زبُور 65
65
سِتایشِ خُداوند بخاطرِ حاصِلات
بَلدِه سردِستِه خانِنده ها. زبُورِ داوُود. سرُود.
1اَی خُدا، حمد-و-ثنا دَ صَهیون چِیم دَ راهِ ازتُو یَه
و نذر ها دَزتُو اَدا مُوشه.
2اَی خُدای که دُعا ره مِیشنَوی،
تمامِ بَشر دَ پیشِ ازتُو مییه.
3وختِیکه گُناه های مو، مو ره زیر مِیگِیره،
تُو بَلدِه خطا های مو کِفاره مُهَیا مُونی.
4نیک دَ بَختِ کسی که تُو اُو ره اِنتِخاب مُونی و نزدِیک میری
تا دَ حَولی های تُو جای-د-جای شُنه.
مو از خُوبی های خانه تُو سیر مُوشی،
از خُوبی های جای مُقَدَّس تُو.
5تُو دَ مُطابِقِ عدالت خُو قد کارای حَیرَت-آوَر جوابِ دُعا های مو ره مِیدی،
اَی خُدای نِجات مو
که اُمِیدِ تمامِ گوشه های زمی و دُورتَرِین دریا ها اَستی.
6تُو کمر خُو ره قد قُدرت بسته کده
کوه ھا ره دَ وسِیلِه قُوَت خُو جای-دَ-جای کدی.
7تُو طُغیانِ دریا ها و غُرِشِ جلپه های شی ره آرام مُونی،
امچُنان شورِشِ قَوم ها ره.
8کسای که دَ گوشه های زمی زِندگی مُونه از مُعجزه های تُو حَیرو مَنده،
تُو باشِنده های شَرق و غَرب#۶۵:۸ دَ جای «شَرق و غَرب» دَ زِبونِ عِبرانی «بُر شُدونِ صُبح و شام» نوِشته یَه. ره خوشحال مُونی.
9تُو دَ بَلِه زمی نظر مُوکُنی
و اُو ره سیرآو کده کَلو حاصِلخیز جور مُونی.
دریای خُدا پُر از آو اَسته؛
تُو غَلّه ره بَلدِه اِنسان مُهَیا مُونی،
چُون امی رقم زمی ره آماده کدے.
10تُو کِشتزار های شی ره آوداری مُونی
و بُغُنڈی های شی ره اَوار مُوکُنی؛
دَ وسِیلِه بارِش ھا اُو ره نَرم مُونی
و حاصِلات شی ره بَرکت مِیدی.
11تُو قد نِعمت های خُو سال ره تاج مُوپوشَنی؛
و راه های تُو از بَرکت لَبریز اَسته.#۶۵:۱۱ دَ جای «راه های تُو از بَرکت لَبریز اَسته» دَ زِبونِ عِبرانی «راه های تُو چربی مِیچقَنه» نوِشته یَه.
12علفچر های بیابو ام از بَرکت لَبریز اَسته#۶۵:۱۲ دَ جای «از بَرکت لَبریز اَسته» دَ زِبونِ عِبرانی «مِیچَقه» نوِشته یَه.
و دامون-و-کمرِ تِپه ها پُر از خوشی اَسته.
13تاله ها قد رمه ها پوشَنده شُده
و دَره ها ره غَلّه-و-دانه گِرِفته؛
اُونا از خوشی چِیغ مِیزَنه و سرُود میخانه.
Currently Selected:
زبُور 65: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
