Мисирден чыгъыу 9
9
Бешинчи палах: мал къырылыу
1Сора Раббий Муссагъа былай айтды:
– Фыргъаууннга бар да, анга айт: «Чюйютлюлени Раббий Аллахы былай айтады: Халкъымы жибер, ол Манга къуллукъ этсин. 2Сен аны жиберирге унамай энтта тыйсанг а, 3Раббийни къолу аулакъда болгъан малларынгы, атларынгы, эшеклеринги, тюелеринги, тууарларынгы эм къой-эчкилеринги басарыкъды; бек уллу ёлет ауруу боллукъду. 4Алай а Раббий Исраилни малын Мисирни малындан айырлыкъды. Исраил улуларыны битеу малларындан бир хайыуан да ёллюк тюйюлдю. 5Раббий муну заманын да белгилеп, тамбла бу къыралда муну этеригин айтханды».
6Экинчи кюн Раббий айтханын этгенди: Мисирни битеу малы къырылгъанды. Исраил улуланы малларындан а бир хайыуан да ёлмегенди. 7Фыргъауун адам ийип, исраиллилени малларындан бири да ёлмегенин билгенди. Алай болгъанлыкъгъа, ол терсакъыл болуп, халкъны жибермеди.
Алтынчы палах: иринли жарала
8Сора Раббий Муссагъа бла Харуннга:
– Печьден бирер толу уууч кюл алыгъыз. Мусса аны, фыргъауун кёре тургъанлай, кёкге чачып ийсин. 9Кюл битеу Мисирни жеринде ууакъ букъугъа айланыр эмда битеу Мисирни жеринде адамлада, маллада да иринли жарала чыгъарла, – деди.
10Ала, печден кюл алып, фыргъауунну аллына бардыла. Мусса кюлню кёкге чачып ийди, сора адамлада бла маллада ирин этген жарала болуп къалдыла. 11Муссаны аллында устала да жараларындан чыдаялмагъандыла, нек дегенде, жарала, битеу мисирлиледе болгъанча, билгичледе да бар эдиле. 12Алай болгъанлыкъгъа, Раббий фыргъауунну терсакъыл этгенди. Раббийни Муссагъа айтханы кибик, фыргъауун алагъа тынгыламады.
Жетинчи палах: буз уруу
13Сора Раббий Муссагъа былай айтды:
– Тамбла эртте туруп, фыргъауунну аллына барып, анга айт: «Чюйютлюлени Раббий Аллахы былай айтады: Халкъымы жибер, ол Манга къуллукъ этсин. 14Сен битеу дунияда Манга ушагъан болмагъанын билир ючюн, бу жол а Мен битеу палахларымы санга, къуллукъчуларынга эмда халкъынга иерме. 15Мен къолуму жетдирип, сени да, халкъынгы да ауруу бла къыргъан болсам, сен жер юсюнден къорап кетер эдинг. 16Алай а санга къудуретими кёргюзтюп, атымы битеу дунияда билдирир ючюн, Мен сени сакълагъанма. 17Сен энтта халкъымы жибермей, анга къажау сюелесе. 18Ма, Мен тамбла, тамам бу заманда, Мисирни къуралгъан кюнюнден эндиге дери болмагъанча бек кючлю буз урдурурма. 19Ол себепден сюрюулеринги эм битеу аулакъда болгъан затынгы къоркъуусуз жерге къачырт. Буз ургъанда аулакъда къалгъан эмда юйлерине жыйылмагъан битеу адамла бла малла ёллюкдюле».
20Фыргъауунну къуллукъчуарындан Раббийни сёзюнден къоркъгъанлары къулларын да, малларын да юйлерине къачыргъандыла. 21Раббийни сёзюне эс бёлмегенле уа къулларын да, малларын да аулакъда къойгъандыла.
22Сора Раббий Муссагъа:
– Къолунгу кёкге узат, Мисирни жеринде адамланы да, малланы да, битеу Мисирни жеринде аулакъдагъы ёсюмлюклени барысын да буз урсун, – деди.
