Sito 12
12
puwapuwa kipakakuwatreng za sazu na kiyokay
1maw a azu mu, na yawan i Hērodē pakakuwatreng kana sinziya i kiyokay. 2mimanay za tazaw i intaw pinatray lra kani vautaw ni Yohanē i Yakob. 3malrazam za sahar na Yodaya na trau za kemaani i intaw, zi mukuwa ziya 'emvanga kani Pētēro. (ini na lremak mupana kana puwaelakan za paresasemak na wariyan) 4a 'emevang lra kani Pētēro mu, tu imengaw i imengan, tuluzanay kana marekapat sevang na ki'alra'alra milran, na sasevangan ulra aapat na hitay. kemianger i Hērodē kana palalavat na wariyan i likuzan mu pupanayaw lra, sayvang kantaw i ngawayan kana trau. 5mawna kemani, i Pētēro tu tareilranaw kazu i imengan; na wadadiyan i kiyokay muramawan kantaw pakirungetr kiyanun kana Viruwa i itras.
i Pētēro kivaaw mupana i imengan
6i Hērodē a puwapana kani Pētēro sasayvang a pakangawayan kana 'esungan mu, i Pētēro alrupe' i paduk kana zazuwa na ki'alra'alra, ulra a zuwaya kusali trema'tra' kantaw, zi kana sulray ulra ziya a hitay mailran. 7maherareher, ulra a tēnsi ni Luzu matikezir i kazu; ulra a senan piyasavak pasenan i imengan. na tēnsi temapetap kanantu 'iyav ni Pētēro, venalruk kantaw, marengay: <<kadika karahan!>> izu na kusali payas mutani kemay kanantu lima ni Pētēro. 8marengay kantaw na tēnsi: <<eretru na lunain, pikuse.>> miturus kanantu ngay kemakuda lra i Pētēro. marengay ziya na tēnsi: <<pikavang kana kaytu, alamu kurelrang kaninku.>> 9kurelrang i Pētēro kantaw mupatraran i imengan, mawmu 'azi malrazam tu kinakuda na tēnsi za tatena' ulra ini na lremak, kaulra mena'u lra kana kirekamelri na nirekudayan kema. 10melavat lra kana ngawangaway zi na pukazuwa na ki'alra'alrayan nazu, talikuzakuzan meredek lra kana auwa i kazekalran na vatulrayaw na 'alrevan, izu na 'alrevan mutruwalr i intaw lra. mupatraran nazu, melavat za saya dalan; maherareher, na tēnsi kiruwaday lra kani Pētēro.
11a azu, marulrazam lra i Pētēro, zi marengay: <<harem malrazam ku ini maw a tatena'; i Luzu pakarun kanantu tēnsi, vaawaw ku puwaday kanantu lima ni Hērodē zi na Yodaya na trau kanantu pakakuwatreng ziya kaninku.>>
12patulre'ay mena'u kanini na lremak i intaw, zi mukuwa kana ruma' ni Maliya i tainataw ni Yohanē Maruko; ulra kazuwan a trau muwazuk i kazu kiyanun. 13tremuntrun i Pētēro kana panayan na 'alrevan, zi ulra pakarunan a vavayan mingadan kani Rota temuvang mupatraran. 14pakumaw i intaw za maw tu ngay ni Pētēro, pasalaw semangal, 'azi lra pulingaw tremuwalr kana 'alrevan zi pavekas pakalrazam kana mapiya, marengay za i Pētēro ulra matikezir i patraran. 15marengay nazu: <<maaulrang u lra!>> izu na pakarunan na vavayan penakasa za tematena' ulra kemani a lremak kema. zi marengay nazu: <<izu 'azika'azi maw tu tēnsi.>>
16a azu, 'azi maziyazi tremuwanetrun kana 'alrevan i Pētēro. tremuwalr lra kana 'alrevan nazu, mena'u za tena' maw i intaw, salaw mare'alav mapapiya. 17temuwap za lima i intaw, parapengan kema kanazu, venavati kanazu i Luzu za kemuda murung kantaw mupatraran kana imengan. patalru ziya i Pētēro kanazu za pakalrazam kanini na lremak kani Yakob zi na sinziya, kemazu zi muveruk, mukuwa za zuma na kinazuwan lra.
18a 'iyadenan mu, mutriyur na ki'alra'alra, 'azi malrazam kani Pētēro za kemuda lra. 19semeratr paiya' i Hērodē, mawmu 'azi mena'u kani Pētēro; zi tu kiyumaumalray na ki'alra'alra, semeratr papinatray kanazu.
i likuzan lra kanini na lremak, i Hērodē muwaday i Yodaya, mukuwa i Kaysaliya, kikazu lra i kazu za pidaya wariyan.
tu kiyanatray ni Hērodē
20ka'ilremesan i Hērodē kana Taēr zi i Siton na zinekalranan, semeneng, nazu semukun pakarun za sevang paruveli kanazu mukuwa kirepana'uwa kani Hērodē. nazu iyanguwayan marengay lra kana demadikes kanantu ruma' na yawan i Pilastu, zi mukuwa kani Hērodē kiyamiya za pareka'iyanava, 'alrana nazu ranganger kemay kanantu niravak na yawan kiveray kanantu aekanen.
21kazu za pinakamelri a wari, i Hērodē mikavang kanantu kavang na yawan, kemayan kanantu kakayanan na yawan, temuru kana zinekalranan. 22'emuy'uy marengay nazu: <<melri tu lrengaw za trau elra i ini, a maw tu lrengaw za tinuviruwaruwa!>> 23na tēnsi ni Luzu payas tremepuk kani Hērodē, 'alrana 'azi pulihu kana Viruwa i itras. kikaratr kana 'uled zi minatray i intaw.
24tu vati na Viruwa i itras patrutru mu'ivat makawang, marekama'izang kana wariwari.
25i Barenaba zi Sawlo kemipiya lra za rilreng kana kiyakarunan mu, muwaday i Yērusalem muveruk#12.25 <<muwaday i Yērusalem muveruk>> zuma ulra pidaya awatranan lulun vinavalray za <<zi mavelriyas mukuwa i Yērusalem>>.; nazu tu pilralrangaw i Yohanē Maruko.
Currently Selected:
Sito 12: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023