Sito 20
20
masalr mumalr i Makidoniya zi i Gilisiya i Pawlo
1maziyazi lra na mariyanaun mu, tu puwazukaw na sinziya ni Pawlo, zi tu pukezangay nazu, a azu kiruwaday kanazu. zi muveruk i kazu, mukuwa i Makidoniya. 2mu'iva'ivat i intaw i kazu na pinidare'an, pukezang kana sinziya sazu za ngay, kemazu zi mukuwa lra i Gilisiya i intaw, 3kazu i kazu za teluwa vulan. i Pawlo paadang za uwaitrasan kana sudang auwa i Siliya mu, marulrazam kana Yodaya na trau mianger za piyanatray kantaw, mawna kemani zi kemuret maveliyas makalrang i Makidoniya muveruk. 4na marelrang kantaw mu ulra a Bērēya na trau tu alrak ni Pirus i Sopatēr, ulra a Tēsalonikē na trau i Arisetako zi Sēkundus, Dērebē na trau i Kaiyus, ulra ziya i Timotē zi na Asiya na trau i Tēkikus zi i Terofimus. 5iyanguwayan mukuwa nazu na salrangan, kazu i Toroas mengara kaniyam. 6a melavat lra kana puwaelakan za paresasemak na wariyan, kemay i Filipi na sudang masikasik, lruwatra wariyan zi meredek i Toroas, maretrevung kanazu, kikazu i kazu za saliyusan.
i Pawlo talikuzakuzan mumalr kana Toroas
7a liyusan enem za 'aremeng,#20.7 <<a liyusan enem za 'aremeng>> karuwa marengay za <<a liyusan telaulepan za 'aremeng>> mukasa mi muwazuk, mukasa pa'inava kana lramanan na aekanan. venavati za vati i Pawlo kanazu mapiya, 'alrana kazuwa wari mu uri kasiyakasik i intaw, semeneng patrutru venavati, palru za parekazuwa 'esungnan. 8naniyam inuwazukan na ruma' na tre'elr ulra sazu a lrawlraw. 9ulra a sasa mingadan kani Yotēko a vangesaran kemayan kana lataw, a patrutru venavati i Pawlo mu, maulep zi hemalretum i intaw, tivus trurin alrupe', mutani kemay katelu tre'elr. tu karaparahanaw i intaw, a mena'u kantaw mu minatray lra. 10mulusu i Pawlo, zi hemepa kanantu zazek, tu kapetraw i intaw, marengay: <<ikazakazak, ulra ziya tu aengaz i intaw!>> 11zi muitras ziya kana tre'elr i intaw, penisa' kana pang mekan lra. patrutru venavati za sawariyan i intaw, palru za 'idenan zi muwaday lra. 12nazu tu atezanay vaavaaw izu na vangesaran muruma', salaw mudele'us nazu mapapiya.
kemay i Toroas meredek i Militu
13iyanguwayan mi muitras kana sudang, auwa i Asos, uri kitratrevung mi kani Pawlo i kazu. ini mu nintaw kinuretan, 'alrana kakawang i intaw dare'. 14kazu i intaw i Asos kiretrevung kaniyam. mi kiyatrevungaw intaw muitras kana sudang, kemazu zi masikasik mukuwa i Mitulēnē. 15kemay kazu masalr mi pakawang kana sudang, kazuwa wari meredek i Kios makakuwaziyu; katelu wari, mukidare'an i Samos, kaapat wari meredek lra i Militu. 16i Pawlo piya lra kemuret za ka'aziyan muvilin i Ēpēso, mawnu muringiz za wari i Asiya siyo. mahelr za mukuwa i Yērusalem i intaw, kiyalriman za maruwaya meredek nu pakangawayan kana goziyunsēc.
