Luka 8

na kurelrang kani Yēsu na vavayan

1a melavat lra za pida wariyan, i Yēsu tu paketrepay kemakawang na zazekazekalr, palenak tu pinikezang za fukuing kana Viruwa i itras; na papulu' zi zazuwa na sito kurelrang kantaw mukuwa. 2pakazuma ulra ziya papida na vavayan, maw na kipalrar zi maulep za kuwalengan, na kipaka'inava lra; kanazu i savak ulra na Motara i Maliya, ulra pituwa na palrar kemay kanantu zazek ivawi pupana a aziyu ziyan; 3ulra ziya kana ruma' ni Hērodē na kiyakarun i sēhu i Kusa tu 'azin i Yoanna, zi i Susana, zi zuma na kazuwan na vavayan. nazu mapiya melak kanantu pinieman veray kani Yēsu zi kanantu temakesi.

na paruwalruwan za 'emapiyar

(Matay 13.1-9; Maruko 4.1-9)

4na zinekalranan kemay kana zazekazekalr makaiyaiyan kazuwazuwan zuwa kirepana'uwa kani Yēsu. na mulepun na trau a muwazuk mu, i Yēsu marengay kanazu za paruwalruwan i makalusu:

5<<ulra a sasa na 'ema'apiyar mupatraran mukuwa 'emapiyara. a 'emapiyar i intaw mu, ulra na 'apiyar mutani i ngaydiran kana dalan, tu dadupa'aw za trau, muvii zuwa na 'ayam tu ekanaw lra nazu. 6ulra a zuma mutani kana varasarasa', temelriyu na 'apiyar mu marum lra, 'alrana 'azi semirep za zanum. 7ulra pidaya na 'apiyar mutani kana su'asu'ar i savakan, kurelrang ma'a'izang na su'asu'ar, tu lrikutraw na sever lra. 8ulra zuma pidaya na 'apiyar mutani kana 'inava na dare', temelriyu, ma'izang lra, mivuwa' za pinakasaleman.>>

marengay ziya i Yēsu: <<na mitralinga mu, kingeri mapiya a!>>

pauwayan za paruwalruwan

(Matay 13.10-17; Maruko 4.10-12)

9zuwa kiyumalra kantaw na temakesi ni Yēsu kanantu pauwayan ini na paruwalruwan. 10marengay i intaw: <<na kireeman kana kanatal na Viruwa i itras na asavak muvulri na kalrazaman iveray lra kanmu; kema ta kana zuma na trau, pimanayaw na paruwalruwan marengay, pakemazu kanazu menau' mu 'azi nana'u, kinger mu 'azi patulre'ay malrazam.>>

marengay pakapauwa kana paruwalruwan za 'emapiyar

(Matay 13.18-23; Maruko 4.13-20)

11<<tu pauwayan ini na paruwalruwan mu maw kemani: na 'apiyar kema kanantu vati na Viruwa i itras. 12na mutani i ngaydiran kana dalan na 'apiyar mu maw kema kana trau nu kinger lra kana vati, zuwa lra na palrar, tu 'araway ini na vati kemay kanantu anger, zi 'azi lra maruwa kivaaw pakalrang kanantu pakutatena'an. 13na mutani kana varasarasa' na 'apiyar mu maw kema kana trau a kinger lra kana vati mu semangal kituluz, mawmu na vati kazu kanantu anger i savakan 'azi pasavak merami; dika pakutatena' a azu nazu, mawmu nu muelep za lralrimaw mu 'azi katiyakezir. 14na mutani kana su'asu'ar i savakan na 'apiyar mu kema kana trau na kinger kana vati, mawmu mavangavang i wayway, mukezeng kana piniemanan zi pa'inava za semasaharan, paziyazi lra kanantu iyavaaw kanini na vati, 'azi maruwa mutulre'ay mivuwa'. 15na mutani kana 'inava na dare' na 'apiyar maw kema kana trau nu kinger kana vati mu, mianger za 'inavayan zi penatezelr patrutru miturus, penakasa mengangara, palru za mivuwa' i intaw.>>

na lrawlraw i makalusu kana vitaw

(Maruko 4.21-25)

16<<iniyan za trau padepe' kana lrawlraw, zi atravaw kana vitaw, nu 'azi mu tra'anay i makalusu kana sa'esa'. 'azika'azi meretra' i itras kana pulrawlrawan i intaw, maruwaya mena'u kana senan na muwasavak na trau. 17na muvulri na lremak ziya 'azika'azi mupana kikalrazam, na ivulri ilrasez na lremak ziya kemazu kikalrazam, kalrazamaw za trau.

