Sam 24
24
Sam 24
God ie tufuni Nafano bi'o
Noa khoze mae Devet.
(Vese lao ka mavitu)
1Nauthoglu ni gobigna goifata fate'o te au ke hnuagna re noa LOD,
glose ni nanoni fate'o te au tagna re, eulanauwa noa magne.
2Magne ne nana'a glose gne farihoteini gna hnorara,
ni nana'a famamaku nathotoghagna ie ka hnorara paritogha.
3Mae ihei te gizagna te mala haghe Zaeon, ka noa gukhu LOD ie?
Ni mae ihei te gizagna te mala ruma ka noa Suga Blahi magne ie?
4Uve, mae te gizadi te mala kofiza LOD re, mae ihei te ga'e gaoghathodi, ni kohlo nakahradi,
ni theome tufru sorura mumuzu,
ni theome ei na'alepo phiapita.
5 LOD kaina fablahira ni toghora eu nafnata nanoni teure;
ni God kaina fakahrira ni kilora mae teure mae the'o nakhibodi.
6Nafnata nanoni te kohlo teure te tangomana kofiza LOD ie.
Ni eulanauwa tangomana te mei fathata ka noa God mae Jekop ie.
7Ghotolu te au Jerusalem ra, thotora fabi'o nathanga gna gruru bi'o ie,
mala ruma haghe mae nafano te fua noilaghi lui ie.
8Mae ihei mae nafano te fua noilaghi lui ie?
LOD mae te hneta ni uluza teu magra ie lana mae nafano te fua noilaghi lui ie.
9Ghotolu te au Jerusalem ra, thotora fabi'o nathanga gna gruru bi'o ie,
mala ruma haghe mae nafano te fua noilaghi lui ie.
10Mae ihei mae nafano te fua noilaghi lui ie?
LOD mae te hneta ka magra ni au noa noilaghi bi'o teu ke uludi nanoni te hui ka nauthoglu gne lana,
mae nafano te fua noilaghi lui ie.
Currently Selected:
Sam 24: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