uwaaday i Pawlo temuru za ngay
17i Pawlo kemay Militu pakarun za trau mukuwa i Ēpēso kiyokay miya'a kana ciyoro, demaulr pazuwa kanazu kirepana'u kantaw. 18zuwa lra nazu, marengay i Pawlo kanazu: <<malrazam mu, a zuwa ku kemay i Asiya siyo kana melrivak na wari mu, kemudakuda ku marayas kurekasa kanmu, 19kemaira zi nana i anger kikarun kani Luzu, zi maw lra tu i pakakuwatreng kana Yodaya na trau zi mi inelrangan za sazu kana lralrimaw. 20malrazam mu mapiya, nu kazu lra kana patrirevengan, zi za kazu kananmu rarumaruma', nu kazu ku venavati zi panadam kanmu mu, mawmau nu ulra ka'inavayan kanmu mu, 'azi ku semama' 21na Yodaya na trau lra zi na sizumayan na trau lra, salaw ku kemapazangal papuanger kanazu, maruwaya muwasalr pakavekal nazu, mareveliyas kana Viruwa i itras, zi pakutatena' kananta Luzu Yēsu. 22harem, muramawan iturus kana Vangesar Lu'em, auwa ku i Yērusalem. 'azi ku malrazam za uwaelep ku za eman lremak i kazu; 23mawmau malrazam ku, kana makakazekalran na Vangesar Lu'em pakalrazam kaninku, ulra a imengan zi a kakuwaatrengan mengangara kaninku. 24mawmu, 'azi ku melraman zanku uwavaawan, maw muramawan parekipiya zanku rilreng, pula'esi zantu i patalru ni Luzu Yēsu kaninku na kiyakarunan, mawna wawasay zantu ipuwavut na Viruwa i itras na fukuing.
25<<kazu ku mukasa kanmu mapapiya kimazangi, palenak tu pinitrepa mikezang na Viruwa i itras. harem malrazam ku, kamay harem mu 'azi mu lra i nana'u kaninku. 26semeneng, harem kana wari kemapazangala ku marengay kanmu, nu kazu a trau malremes pamelri, na pamelriyan 'azi kazu kaninku; 27'alrana nantu nirangeran na Viruwa i itras 'azi ku semama' palenakanay veray kanmu lra. 28temaranapawa mu i inmu, zi muramawana mu kana i patalru na Vangesar Lu'em kanmu za kiyarungetran kana zinekalranan temaranapaw. puwarikanu nantu kiyokay na Viruwa i itras#20.28 <<kiyokay na Viruwa i itras>> ruma' ulra pidaya awatranan lulun vinavalray za <<kiyokay ni Luzu>> -- mawna pakalrang kanantu kininatrayan#20.28 <<pakalrang kanantu kininatrayan>> karuwa marengay za <<pakalrang kanantu i kiyanatray i intaw>> tu Alrak venalis. 29malrazam ku za kiruwaday ku lra mu, ulra salaw malemu kakaukaud na suwan i alalas kurezaul kanmu zuwa kemuwatreng kana lepun na takulris. 30mawna kazu kanmu i savak, ulra a trau paredaway za venavetra' na ngay, pa'ilring kemezeng kana temakesi paiturus kanazu. 31semeneng, masenekina mu, piangeru kanini na teluwa 'ami, kemudakuda ku nu 'aremeng 'uninan mataraule' temuru papuanger, panadam kanmu kurisaesayan na trau.
32<<ku tuluzanay mu i lima kana Viruwa i itras zi kanantu ipuwavut na vati harem; maruwa kemaarekez zanmu ipakutatena' i intaw, zi muramawan kanantu zinekalranan pinadang na ka'inavayan veray kanmu. 33'azi ku ziya alengatr za pinieman za trau tu kim zi ging zi kavang. 34malrazam mu inmu, mimanay ku zanku lima kikarun, venaaw ku kaninku zi zantu a eman nanku lralrang. 35kazu ku kana marekamelrimelri na lremak venilin ku kanmu za kuwarelrangan, marengay kanmu za pauwayanay mu kemaniya mu kemara'emetr kikarun puwalrang kana 'azi kirungetr na trau. patuangeru nantu nirengay ni Luzu Yēsu na ngay: <na veray mu mara mika'inavayan kana kiveray.> >>
36piya marengay kanini na ngay, zi i Pawlo salrangan kanazu mapiya malrituzu kiyanun. 37trematrangis mapapiya lra, kemapetr emuma kantaw, zi patunun kantaw. 38muramawan zantu nirengay ni Pawlo nazu <<kemay harem 'azi mu lra i nana'u kaninku>> ini na ngay zi pakamelri nana i anger. zi nazu tu atezanay i intaw puitras kana sudang.
Currently Selected:
Sito 20: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023