18<<semeneng, tarekinger i inmu; 'alrana izu na ulra mu, vaverayay za maresazu; izu na iniyan mu, arusay na ulra kantaw na saema mu 'a'araway melak peniya.>>

i tainataw zi na wadadiyan ni Yēsu

(Matay 12.46-50; Maruko 3.31-35)

19i tainataw zi na waditaw ni Yēsu zuwa mena'uwa kantaw, mawmu 'alrana kakazuwanan na trau, 'azi maruwa mudalrep kantaw. 20ulra a trau marengay kani Yēsu: <>

21marengay i Yēsu kanazu: <<nazu na kinger kana vati na Viruwa i itras zi miturus mu, mawna i inani zi na wadilri!>>

i Yēsu paziyazi kana vali zi na kelun

(Matay 8.23-27; Maruko 4.35-41)

22ulra a saya wari, i Yēsu mukasa kana temakesi muitras kana tamina, marengay kanazu: <<mukuwaya ta kana danaw i kaziyu.>> zi mahuwahu mukuwa nazu. 23a kemakawang na tamina mu, turin alrupe' lra i Yēsu. maherareher za ulra salaw ma'izang a vali semelretrap kana danaw, matemuy lra na zanum kana tamina, salaw kakaukaud. 24na temakesi mukuwa i ngawayan kantaw, venalruk kantaw, marengay: <<sinsi, sinsi, 'azi mi lra kavaaw a!>>

muvalruk i Yēsu, semeratr maselru kana vali zi na kelun, na vali zi na kelun mu maziyazi, ametreh na danaw i itras. 25kiyumalr kanazu i Yēsu: <<ulra i iyan nanmu pakutatena'an awa?>>

salaw pakumelri zi mare'alav nazu, mazayazayar nazu: <>

i Yēsu paka'inava kana pinalrar na trau

(Matay 8.28-34; Maruko 5.1-20)

26nazu melavat i Galili kana danaw mukuwa i makangawayan i Gērasan na pinidare'an. 27a mukaitrasan kana dare' i Yēsu, i kazu kana kinazuwan ulra a sasa kipalrar na trau mukuwani. sawariyan lra 'azi mikakavang ini na trau, 'azi kaazu i ruma', zi kaazu kana vuwang i trevelran. 28a mena'u kani Yēsu i intaw, zi 'emuy'uy, mihelrupu i ngawayan kani Yēsu, kematamuni marengay: <<na maraitraitras na Viruwa i itras tu Alrak i Yēsu, kemuda zi zuwa u meringiza kaninku awa? kiyami ku kannu ipakaulep kaninku!>> 29kema marengay i intaw mu 'alrana semeratr lra i Yēsu kana palrar pupana kemay kanantu zazek izu na trau a aziyu ziyan. parepidapidan ki'evang lra kana palrar i intaw, arusay za kisikip i intaw, na lima na kuy tu tra'tra'ay za kusali mu, i intaw maruwaruwa palretra kana kusali, kivawi kana palrar mukuwa i alalas.

30kiyumalr i Yēsu kantaw: <>

temuvang i intaw: <<ku ngadan i <ma'izang mulepun>.>> 'alrana sazu a penalrar kantaw. 31kiyami na palrar kani Yēsu, za 'aziya tu pusavaki kana iniyan za palruwan na asavasavak nazu.

32i dalrep kana panuwanun na zenan mu penauwa ulra mulepun a lriyung maaekan. zi kiyami kani Yēsu na palrar, za muwai paturus kanazu musavak kana lriyulriyung; i Yēsu paturus lra kanazu. 33zi na palrar mupana kemay kanizu na trau i zazek, musavak kana lriyulriyung; na salepunan na lriyung harunghungan mulalesak kana tengalr, musavak kana danaw, minatray lra kana zanum peniya.

