Kejadian 12
12
Alatala yasuru Abram (Nabi Ibrahim) bilin negeri ke lalo lako katokal lin
1Bafirman mo ALATALA lako Abram, "Lalo mo bilin negerimu, bilin keluargamu, bilin inaʼ bapak ke sanak sawai salakimu, lalo mo lako negeri ade ya Kusangita lako kau nan. 2Ya Kusanadi kau bangsa ade rea, ke ya Kubeang berka lako kau. Ya Kupina singinmu mabau yato ling rama peno, ke mudadi mo berka. 3Ya Kubeang berka lako sarea tau ade beang berka lako kau, ke ya Kukutuk sarea tau ade sapata kau. Ke ola kau sarea suku pang bao dunia ta ya dapat berka."
4Karing lalo mo Abram maluk ade ka yasuru ling ALATALA lako nya, ke Lut ampo nurit barema-rema ke nya. Muntu Abram lis kalis kota Haran, nya barumir 75 tin. 5Abram yabawa Sarai sawaiʼ nya, ke Lut anak sanak salaki nya, ke sarea harta nani ke ulin-ulin ade kamaong ke kamaeng ling taunan pang Haran. Taunan lis kalis Haran ke lalo lako Tana Kanaan.
Muntu taunan dapat pang Kanaan, 6Abram balangan pang Tana Kanaan nan, jangka dapat pang puin kayu rea More,#12:6 Kita no tubauʼ to lamin 'More' yanansi singin sopo katokal atawa panyepan tau lako puin kayu ade rea nan. ade ada pang kota Sikhem. Pang waya Abram balangan ola Kanaan, tau Kanaan tedu pang negeri nan.
7Muntu nan ALATALA sangita Diri lako Abram ke bafirman, "Ya Kubeang negeri ta lako rowe bekamu." Karing pang nan, Abram yaantin batu marua mejang, pang tunung pameang umin ALATALA, ade ka sangita Diri lako nya.
8Karing Abram rapina kalis nan ko olat-olat pang satoe ano siup kota Bait-El ke yasamanang kema antara kota Bait-El ke kota Ai. Karing Abram yasamanang ampo pang tunung pameang umin ALATALA, ke ngeneng tulung ke sentek pamuji lako Alatala kenang singin ALATALA. 9Suda nan Abram samaris mo palangan kalis sopo pang lako pang lin tata tana Negeb.
Abram (Nabi Ibrahim) pang Tana Mesir
10Muntu ada pacakelik pang Tana Kanaan, lalo mo Abram#12:10 Abram: Singin Abram mudi yaganti ling Alatala dadi Ibrahim (gita Kejadian 17:5) ko Tana Mesir umin tedu pang ana dadi tau maranto, apaling nampis benar pacakelik pang Tana Kanaan nan. 11Pang waya Abram ya roa mo tama ko Tana Mesir, beling mo nya lako Sarai, sawai nya, "Menongku, kau tau sawai ade gera benar idung mata. 12Muntu tau Mesir gitamu taunan ya beling, 'Nan sawaiʼ nya.' Teris taunan ya samateku ke kau yabeang telas. 13Ling luk nan beling mo luk kau sanak sawaiku, mabau taunan boat balong lako aku kalangan rea kau, ke no si yasamateku."
14Pang waya Abram tama ko Mesir, tau-tau Mesir yagita luk Sarai gera benar. 15Muntu pegawe-pegawe tingi kerajaan yagita Sarai, taunan bararan mo lako raja Mesir luk Sarai gera benar. Teris tau sawai nan yabawa ko istana umin yasanadi sawaiʼ ling raja Mesir nan. 16Karing raja nan boat balong lako Abram kalangan rea nya mikir luk Abram yanansi sanak salaki Sarai. Abram yabeang bedis doma, lembu sampi, kalede sawai salaki, onta ke ulin sawai salaki.
17Konang ALATALA yasakena panyakit-panyakit ade luar biasa lako raja Mesir ke sarea tau ade ada pang dalam istana raja, kalangan rea raja nan ka ete Sarai, sawaiʼ Abram nan.
18Teris raja Mesir yakelek Abram ke beling, "Apa ade ka muboat lako aku? Kakuda no mubadaku luk nya sawaiʼmu? 19Kakuda bua mubeling luk nya sanak sawaimu, jangka kuete nya dadi sawaiʼku? Ta sawaiʼmu, ete mo ke lalo mo!"
20Karing raja Mesir yaparinta tentara-tentara umin yabawa lis Abram kalis Tana Mesir. Dadi lalo mo Abram bilin Tana Mesir barema ke sawaiʼ nya ke sarea ade yakamaeng ling nya.
