Kejadian 10

Rowe beka Nabi Nuh

1Ta nya rowe beka Sem, Ham ke Yafet, anak-anak Nuh. Kasuda aiʼ ba, yaparanak mo anak-anak salaki umin satelu taunan.

Rowe beka Yafet

2Anak-anak salaki Yafet yanansi Gomer, Majuj, Madai, Yawan, Tubal, Mesekh ke Tiras.

3Rowe beka Gomer yanansi tau Askenas, tau Rifat, ke tau Togarma.

4Rowe beka Yawan yanansi tau Elisa, tau Tarsis, tau Kitim ke tau Dodanim.

5Rowe beka Yawan nan kasear ke dadi balo tolo bangsa-bangsa ade tedu pang sabelo sisi lit ke pang gili-gili.#10:5 sabelo sisi lit ke pang gili-gili pang Lit Tenga. Lit Tenga nan yanansi sopo lit ade yaliuk ling benua Eropa, benua Afrika ke benua Asia.

Nan nya rowe beka Yafet. Taunan dadi bangsa-bangsa ke suku-suku, ke saruntung suku tedu pang katokal masing-masing ke ada basa masing-masing.

Rowe beka Ham

6Anak-anak salaki Ham yanansi Kus, Misraim, Put ke Kanaan.

7Rowe beka Kus yanansi tau Seba, tau Hawila, tau Sabta, tau Raema ke tau Sabtekha.

Rowe beka Raema yanansi tau Syeba ke tau Dedan.

8Kus ada anak basingin Nimrod. Nimrod dadi tau mula-mula ade bakawasa ade kuat pang dunia. 9Nimrod yanansi tau buya binatang kenang panaʼ ke dompas ade luar biasa hebat kalangan rea panulung Alatala. Nan bua biasa tau beling, "Nya mara Nimrod, tau buya binatang kenang panaʼ ke dompas ade luar biasa hebat kalangan rea panulung Alatala."

10Pang mula nya marinta, kerajaan nya ada pang kota Babel, Erekh, Akad ke Kalneh.#10:10 Kalneh: Ada ahli-ahli ade mikir luk "kalneh" yanansi singin sopo kota. Konang ada ahli-ahli lin ampo ade mikir luk "kalneh" nan sopo kata Ibrani ade bategas "sarea". Sarea kota nan ada pang Tana Sinear. 11Kalis negeri nan nya lalo ko tana Asyur, teris nya yasamanang kota-kota yanansi Niniwe, Rehobot-Ir, Kalah, 12ke Resen. Resen ada pang antara Niniwe ke kota Kalah ade rea nan.

13Rowe beka Misraim yanansi tau Ludim, tau Anamim, tau Lehabim, tau Naftuhim, 14tau Patrusim, tau Kasluhim ke tau Kaftorim. Tau Kasluhim nan balo tolo tau Filistin.

15Kanaan ada dua anak yanansi Sidon ke Het. Sidon yanansi anak paling rea. 16Kanaan ampo balo tolo tau Yebusi, tau Amori, tau Girgasi, 17tau Hewi, tau Arki, tau Sini, 18tau Arwadi, tau Semari ke tau Hamati. Karing kaum-kaum rowe beka Kanaan nan kasear jangka do. 19Tana tau Kanaan malentang kalis kota Sidon tata kota Gerar jangka kota Gaza, ke tata kota Sodom, Gomora, Adma ke Zeboim jangka kota Lasa.

20Nan nya rowe beka Ham. Taunan dadi bangsa-bangsa ke suku-suku, ke saruntung suku tedu pang katokal masing-masing ke ada basa masing-masing.

Rowe beka Sem

21Yaparanak mo ampo anak-anak umin Sem, sanak salaki Yafet. Ke Sem yanansi balo tolo tau Eber.#10:21 tau Eber: Rowe beka Eber yasepan si ampo tau Ibrani, yanansi tau-tau Yahudi. Eber balo tolo Ibrahim. 22Anak-anak Sem yanansi Elam, Asyur, Arpakhsad, Lud ke Aram.

23Rowe beka Aram yanansi tau Us, tau Hul, tau Geter ke tau Mas.

24Arpakhsad bapak Selah, ke Selah bapak Eber.

25Eber ada dua anak salaki. Ade mula basingin Peleg ade bategas 'kaseka', apaling pang saman nan manusia pang dunia kamo dadi kaseka.#10:25 manusia pang dunia kamo dadi kaseka: Pang Kejadian 11:8-9 yasajelas meluk riwayat Alatala yasakaseang manusia pang sasir dunia. Ke adiʼ nya basingin Yoktan.

26Rowe beka Yoktan yanansi tau Almodad, tau Selef, tau Hazar-Mawet, tau Yerah, 27tau Hadoram, tau Uzal, tau Dikla, 28tau Obal, tau Abimael, tau Syeba, 29tau Ofir, tau Hawila ke tau Yobab. Nan nya sarea rowe beka Yoktan.

30Wilaya pang tedu taunan malentang kalis Mesa tata Sefar, yanansi wilaya ade ada pang olat-olat pang ola ano siup.

31Nan nya sarea rowe beka Sem. Taunan dadi bangsa-bangsa ke suku-suku, ke saruntung suku tedu pang katokal masing-masing ke ada basa masing-masing.

32Dadi nan mo nya kaum-kaum rowe beka anak-anak Nuh maluk garis rowe beka ke bangsa taunan. Taunan mo ka asal bangsa-bangsa ade kasear pang dunia ta kasuda aiʼ ba rea nan.

Currently Selected:

Kejadian 10: SMW

Highlight

Copy