سُخنوَر 12
12
فصلِ دوازدَهُم
تَشبیِه روزای پِیری
1آست کُنِندِه خُو ره دَ روزای جوانی خُو دَ یاد بَیر،
پیش ازی که روزای مُشکِلات بِرَسه و سال های بییه که تُو بُگی:
”امیا بَلدِه مه خوش-آیند نِییه؛“
2پیش ازی که آفتَو و روشَنی
و ماهتَو و سِتاره ها بَلدِه تُو ترِیک شُنه
و آوُرهای پِیری بعد از بارِشِ جوانی بییه.
3 اُو ره دَ یاد بَیر پیش از روزی که پَیره-دارای خانِه#۱۲:۳ یعنی «دِستای» تُو. تُو دَ لَرزه بییه
و آدمای#۱۲:۳ یعنی «پایای» تُو. قَوی خانِه تُو خَم بُخوره
و خاتُونوی تُو که دِستاس مُونه#۱۲:۳ یعنی «دَندونای» تُو. بخاطرِ کم بُودو از کار بُمنه
و امُو دُو که از کِلکِینای خانِه تُو توخ مُونه، خِیره بِنگره#۱۲:۳ یعنی «چِیمای» تُو.
4و درگه های#۱۲:۴ یعنی «گوشای» تُو. خانِه تُو دَ کوچِه زِندگی بسته شُنه
و آوازِ آسیا پَخچ شُنه
و تُو که از آوازِ مُرغَکو بیدار مُوشی
آوازِ پگِ بَیتخانا بَلدِه تُو بےتاثِیر شُنه؛
5 اُو ره دَ یاد بَیر، پیش ازی که از جای های بِلند ترس بُخوری
و دَ راه ترس خورده بوری،
و رقمی که درختِ بادام شِگوفه مُونه، مُوی تُو سفید شُنه؛
و رقمِ مَلَخِ زخمی خود ره کَش کُنی
و خاهِشاتِ نفس تُو بَند شُنه.
عاقُبَت، هر اِنسان دَ خانِه اَبَدی خُو موره
و کسای که ماتَم مُونه دَ کوچه ها بُر مُوشه.
6 اَرے، آست کُنِندِه خُو ره دَ یاد بَیر
پیش ازی که ریسپونِ نُقره-یی#۱۲:۶ ریسپونِ نُقره-یی یعنی رِشتِه عُمر. مُنٹی شُنه
و کاسِه طِلّایی مَیده شُنه
و کُوزه دَ بَغلِ چِشمه ٹوٹه-و-پرچه شُنه
و چرخِ سرِ چاه کَنده شُنه
7و جِسمِ خاکی پس دَ زمی بوره که از شی اَمدُد
و روح دَ پیشِ خُدا که اُو ره بخشِیدُد پس بوره.
8مردِ سُخنوَر مُوگیه:
”کامِلاً بےفایده اَسته! تمامِ چِیزا بےفایده اَسته!“
آخِرِ مَوضوع
9علاوِه ازی که مَردِ سُخنوَر دانا بُود، اُو بَلدِه مردُم عِلم یاد دَد، خُوب فِکر و تحقِیق کد و مثل های کَلو نوِشته کد. 10مَردِ سُخنوَر جُستُجو کد تا تورای پسَندِیده پَیدا کنه و اُو تورای حقِیقت ره واضِح نوِشته کد.
11تورِه آدمای دانا رقمِ سوٹه-چیوِ چوپو اَلّی اَسته و مَجمُوعِ تورای ازوا مِثلِ میخای محکم که دَ وسِیلِه یگ چوپو کُفته شُده بَشه.
12علاوه ازیا، اَی باچِه مه، باخبر بَش: نوِشته کدونِ کِتاب ها خلاصی نَدره و خاندونِ کَلو باعِثِ مَنده شُدونِ جِسم مُوشه.
13پس بیِید خُلاصِه تمامِ چِیزای ره که گُفته شُد بِشنَوی: از خُدا بِتَرس و احکام شی ره دَ جای بَیر، چراکه تمامِ وظِیفِه اِنسان اینَمی اَسته. 14چُون خُدا دَ بارِه هر عملِ اِنسان قضاوَت مُونه، حتیٰ دَ بارِه تمامِ عمل های تاشِه ازُو، چی خُوب بَشه، چی بَد.
Currently Selected:
سُخنوَر 12: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 United Bible Societies Association and Pamir Ministries. Used by permission. All rights reserved.