Currently Selected:
Kejadian 12: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 12
12
Alatala yasuru Abram (Nabi Ibrahim) bilin negeri ke lalo lako katokal lin
1Bafirman mo ALATALA lako Abram, "Lalo mo bilin negerimu, bilin keluargamu, bilin inaʼ bapak ke sanak sawai salakimu, lalo mo lako negeri ade ya Kusangita lako kau nan. 2Ya Kusanadi kau bangsa ade rea, ke ya Kubeang berka lako kau. Ya Kupina singinmu mabau yato ling rama peno, ke mudadi mo berka. 3Ya Kubeang berka lako sarea tau ade beang berka lako kau, ke ya Kukutuk sarea tau ade sapata kau. Ke ola kau sarea suku pang bao dunia ta ya dapat berka."
4Karing lalo mo Abram maluk ade ka yasuru ling ALATALA lako nya, ke Lut ampo nurit barema-rema ke nya. Muntu Abram lis kalis kota Haran, nya barumir 75 tin. 5Abram yabawa Sarai sawaiʼ nya, ke Lut anak sanak salaki nya, ke sarea harta nani ke ulin-ulin ade kamaong ke kamaeng ling taunan pang Haran. Taunan lis kalis Haran ke lalo lako Tana Kanaan.
Muntu taunan dapat pang Kanaan, 6Abram balangan pang Tana Kanaan nan, jangka dapat pang puin kayu rea More,#12:6 Kita no tubauʼ to lamin 'More' yanansi singin sopo katokal atawa panyepan tau lako puin kayu ade rea nan. ade ada pang kota Sikhem. Pang waya Abram balangan ola Kanaan, tau Kanaan tedu pang negeri nan.
7Muntu nan ALATALA sangita Diri lako Abram ke bafirman, "Ya Kubeang negeri ta lako rowe bekamu." Karing pang nan, Abram yaantin batu marua mejang, pang tunung pameang umin ALATALA, ade ka sangita Diri lako nya.
8Karing Abram rapina kalis nan ko olat-olat pang satoe ano siup kota Bait-El ke yasamanang kema antara kota Bait-El ke kota Ai. Karing Abram yasamanang ampo pang tunung pameang umin ALATALA, ke ngeneng tulung ke sentek pamuji lako Alatala kenang singin ALATALA. 9Suda nan Abram samaris mo palangan kalis sopo pang lako pang lin tata tana Negeb.
Abram (Nabi Ibrahim) pang Tana Mesir
10Muntu ada pacakelik pang Tana Kanaan, lalo mo Abram#12:10 Abram: Singin Abram mudi yaganti ling Alatala dadi Ibrahim (gita Kejadian 17:5) ko Tana Mesir umin tedu pang ana dadi tau maranto, apaling nampis benar pacakelik pang Tana Kanaan nan. 11Pang waya Abram ya roa mo tama ko Tana Mesir, beling mo nya lako Sarai, sawai nya, "Menongku, kau tau sawai ade gera benar idung mata. 12Muntu tau Mesir gitamu taunan ya beling, 'Nan sawaiʼ nya.' Teris taunan ya samateku ke kau yabeang telas. 13Ling luk nan beling mo luk kau sanak sawaiku, mabau taunan boat balong lako aku kalangan rea kau, ke no si yasamateku."
14Pang waya Abram tama ko Mesir, tau-tau Mesir yagita luk Sarai gera benar. 15Muntu pegawe-pegawe tingi kerajaan yagita Sarai, taunan bararan mo lako raja Mesir luk Sarai gera benar. Teris tau sawai nan yabawa ko istana umin yasanadi sawaiʼ ling raja Mesir nan. 16Karing raja nan boat balong lako Abram kalangan rea nya mikir luk Abram yanansi sanak salaki Sarai. Abram yabeang bedis doma, lembu sampi, kalede sawai salaki, onta ke ulin sawai salaki.
17Konang ALATALA yasakena panyakit-panyakit ade luar biasa lako raja Mesir ke sarea tau ade ada pang dalam istana raja, kalangan rea raja nan ka ete Sarai, sawaiʼ Abram nan.
18Teris raja Mesir yakelek Abram ke beling, "Apa ade ka muboat lako aku? Kakuda no mubadaku luk nya sawaiʼmu? 19Kakuda bua mubeling luk nya sanak sawaimu, jangka kuete nya dadi sawaiʼku? Ta sawaiʼmu, ete mo ke lalo mo!"
20Karing raja Mesir yaparinta tentara-tentara umin yabawa lis Abram kalis Tana Mesir. Dadi lalo mo Abram bilin Tana Mesir barema ke sawaiʼ nya ke sarea ade yakamaeng ling nya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company