زبُور 96
96
سرُودِ نَو بَلدِه خُداوند
1بَلدِه خُداوند سرُودِ نَو بِخانِید.
اَی تمامِ زمی، بَلدِه خُداوند سرُود بِخانِید.
2بَلدِه خُداوند سرُود بِخانِید، نامِ ازُو ره سِتایش کُنِید.
هر روز نِجاتِ ازُو ره اِعلان کُنِید.
3دَ مینکلِ مِلَّت ها از بُزُرگی-و-جلالِ ازُو توره بُگِید،
دَ مینکلِ پگِ قَوم ها از کارای عجِیبِ ازُو نقل کُنِید،
4چراکه خُداوند بُزُرگ اَسته و بےاندازه لایقِ سِتایش؛
از پگِ خُدایو کده باید ازُو ترس دَشته بَشی،
5چُون پگِ خُدایونِ قَوم های دِیگه بُت ها#۹۶:۵ کلِمِه که دَ زِبونِ عِبرانی بَلدِه «بُت ها» اِستِفاده شُده «هیچ» ام معنیٰ مِیدیه. اَسته،
لیکِن خُداوند آسمونا ره خَلق کد.
6شِکوه و جلال دَ حُضُورِ ازُو اَسته،
قُوَت و نُوربَندی دَ جایگاهِ مُقَدَّس شی.
7اَی طایفه های قَوم ھا، خُداوند ره تَوصِیف کُنِید،
خُداوند ره بخاطرِ جلال و قُوَت شی تَوصِیف کُنِید،
8خُداوند ره مُطابِقِ جلالِ نام شی تَوصِیف کُنِید،
هدیه بیرِید و دَ حَولی های ازُو بیِید.
9خُداوند ره دَ اِحترامِ قُدُوسیَت شی پرستِش کُنِید؛
اَی تمامِ زمی، دَ حُضُورِ ازُو بِلَرزِید!
10دَ مینکلِ مِلَّت ها بُگِید: ”خُداوند پادشاھی مُونه.
دُنیا دَ وسِیلِه ازُو مُستَحکم اَسته و تکان نَمُوخوره؛
اُو قَوم ها ره دَ اِنصاف قضاوَت مُوکُنه.“
11بیل که آسمونا خوشی کنه و زمی خوشحال بَشه؛
دریا و پگِ چِیزای که دَ مَنِه شی اَسته، دَ غُرِش بییه،
12بیل که صحرا و هر چِیزی که دَ مَنِه ازُو اَسته، خوشحالی کنه.
اوخته تمامِ دِرختای جنگل آوازِ خوشی بُر مُونه
13 آوازِ خوشی دَ حُضُورِ خُداوند، چُون اُو مییه،
اَرے، اُو مییه تا زمی ره دَ اِنصاف قضاوَت کنه؛
اُو دُنیا ره قد عدالت
و قَوم ها ره قد راستی خُو قضاوَت مُونه.
Currently Selected:
زبُور 96: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
