زبُور 97
97
پادشاهی خُداوند
1خُداوند پادشاھی مُونه، بیلِید که زمی خوشی کنه
و جزِیره ھا خوشحال بَشه.
2آوُرها و ترِیکی تِیره چار طرفِ خُداوند ره گِرِفته؛
عَدل و اِنصاف بُنیادِ تَخت شی اَسته.
3آتِش پیش پیشِ ازُو موره
و دُشمَنای شی ره دَ چاردَورِ ازُو مُوسوزَنه.
4آتِشَک های ازُو دُنیا ره روشو مُونه؛
زمی مِینگره و مِیلَرزه.
5کوه ھا از حُضُورِ خُداوند رقمِ مُوم آو مُوشه،
از حُضُورِ خُداوندِ تمامِ زمی.
6آسمونا عدالتِ ازُو ره اِعلان مُونه
و پگِ قَوم ها بُزُرگی-و-جلالِ ازُو ره مِینگره.
7تمامِ کسای که بُت های تراش شُده ره عِبادت مُونه شرمِنده مُوشه،
امُو کسای که دَ بَلِه بُت های خُو اِفتخار مُونه؛
اَی تمامِ خُدایو، اُو ره سَجده کُنِید.
8اَی خُداوند، بخاطرِ قضاوَت های تُو
صَهیون شِنِیده و خوشحال اَسته
و شارای#۹۷:۸ دَ جای «شارای یهُودا» دَ زِبونِ عِبرانی «دُخترونِ یهُودا» نوِشته یَه. یهُودا خوشی مُوکُنه؛
9چُون تُو اَی خُداوند، دَ بَلِه تمامِ زمی مُتعال اَستی،
تُو دَ بَلِه پگِ خُدایو دَ بِلندترِین مقام قرار دَری.
10اَی کسای که خُداوند ره دوست دَرِید، از بَدی نفرَت کُنِید.
اُو از جانِ آدمای وفادار خُو حِفاظَت مُونه
و اُونا ره از دِستِ شرِیرو خلاص مُونه.
11نُور دَ بَلِه آدمای عادِل قرار مِیگِیره#۹۷:۱۱ دَ جای «قرار مِیگِیره» دَ زِبونِ عِبرانی «کِشت مُوشه» نوِشته یَه.
و خوشی بَلدِه آدمای دِل-راست اَسته.
12اَی آدمای عادِل، دَ حُضُورِ خُداوند خوشی کُنِید
نامِ مُقَدَّس شی ره سِتایش کُنِید.
Currently Selected:
زبُور 97: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
