosa lako Alatala.
14Beru ka baseka Lut ke Abram, beling Alatala lako Abram, "Samolang matamu ke gita sasir pang mumanang nan, ko ano siup ke ko ano rawi, utara ke selatan. 15Apaling sasir tana ade mugita nan ya Kubeang lako kau ke ko rowe bekamu jangka sale-le. 16Ya Kusanadi rowe bekamu malowe au tana, ke lamin ada tau bauʼ itung au tana, ba bauʼ si itung sarea rowe bekamu. 17To ta mubalangan mo mupero sasir tana ta, ling tana ta ya Kubeang lako kau."
18Kasuda nan Abram yapina kema ke tedu pang parak puin-puin kayu rea pang Mamre, parak ke kota Hebron. Pang nan yasamanang pang tunung pameang umin Alatala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company