23Мусса аса таягъын кёкге узатды. Раббий кёкню кюкюретип буз урдурду, жерге шыбыла да атды. Сора Раббий Мисирни жерине буз жаудурду. 24Кючлю буз уруу бара эди, бузну ортасындан да шыбыла ура эди, битеу Мисирни жеринде ол миллет болгъан заманындан бери болмагъанча бек кючлю буз ура эди. 25Саулай Мисирни жеринде, битеу аулакъда болгъанны: адамланы да, малланы да, – буз ургъанды. Битеу аулакъдагъы ёсюмлюклени да буз ургъанды, аулакъдагъы битеу тереклени да ууатханды. 26Буз жаланда Исраил улулары жашагъан Гошен жерде жаумагъанды.
27Сора фыргъауун Муссаны бла Харунну чакъыртып, алагъа:
– Бу жол мен гюнях этдим. Раббий тюзлюклюдю, мен да, халкъым да терсбиз. 28Энди Раббийден тилек этигиз! Аллахны кёк кюкюретиулери бла буз урдурууу тохтасынла! Сизни жиберирме, энди тыймам, – деди.
29Мусса анга:
– Мен шахардан чыкъгъанымлай окъуна, къолларымы Раббийге узатырма. Кёк кюкюреуле тохтарла, буз уруу да андан ары болмаз. Алай бла дунияны иеси Раббий болгъанын билирсе. 30Алай а билеме, энтта не сен, не къуллукъчуларынг Раббий Аллахдан къоркъмайсыз, – деди.
31Гетен бла арпа да жоюлгъан эди, нек дегенде, арпа баш къусхан эди, гетен а чакъгъан эди. 32Будай бла къара будай а жоюлмагъан эдиле, ала алыкъа битмеген эдиле.
33Алайды да, Мусса фыргъауундан кетип, шахардан чыкъгъанды эмда къолларын Раббийге узатханды. Кёк кюкюреу бла буз уруу тохтагъандыла, жерге жауун къуюлгъаны да тыйылгъанды. 34Фыргъауун жауун да, буз да, кёк кюкюреу да тохтагъанын кёргенинде, гюнях этиуюн андан ары бардыргъанды. Ол кеси да, аны къуллукъчулары да терсакъыл болгъандыла. 35Алай бла, Раббий Муссаны ауузу бла айтханы кибик, фыргъауун терсакъыллыкъ этип, Исраил улуларын жибермегенди.
Currently Selected:
Мисирден чыгъыу 9: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 9
9
Бешинчи палах: мал къырылыу
1Сора Раббий Муссагъа былай айтды:
– Фыргъаууннга бар да, анга айт: «Чюйютлюлени Раббий Аллахы былай айтады: Халкъымы жибер, ол Манга къуллукъ этсин. 2Сен аны жиберирге унамай энтта тыйсанг а, 3Раббийни къолу аулакъда болгъан малларынгы, атларынгы, эшеклеринги, тюелеринги, тууарларынгы эм къой-эчкилеринги басарыкъды; бек уллу ёлет ауруу боллукъду. 4Алай а Раббий Исраилни малын Мисирни малындан айырлыкъды. Исраил улуларыны битеу малларындан бир хайыуан да ёллюк тюйюлдю. 5Раббий муну заманын да белгилеп, тамбла бу къыралда муну этеригин айтханды».
6Экинчи кюн Раббий айтханын этгенди: Мисирни битеу малы къырылгъанды. Исраил улуланы малларындан а бир хайыуан да ёлмегенди. 7Фыргъауун адам ийип, исраиллилени малларындан бири да ёлмегенин билгенди. Алай болгъанлыкъгъа, ол терсакъыл болуп, халкъны жибермеди.
