Sam 29
29
Sam 29
Tati rogiza naoglagna LOD farihotei khavali bi'o
Noa khoze mae Devet.
(Vese lao ka mavitu)
1Ghotolu engjel te au klia ra, lepo fakeliza LOD,
Ghotolu lepo fakeliza magne gnadi noa noilaghi bi'o ni gloku te tufuni keli te eira magne re.
2Lepo fakeliza nahngagna LOD te tufuni noilaghi.
Ghotolu mala tufuni tufru soruza LOD kate thakle mei magne ie. Tutu'ani, ghotolu mala lepo fakeliza nahngagna magne te blahi ie.
3Nanonire rogiza naoglagna LOD ie ke klia hnorara;
Noa noilaghi God ie, oa'ohnga jateula fila,
ni naoglagna LOD ie oa'ohnga jateula fila eu ke klia hnorara ie.
4Nanonire rogiza naoglagna LOD.
Magne mae nafano,
ni tufuni au noa noilaghi.
5Naoglagna LOD ie fua hneta lui, faklopara gazu sida re,
LOD ie ne faklopa fadi'ara gazu sidadi Lebanon re.
6Magne ne eira gukhudi Lebanon re ne ghaghasa jateula sua buluka,
ni eiza gukhu Hemon gne ne ghaghasa jateula sua buluka ma'anegna neuwa.
7Naoglagna LOD ie ne faplakuza naglisa ie.
8Naoglagna LOD ie ne fahngaliza hnimoto nagou ie.
Magne fahngaliza nau nagou Kades ie.
9Naoglagna LOD ie fahngalira gazu ok re,
ne brusu fahui nakladire.
Agnoni, nanoni fate'o te au ka noa Suga Blahi re, ne kafua aku fabi'o eu'ani,
“Tati kafua kilo uluza nahngagna LOD!”
10Neubane kho'u bi'o te gnugru re, LOD gne funei frunira.
Magne mae Nafano ni kaina funei fruni fatheve.
11 LOD gulao noilaghi ka noa nanonire,
LOD fablahira noa nanonire mala au ka keliphari.
Currently Selected:
Sam 29: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
