متى 28

1وبعد السبت وبفجر يوم الأحد أجت مريم المجدلية ومريم الثانية عشان يزوروا القبر. 2ووقتها صار ت هزة أرضية قوية لأنو ملاك الرب نزل من السما وأجا ودحرج الحجر عن القبر وبعدين قعد عليه. 3وكان شكلو زي البرق وأواعيه بيضا زي الثلج 4وارتعبوا منو الحراس وصاروا يْرُجوا وماتوا من الخوف. 5وصار الملاك يحكي مع الستات ويقولهن: ما تخافوش أنا عارف إنكو بدكو يسوع المصلوب. 6هو مش هون لأنو قام زي ما قلكو، تعالوا اطّلّعوا ع محل الجثة. 7وبعدين روحوا بسرعة قولوا لتلاميذو إنو قام من بين الأموات. وراح يسبقكو ع الجليل. وهناك راح تشوفوه. وهياني خبرتكو. 8ومن كثرة الفرح والخوف تركوا القبر بسرعة وركضوا عشان يحكوا شو صار لتلاميذ يسوع. 9بس يسوع فاجئهن وأجا لعندهن وقلهن: مرحبا، فقربوا عليه وركعوا ومسكوا إجريه وعبدوه. 10وقتها قالهن يسوع: م تخافوش روحوا وإحكوا لجماعتي إنهن يروحوا ع الجليل وهناك راح يشوفوني.

11راحوا الستات وبنفس الوقت راحوا جماعة من الحراس عالمدينة وحكوا لرؤساء الكهنة كل اللي صار. 12فعملوا رؤساء الكهنة اجتماع مع الشيوخ وتشاوروا مع بعض. ودفعوا للعسكر رشوة مِحرزة 13عشان يقولو: أجو تلاميذ يسوع بالليل وسرقوا الجثة وإحنا نايمين. 14وإذا سمع الحاكم هذا الكلام وقتها إحنا منعرف نراضيه ونتأكد إنكو بخير. 15أخذوا الجنود الرشوة وعملو زي ما قالولهن. وانتشرت هاي القصة بين اليهود لحد اليوم.

16وراحوا ال 11 تلميذ عالجليل وعالجبل اللي وصاهن يسوع يروحوا عليه. 17ولما شافوا يسوع سجدوا كلهن مع إنو في ناس منهن ترددوا. 18وقرّب عليهن يسوع وقالهن: أعطاني الآب السُّلطة الكاملة على السما والأرض 19وعشان هيك اعملوا تلاميذ من كل الشعوب فروحوا لعندهن وعمدوهن باسم الآب والابن والروح القدس 20وعلموهن إنهن يعيشوا بحسب كل الوصايا اللي اعطيتكو إياها. وأنا راح أكون دايما معكو، في كل يوم لحد ما تخلص الدنيا.

Currently Selected:

متى 28: CGB

Highlight

Compare

Copy