Riwayat Rasul-Rasul Isa Kata Pengantar
Kata Pengantar
Kitab Riwayat Rasul-Rasul Isa ta yanansi yasateris Kitab Injil Lukas ade yatulis ling Lukas. Maksud Lukas dalam buku ta yanansi sajelas me luk tau-tau turit Isa yabeang kawasa ling Ruh Alatala, mabau taunan bauʼ sanapat Rungan Balong luk Isa pang kota Yerusalem, pang sasir wilaya Yudea ke Samaria, ke jangka poto dunia.
Lukas tau kalis kota Antiokhia pang wilaya Siria. Nya ka kadu turit Rasul Paul pang pida-pida palangan. Nan bua pida-pida ayat kenang kata 'kami'. Nya diri ada barema-rema ke Rasul Paul pang dalam riwayat ade yatulis ling nya pang ayat-ayat nan, conto: 16:10-17; 20:5-21; 27:1-28:16.
Sopo luk ade penting dalam kitab ta, yasajelas luk kaboat Ruh Alatala. Ruh Alatala datang kewa kawasa lako tau-tau ade nyadu lako Isa Al Masih pang kota Yerusalem pang Ano Pentakosta. Dalam sarea hal ade ka yatulis pang dalam kitab ta kamo jelas luk Ruh Alatala nan tetap yapimpin ke yasatego panyadu tau-tau turit Isa ke pemimpin-pemimpin taunan.
Currently Selected:
Riwayat Rasul-Rasul Isa Kata Pengantar: SMW
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company