Sam 12
12
Sam 12
Noa totogho God ka ihei te fatutu'aniza magne
Noa khoze mae Devet mala koze balu gita.
(Vese lao ka God)
1 LOD, togho meighami.
Eigna gignoa igne the'o hui la kahe nanoni te leghugho fatheve ghoe ie.
Ni gheati la theome kofu deiza hui lanauwa kahe nanoni te kohlo ie.
2Hatimare la phiapitara farithaidi.
Ni eulanauwa, lase thuturi famaemahera thaidi ka goeghoze te muamugna re.
3 LOD, fofoto naflodi nanoni te thuturi famaemahe koba are,
ni fofoto naflodi nanoni te thuturi fahaehaghe te lepo eu'ani are,
4“Ka goeghozemi lana, gheati atha hna te ngagughamira re, ni nanonire kaina leghura hna te lepora gheatire.
Eume, the'o iheina te tangomana fanotoghami ie.”
(Vese lao ka mavitu)
5Ni LOD ne lepo eu'ani, “Eigna nanoni te di'a puhidire ne choghara nanoni te kumare,
ni eulanauwa, fapaapara ni fatahngira koba, ni nanoni te kumare ngagura lanauwa te mala au blagna nodi,
eume Rei kaina mei mala toghora hatimare.”
(Vese lao ka God)
6 LOD, gheati fatutu'anira nou na'alepo ghoe harighamire,
eigna na'alepo teure tufuni kohlo ni tutu'ani,
jateula siliva ni golu te fagaga'e fitu fata ka kha'aghi ia euwa.
7Koikofi fakelighami LOD,
ka mae te di'a puhidire.
8Mae te di'a puhidire au tafiri hia te hia.
Hatimare hneahnegha lana kate eira puhi te di'are.
Currently Selected:
Sam 12: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
