Matiu 1
1
Pagusu gna Jisas Kraes
(Luk 3:23-38)
1Igne u buka susurei gna Jisas Kraes, vikegna mae Devet ni mae Ebraham.
2Mae Ebraham gne magna mae Aesak,
mae Aesak gne magna mae Jekop,
mae Jekop gne magna mae Juda ni hatimare mae tabusigna gnare,
3mae Juda gne madi mae Perez ni mae Zera (dodi ie te Tama ia),
mae Perez gne magna mae Hezron,
mae Hezron gne magna mae Ram,
4mae Ram gne magna mae Aminadab,
mae Aminadab gne magna mae Nason,
mae Nason gne magna mae Salmon,
5mae Salmon gne magna mae Boaz (dogna magne ie te Rehab ia),
mae Boaz gne magna mae Obed (dogna magne ie te Ruti ia),
mae Obed gne magna mae Jesi,
6mae Jesi gne magna mae Nafano Devet.
Mae Nafano Devet gne magna mae Nafano Solomon (dogna magne ie teke khetogna mae Uria ia),
7mae Nafano Solomon gne magna mae Rehoboam,
mae Rehoboam gne magna mae Abaeja,
mae Abaeja gne magna mae Asa,
8mae Asa gne magna mae Jehosafat,
mae Jehosafat gne magna mae Jehoram,
mae Jehoram gne magna mae Uzaea,
9mae Uzaea gne magna mae Jotam,
mae Jotam gne magna mae Ahaz,
mae Ahaz gne magna mae Hezekaea,
10mae Hezekaea gne magna mae Manase,
mae Manase gne magna mae Amon,
mae Amon gne magna mae Josaea,
11mae Josaea gne magna mae Jekonia ni tahignare, hatimare teke au te'au ka naga'e teke seka te tei nanonidi Israel re ka gruru Babilon ia.
12Ke leghugna te tei sosolo Babilon ie, mae Jekonia gne toilaghi te kahraza mae Siltel gne,
mae Siltel gne magna mae Zerubabel,
13mae Zerubabel gne magna mae Abiudi,
mae Abiudi gne magna mae Eliakim,
mae Eliakim gne magna mae Azo,
14mae Azo gne magna mae Zadok,
mae Zadok gne magna mae Akim,
mae Akim gne magna mae Eliudi,
15mae Eliudi gne magna mae Eleaza,
mae Eleaza gne magna mae Matan,
mae Matan gne magna mae Jekop,
16mae Jekop gne magna mae Josep khetogna Mere, dogna Jisas mae te kiloza Kraes.
17Eume, funu ka mae Ebraham te dufu ka mae Nafano Devet ie dufiza saleifati pagusu. Euwateuwe, funu ka mae Nafano Devet te dufu ka naga'e teke seka teke tei Babilon ie, keha saleifati pagusu. Agnoni, funu ka teuwae te dufu ka kahragna mae Kraes ie, keha saleifati pagusu.
Kahragna Jisas Kraes
(Luk 2:1-7)
18Igne u thuturi kahragna Jisas Kraes ie. Dogna magne Mere gne neke paru hatimare ka Josep. Ni ame toilaghi na repa tekeu ie, Mere gne la kulu au thugna hui ka noa noilaghi Tharunga te Blahi ie. 19Mae Josep gne kahe mae keli lui puhigna ie. Magne theome ngaguza te famamazaza Mere ka nathagna mavitu ie, eume magne ne hiro phoge ka gaoghathogna ie mala megona klisu lana nodi paru repa ie.
20Ni kate ghathoza te au magne igne, kahe engjel noa Lod ne takle ka magne ka mifi, ne lepo eu'ani, “Josep vikegna mae Devet, tovi hmau te atha khetomu Mere gne, eigna sua te au ka gne'e gne, neke au ka noa noilaghi Tharunga te Blahi. 21Gne'e kaina au kahe thugna ma'ane, ni ghoe kaina kiloza magne Jisas, eigna magne kaina fakahrira noa nanonire ka u nakhibodire.”
22U puhi ire ne horoghoto ka hna teke lepoza Lod God ka mae profet Aesaea ie: 23“U kupi ie kaina brighu ni na au kahe thugna ma'ane. Agnoni, hatimare na kiloza magne Imanuel.#1:23 Aesaea 7:14. U gaoghathogna ‘Imanuel’ ie, ‘God ie au baluda’.”
24Agnoni, mae Josep dofra haghe ne leghuza goeghozegna engjel noa Lod ie ne athiza Mere ne toilaghi tagna. 25Ni Josep gne theome thuru faudu balugna Mere au ghile kahra thugna ma'ane ie. Agnoni, mae Josep ne fahngahngaza thugna ie Jisas.
© 2025 SIL Solomon Islands