Roma 13
13
ta zelreng kana sēfu
1pauwayanay mu na trau ziyan iyaturus kana mitrepa mikezang kikarun i kanatal, 'alrana tu iyakazu na kezang nintaw ipaturus na Virua i itras; nantu kezang na demikes kana lremak za trau mu zuwa kemay kana Viruwa i itras. 2semeneng, na 'emazi semuveli kana demikes kana lremak za trau mu mawna 'emazi semuveli kanantu seratr na Viruwa i itras; na kemani na trau 'azika'azi kisayvangan. 3na demadikes amelri pakakaud kana mi'inavayan na trau, mawna pakakaud kana kemuwatreng na trau. nu maranger u 'azi makaud kana demadikes mu, uwa kakawang za 'inava, zi tu i pakasemangalaw u; 4'alrana maw a pinakiyakarun na trau kana Viruwa i itras i intaw, nantu kiyakarunan mi'inavayan kannu. nu kemuwatreng u, zi kakaud u kantaw, 'alrana nantu pasavung amelri nu kivangavangen. nintaw pinakiyakarun na trau kana Viruwa i itras i intaw, pakakawang zantu pasavung na Viruwa i itras kanazu na kemuwatreng na trau. 5semeneng, 'azi mu ka'azi miturus kana demadikes kana lremak za trau, 'azi mawmau muramawan za makaud tu pasavung na Viruwa i itras, zi maw muramawan kana mianger za 'inavayan.
6nu pusata mu, maw muramawa za mararesan za pauwayan, 'alrana na demadikes kana lremak za trau nu kiyakarun mu maw muramawan kikarun kana Viruwa i itras. 7semeneng, kipiyayu pareveliyas na pinikiyam ziyan: na sasunan mu, sunanan; na puwasatayan mu, pusatayan; na kakauden mu, kakaudu; na kairayan mu, kairayu.
ta zelreng kana trau
8iyauwauwa mikiyama! mawmau mikiyama mu kana parekalramalraman. izu na lraman za trau mu, mawna mutulre'ay pula'esi kana kuret. 9nantu seratr na kuret kemuret: <<isasiya'; ipiyanatray za trau; itratrakaw; ikaalengatr.>> ini peniya zi zuma na seratr muravak kazu kana <<lraman za trau kamawan za lraman kantaw i intaw>> kanini na saya na seratr i savakan lra. 10na lralraman za trau na trau, 'azi pakakuwatreng za trau. semeneng, na lramanan mutulre'ay pula'esi lra kana kuret peniya.
11'azi mu ka'azi kemani kemakuda, 'alrana malrazam mu lra maw kemuda a wari harem; ini maw ninmu kasenanekin lra kemay kana kinalrupe'an. inta harem mara adalrep ta lra kanantu vavaaw na Viruwa i itras kana mawziyan pakutatena'. 12adalrep lra melavat na 'aremengan, meraredek lra na 'uninan. 'aziya ta lra emulraulrang kemakuda za lrmak; elak kana buki, padang kimatengez nu 'uninan. 13penatezelran ta i katratrau, kamawan kana kazu i 'uninan na trau. amanan na kurelrang za alengatran zemanga maliyay, amanan na semiya' maulrang, amanan na mazikuzikul masepelr. 14mawmu, mipinadanga mu kani Luzu Yēsu Kiristo; amanan na mawmau mawili papakumawan zanmu zazek za alengatran!
Currently Selected:
Roma 13: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023