Sam 23
23
Sam 23
LOD mae koukofu sipsip te keli
Noa khoze mae Devet.
(Vese lao ka mavitu)
1 LOD lana nogu mae koukofu sipsip te keli rei ie,
magne koukofu fakelighau rei.
Eume, rei theome ke hmoneza kahe goifata ka nakahragu ie.
2Magne batughau tei ka hnimoto te au chuku gano mala ngamu ni gnafa eu rei.
Ni batughau tei ka hnimoto te moana ni au kho'u te keli tagna.
3Magne faheahetaza gaoghathogu rei,
ni batughau ka puhi te kohlo,
eigna nahngagna te tufuni kohlo.
(Vese lao ka God)
4Neubane zaoza'o tei rei ka hnimoto te tufuni romo,
rei kaina theome ke hmauza kihnana te di'a, eigna ghoe au balugu.
Nou naanala ni khodo teu ghoe re te au nogu fatutu'ani rei mala batughau ni kegra fotighau ie.
5Ghoe tarabana kahe ngahngamu malagu rei,
ke uludi nogu mae naoka re.
Ghoe ghatho boheghau ni fablahi pha'ugu ie ka oela.
Eume, noa fablahi God ka rei ie jateula kapu te fodu kho'u te liuza ia euwa.
6Tutu'ani, nou nakeli ni nahma teu ghoe re au balugu rei fatheve ka nakahragu ie.
Eigna ghoe tufuni ghatho boheza nou na'alepo ie.
Eume LOD, rei kaina au fatheve ka nou suga ghoe ie,
the'o ka huigna.
Currently Selected:
Sam 23: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
