Sam 11
11
Sam 11
Noa koze nanoni te fatutu'aniza LOD
Noa khoze mae Devet.
(Vese lao ka mavitu)
1Rei tufuni fatutu'ani te ka LOD, rei kaina te tei au polo ka meigna puhi bi'o ie.
Eume, ghotolu theome tangomana te lepo eu'ani ka rei ie,
“Ghoe pelo tei ka gukhu iro jateula memeha te tufuni hmau ia euwa.”
2Eigna mae te di'a puhidire la tufuni lohlo fapitu nodi nabaghere,
ni fatoti lao thuna me polo ka hnimoto te romo mala khale ra mae te keli puhidire.
3Kate di'a te hui puhi fate'o re,
nanoni te keli re theome tangomana teke eiza lana kahe puhi te kohlo.
4 LOD gne au ka noa Suga Blahi ie.
Magne mae Nafano te hokro ka noa sape nafano klia ni funei frunira nanonire,
Magne kofira lana nanoni fate'o gna nauthoglu gne,
ni lase noara lana hna te eira nanonire.
5 LOD gne kofu falasera nakahradi nanoni te keli ni nanoni te di'a teure.
Ni magne tho'anoara ihei te eira puhi te di'are.
6Magne kaina tofa soru kha'aghi balu thina te ngire mala juru fahui nanoni te di'a puhidire,
ni eulanauwa fapaapara ra ka naulafa te tufuni jala.
7 LOD gne, tufuni kohlo lui ni tufuni nahmara eu nanoni te eira gloku te kelire.
Eume, mae ihei te eira gloku te keli teure,
kaina te tei au balugna LOD re.
Currently Selected:
Sam 11: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