34na purarikan kana lriyung na trau mena'u kanini na lremak, zi penusar, mukuwa i kazekalran zi kana zekalr pu'ivat kana lremak. 35mupapana na kaazu i kazu na trau, menana'u za ulra mupana a eman lremak. nazu mukuwa kani Yēsu mu, mena'u kana mupana lra na palrar kemay kanantu zazek izu na trau kazu kemayan kani Yēsu i kakuyan, mikavang, patezelr tu anger, zi salaw makakaud. 36na mena'u kanini na lremak na trau za pinaka'inava lra izu na trau tu pinakalrangan tu uwayanay marengay kana trau ziyan. 37kemazu mu i Gērasan na pinidare'an na zinekalranan kiyami kani Yēsu za uveruk uwaday i kazu, 'alrana salaw makakaud nazu. zi muitras kana tamina muveruk i Yēsu. 38izu na kemay kanantu zazek mupana za palrar na trau mu kiyami kani Yēsu marengay: <<'alrazi pakurelrangaw ku kannu mukuwa!>>

mawmu i Yēsu puveruk kantaw, marengay: 39<<uruma' i inu, vavati kana Viruwa i itras kanantu kinakudayan na lremak kannu.>>

zi mukuwa lra i intaw, paketrepay kemakawang i zekalr, palenak kani Yēsu kanantu kinakudayan na lremak kantaw.

na alrak ni Yēru zi na kuwaaleng za maiviv na vavayan

(Matay 9.18-26; Maruko 5.21-43)

40i Yēsu muveruk makuwa kana danaw i makangawayan kana dare', na zinekalranan semangal kiyatrevung kantaw, 'alrana mengangara mapapiya kana zazuwa i intaw. 41ulra a sasa tu ma'izang kana waazukan ruma', mingadan kani Yēru, kemazu zuwa lra. i intaw miherupu kani Yēsu i kakuyan, kiyami kani Yēsu za pazuwa kantaw i ruma', 42'alrana tu alrak na pulu' zi zuwaya 'ami na saverasan na vavayan uri kiyanatray lra.

a mukuwa i Yēsu mu, mulepun a trau 'emetre'etr kantaw i ngawayan lra zi i likuzan. 43ulra a sasa vavayan kuwaleng lra za muketrep zi zuwaya 'ami za maiviv; i intaw melremes lra kanantu paisu na ulra ziyan kana ising#8.43 ulra pidaya na awatranan lulun iniyan za <> (na'u kana Maruko 5.26)., iniyan ziya za trau maruwa paka'inava kantaw. 44kemakawang mukuwa kani Yēsu i likuzan i intaw, semihiyu kanantu lrungpaw i kapuyungan ni Yēsu, tu kuwalengan na maiviv payas maziyazi. 45kiyumalr i Yēsu: <>

iniyan za pakanumaw mapiya. marengay i Pētēro: <<sinsi, kannu i ngawayan i likuzan matemuy a trau, 'emetre'etr mapiya kannu a!>>

46mawmu marengay i Yēsu: <<ulra a trau semihiyu kaninku, 'alrana malrazam ku za ulra mupana a kezang kemay kaninku i zazek!>> 47izu na vavayan malrazam za 'azi lra pakavulri i intaw, zi herareheran zuwa malrituzuwa kani Yēsu i kakuyan, kazu kana trau mapiya i ngawayan marengay kani Yēsu, za kemuda zi semihiyu kantaw, zi kemudakuda 'inava lra payas. 48marengay kantaw i Yēsu: <<alrak, nannu pakutatena'an venaaw lra kannu! ping-an uruma' lra mu.>>

49i Yēsu a mararengay kanini na ngay mu, ulra a trau kemay kanantu ruma' na ma'izang kana waazukan ruma' mahelrahelr zuwa, marengay kani Yēru: <<minatray lra nannu alrak na vavayan, ipakavangavang lra kani sinsi.>>

50a kinger i Yēsu mu marengay kani Yēru: <<ikakaud, pakarasa pakutatena'! ka'inava i intaw.>>

51i Yēsu meredek lra kana ruma' ni Yēru mu, pakazuma kani Pētēro, Yohanē, Yakob, zi tu ma'izangan na alrak na vavayan mu, 'azi muwai kana zuma na trau kurelrang musavak. 52na kazu i kazu na trau mu pakirev trematrangis kanini na alrak na vavayan. marengay i Yēsu: <<itratrangis! 'azi minatray ini na alrak na vavayan, mawna trurin alrupe'.>>

53laliked na trau mapiya kantaw, 'alrana malrazam nazu kana alrak na vavayan za minatray lra. 54kemezeng i Yēsu kanantu lima, zema'ung marengay: <<alrak, karahan!>> 55zi tu tinavawan mu mareveliyas, payas marahan. patalru i Yēsu kanazu veray za eman paekan kantaw. 56tu ma'izangan na alrak na vavayan pasalaw maherareher, penazangal patalru kanazu i Yēsu, na ulra na mupana na lremak irarengay kani emaeman.

Currently Selected:

Luka 8: TPN

Highlight

Copy