زبُور 39
39
زِندگی اِنسان پُر از رَنج و زُودگُذر اَسته
بَلدِه یدُوتُون سردِسته خانِنده ها. زبُورِ داوُود.
1ما قد خُو گُفتُم: ”فِکر خُو ره سُون راه-و-رفتار خُو مِیگِیرُم
تا قد زِبون خُو گُناه نَکنُم؛
ما دان خُو ره قد لَغام اِداره مُونُم
تا وختِیکه آدمای شرِیر دَ نزدِیک مه بَشه.“
2ما چُپ و آرام بُودُم،
و تورِه خُوب ام نَمُوگُفتُم،
ولے دَرد-و-رَنج مه کَلو شُد
3و دِل مه دَ سِینِه مه دَر گِرِفت.
وختِیکه چورت مِیزَدُم، آتِش اَلَنگه مُوکد؛
اوخته دَ زِبو اَمَده گُفتُم:
4”خُداوندا، آخِرِ زِندگی مَره بَلدِه مه معلُومدار کُو
و تعدادِ روزای عُمر مَره؛
بیل که بِدَنُم که زِندگی مه چِیقس زُودگُذر اَسته.
5تُو روزای زِندگی مَره یگ قرِیش جور کدے و بس،
و عُمر مه دَ نظر تُو ھیچ اَسته.
واقِعاً که عُمرِ هر اِنسان کَلوتر از یگ نَفَس کشِیدو نِییه. سِلاه.
6یقِیناً اِنسان سایِه اَسته که دَرگُذره،
اُونا بےفایده تَپ-و-تلاش مُونه؛
اُونا مال-و-دارایی جم مُونه و نَمِیدَنه که کِی صاحِب شی مُوشه.
7و آلی، اَی خُداوند، ما چِیم دَ راهِ چِیزخیل بَشُم؟
اُمِید مه دَزتُو یَه.
8مَره از چنگِ پگِ خطاهای مه خلاص کُو
و مَره رِیشخندِ آدمای لَوڈه جور نَکُو.
9ما گُنگه شُدیم و دان خُو ره واز نَمِیتنُم،
چُون تُو اِی کار ره کدے.
10بَلا-و-مُصِیبت خُو ره از مه دُور کُو؛
ما از ضَربه های دِست تُو از بَین مورُم.
11تُو اِنسان ره بخاطرِ گُناهِ شی قد جَزا ها سرزنِش مُونی
و چِیزای دوست-دَشتنی شی ره مِثلِ کویه اَلّی مُوخوری.
یقِیناً که عُمرِ هر اِنسان کَلوتر از یگ نَفَس کشِیدو نِییه. سِلاه.
12خُداوندا، دُعای مَره بِشنَو
و دَ ناله-و-فریاد مه گوش بِدی.
آو دِیدِه مَره نادِیده نَگِیر،
چُون ما دَ پیش تُو رقمِ یگ مِهمو اَستُم
و رقمِ یگ مُسافِر، مِثلِ بابهکَلونای خُو.
13نِگاهِ خَشم آلُود خُو ره از مه دُور کُو تاکه ما بسم لَبخَند بِزنُم،
پیش ازی که از دُنیا بورُم و وجُود نَدَشته بَشُم.“
Currently Selected:
زبُور 39: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
