Sito 19
19
kazu i Ēpēso i Pawlo
1kazu i Kolinto i Apolos mu, i Pawlo muwazangi melavat kana pinidare'an, meredek i Ēpēso. kazu i kazu, kiretrevung za papida na temakesi i intaw, 2zi kiyumalr kanazu: <<a pakutatena' mu kani Luzu mu, kituluz mu kana Vangesar Lu'em?>>
temuvang nazu: <<'azi mi ziyan kinger za ulra a Vangesar Lu'em.>>
3kiyumalr ziya i Pawlo: <<nu kemazu mu, a eman nanmu kinisuwapan ziyamaw?>>
temuvang nazu: <<maw tu iyasuwap ni Yohanē.>>
4marengay i Pawlo: <<tu iyasuwap ni Yohanē maw muramawan kanazu na muwasalr pakavekal na trau; pakelrazam kana Iseraēl na zinekalranan i intaw za pakutatena'an kana pakalikuzan kantaw zuwa izu na sasa, maw i Yēsu.>>
5a kinger kanini na ngay nazu, zi pakalrang kana ngadan ni Luzu Yēsu kisuwap. 6muramawan kanazu demikes za lima i Pawlo, na Vangesar Lu'em meredek kanazu i zazek, zi marengay tu ngay za lu'em nazu, zi venavati ziya tu vati na Viruwa i itras. 7nazu mukasa kararuwa papulu' zi zazuwa a trau.
8patrutru za teluwa vulan, kemazu 'azi mamelri mukuwa kana waazukan ruma' i Pawlo, kema 'uringetr venavati, kimatuvatuvang za lremak kana kanatal na Viruwa i itras, papuanger za trau muwasalr pakutena'. 9kanazu i savak ulra a papida na maureng 'azi muwai kiputatena'; kazu i ngawayan kana trau marengay kemuwatreng kanantu dalan ni Luzu. kemazu zi tu pilralrangaw na temakesi ni Pawlo muwaday kanazu, kazu kana talrevaw i Turanus mazayazayar kana wariwari#19.9 <<wariwari>> zuma ulra pidaya awatranan lulun vinavalray za <<na wari ziya kemay semavalr muketrep zi saya tuki palru za kare'alriyan pata tuki>>.. 10mawna kemani na kiyakarunan mu patrutru lra za zuwaya 'ami, mawna kemani na ulra ziya kaazu i Asiya siyo na trau, anu na Yodaya na trau zi za na sizumayan na trau, kinger lra mapiya kanantu vati ni Luzu.
alrak ni Skēva
11na Viruwa i itras pakalrang kani Pawlo pupana za pakamelri a karepalripalri; 12arusay za ulra a trau melak kanatu pinihimpu zi za sukun meretra' i zazek kana kuwaaleng na trau, zi malremes na kuwalengan lra, na palrar mupatraran kemay kanantu zazek kana pinalrar na trau. 13ulra a zuma muwa'iva'ivat makaiyaiyan, na venavawi za palrar na Yodaya na trau mu maranger ziya venavetra' kivulas za ngadan ni Luzu Yēsu kemakuda kana kemani na lremak. marengay kana palrar nazu: <<pakalrang ku tu i palenak ni Pawlo na ngadan ni Yēsu, semeratr kanmu upana.>> 14na kiyakarun kana kemani na lremak mu maw tu alrak na ma'inayan na papitu ma'izang na rahan kana Yodaya na trau i Skēva.
15mawmu, temuvang na palrar kanazu: <<malrazam ku kani Yēsu, zi malrazam ku kani Pawlo za i eman; mawmu, i eman mu?>>
16izu na pinalrar na trau mu pakirev temengez kanazu, depelaw lra nazu. mavuli' nazu mapiya, zi kipiris lra za kavang, mazungazung penusar mupatraran kana ruma'. 17a kinger kanini na lremak na kaazu ziyan i Ēpēso na Yodaya na trau zi na sizumayan na trau mu, salaw makakaud; na ngadan ni Luzu Yēsu kemay kani puwapuwa lra kipuitras. 18ulra a kazuwan na sinziya kemirakaz kazu i ngawayan pakelrazam kana trau penatezelr pakanumaw pupana kanantu kinakuda na lremak a aziyu ziya. 19kazuwan na penalisi murung kanantu valray zuwa, 'udungaw pukasa, vatri'aw ingawayan kana trau. tu ipaw tu trima' kananni na valray mu, kararuwa za lruwatra kuzaw ginpiya peniya. 20kemani, mupalenak nantu vati ni Luzu, marekakerevat ma'izang.
marenaun na Ēpēso
21a melavat nanni na lremak i likuzan lra mu, kemuret i Pawlo#19.21 <<kemuret ni Pawlo>> karuwa marengay za <<kitrepa za Vangesar Lu'em i Pawlo, kemuret>> za kaalrang i Makidoniya zi i Akaya, mukuwa i Yērusalem, marengay i intaw: <<nu meredek lra i kazu mu, 'azi ku ka'azi mukuwa i Roma mena'uwa.>> 22kemazu zi pakarun kanantu puwalrang na zazuwa -- i Timotē zi i Ērastos -- mukuwa i Makidoniya, muvilin pidawariyan i Asiya siyo i intaw.
23penauwa a azu mu, muramawan kanantu dalan ni Luzu, i Ēpēso mureha a saya pakirev a trematriyur na lremak. 24ulra a sasa mingadan kani Dēmētiriyus a daykusang kana ging, mitrepa za kiyakarunan demaway za alruwan i Aretēmis na vavayan na biyo; kazuwan na daykusang mietan za sazu kanini na kiyakarunan. 25i Dēmētiriyus puwazuk kananni na kiyakarun zi na resaresan za kiyakarun, marengay kanazu: <<ninmu mapiya, malrazam mu nanta i ka'iyanava maw pakalrang kanini na kiyakarunan. 26kinger mu lra harem, zi mena'u mu lra kani Pawlo za kemakuda za eman. marengay i intaw: <na dinaway za lima kana trau na tinuviruwa mu amelri viruwa peniya.> i ini na ngay i Ēpēso zi Asiya siyo na trau peniya kazuwan lra na pakutatena'. 27mena'u ta kanini nanta kiyakarunan uwaelep za kakaudan a kipungadan za kuwatreng. 'azi mawmau kemani, arusay na ma'iznag na vavayan na tinuviruwa Aretēmis na biyo kuwaazu ziya kidemulu, na kazu lra i Asiya siyo zi i punapunan na salaw kinakuwakuwa sinasungal na vavayan na tinuviruwa tu piningadanan kuwaazu kipakakuwatreng!>>
28a kinger na zinekalranan kananni na ngay mu ka'ilremesan lra, pakirev marengay: <<tu tinuviruwa na vavayan Aretēmis i Ēpēso na trau kemudakuda kana kareayawan a!>> 29kemazu zi marenaun palru peniya i kazekalran. na pakakuwatreng na trau 'emevang kanantu lralrang ni Pawlo na zazuwa i Makidoniya na trau -- i Kaiyus zi i Arisetako -- mukasa semerepang kana sasivayan i savak. 30i Pawlo maranger mukuwa i ngawayan kana zinekalranan, mawmu na temakesi 'azi muwai pusavak kantaw. 31ulra ziya papida kemakezeng i Asiya siyo, maw 'ali'an ni Pawlo, kemazu pakarun za trau mukuwa paziyaziya kani Pawlo, kema kantaw iauwa muranaka i sasivayan. 32a azu, na waazukan mutriyur ngarawengawan peniya, ulra na 'emuway'uy kanini, ulra na 'emuway'uy kaniziyu, kazuwan na trau 'azi malrazam za kakudayan muwazuk i kazu. 33i Yodaya na trau tu sukunanay i Alisanta pungawayan, ulra a trau kema ini na lremak maw i intaw na pizelreng. kemazu zi temuwap za lima i Alisanta, maranger venavati kana zinekalranan. 34mawmu, a pakumaw kantaw za maw a Yodaya na trau mu, mukasa 'emuy'uy: <<tu tinuviruwa na vavayan i Aretēmis i Ēpēso na trau kemudakuda kana kareayawan a!>> kemani 'emuy'uy lra za zuwaya tuki.
35talikuzakuzan, izu na kazekalran na mitrepa venavalray i hoing mu tu parapenganaw lra na zinekalranan. marengay i intaw: <<i Ēpēso na trau a, i eman na 'azi malrazam na kazekalran i Ēpēso maw na menana'u kana ma'izang na tinuviruw na vavayan Aretēmis na biyo zi izu na kemay i itras mudare' tu zazek na tinuviruwa? 36nu kemazu lra iniyan za trau maruwa 'azi pakanumaw za amelri nanni na lremak mu, maruwaya mu marapengan lra, amanan emulraulrang. 37mu pilralrangaw i kani nanni na trau, mawmu, 'azi tremakaw melak za eman kana biyo, zi 'azi semiri kananta tinuviruwa na vavayan. 38nu i Dēmētiriyus zi nantu resaresan za kiyakarunan maranger kokso kani eman mu, ulra tu kuret za sayvangan na wari zi na kiyaanger kana kokso na ma'izang, kararuwa parepana'u mazazayar nazu. 39nu ulra a zuma a lremak, zi kararuwa kazu kana penauwa za kuret i gikay papatezelr. 40kamawan harem kana wari na vinavutrungan, 'azi ta ka'azi kipuzelreng. ini na inutriyuran peniya maw pamelri, i inta 'azi ta pakarengay za a eman ta pauwayan.>> 41piya marengay kananni na ngay mu, tu paruwadayaw lra na muwazuk i intaw.
Currently Selected:
Sito 19: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023