Алтынчы палах: иринли жарала
8Сора Раббий Муссагъа бла Харуннга:
– Печьден бирер толу уууч кюл алыгъыз. Мусса аны, фыргъауун кёре тургъанлай, кёкге чачып ийсин. 9Кюл битеу Мисирни жеринде ууакъ букъугъа айланыр эмда битеу Мисирни жеринде адамлада, маллада да иринли жарала чыгъарла, – деди.
10Ала, печден кюл алып, фыргъауунну аллына бардыла. Мусса кюлню кёкге чачып ийди, сора адамлада бла маллада ирин этген жарала болуп къалдыла. 11Муссаны аллында устала да жараларындан чыдаялмагъандыла, нек дегенде, жарала, битеу мисирлиледе болгъанча, билгичледе да бар эдиле. 12Алай болгъанлыкъгъа, Раббий фыргъауунну терсакъыл этгенди. Раббийни Муссагъа айтханы кибик, фыргъауун алагъа тынгыламады.
Жетинчи палах: буз уруу
13Сора Раббий Муссагъа былай айтды:
– Тамбла эртте туруп, фыргъауунну аллына барып, анга айт: «Чюйютлюлени Раббий Аллахы былай айтады: Халкъымы жибер, ол Манга къуллукъ этсин. 14Сен битеу дунияда Манга ушагъан болмагъанын билир ючюн, бу жол а Мен битеу палахларымы санга, къуллукъчуларынга эмда халкъынга иерме. 15Мен къолуму жетдирип, сени да, халкъынгы да ауруу бла къыргъан болсам, сен жер юсюнден къорап кетер эдинг. 16Алай а санга къудуретими кёргюзтюп, атымы битеу дунияда билдирир ючюн, Мен сени сакълагъанма. 17Сен энтта халкъымы жибермей, анга къажау сюелесе. 18Ма, Мен тамбла, тамам бу заманда, Мисирни къуралгъан кюнюнден эндиге дери болмагъанча бек кючлю буз урдурурма. 19Ол себепден сюрюулеринги эм битеу аулакъда болгъан затынгы къоркъуусуз жерге къачырт. Буз ургъанда аулакъда къалгъан эмда юйлерине жыйылмагъан битеу адамла бла малла ёллюкдюле».
20Фыргъауунну къуллукъчуарындан Раббийни сёзюнден къоркъгъанлары къулларын да, малларын да юйлерине къачыргъандыла. 21Раббийни сёзюне эс бёлмегенле уа къулларын да, малларын да аулакъда къойгъандыла.
22Сора Раббий Муссагъа:
– Къолунгу кёкге узат, Мисирни жеринде адамланы да, малланы да, битеу Мисирни жеринде аулакъдагъы ёсюмлюклени барысын да буз урсун, – деди.
23Мусса аса таягъын кёкге узатды. Раббий кёкню кюкюретип буз урдурду, жерге шыбыла да атды. Сора Раббий Мисирни жерине буз жаудурду. 24Кючлю буз уруу бара эди, бузну ортасындан да шыбыла ура эди, битеу Мисирни жеринде ол миллет болгъан заманындан бери болмагъанча бек кючлю буз ура эди. 25Саулай Мисирни жеринде, битеу аулакъда болгъанны: адамланы да, малланы да, – буз ургъанды. Битеу аулакъдагъы ёсюмлюклени да буз ургъанды, аулакъдагъы битеу тереклени да ууатханды. 26Буз жаланда Исраил улулары жашагъан Гошен жерде жаумагъанды.
27Сора фыргъауун Муссаны бла Харунну чакъыртып, алагъа:
– Бу жол мен гюнях этдим. Раббий тюзлюклюдю, мен да, халкъым да терсбиз. 28Энди Раббийден тилек этигиз! Аллахны кёк кюкюретиулери бла буз урдурууу тохтасынла! Сизни жиберирме, энди тыймам, – деди.
29Мусса анга:
– Мен шахардан чыкъгъанымлай окъуна, къолларымы Раббийге узатырма. Кёк кюкюреуле тохтарла, буз уруу да андан ары болмаз. Алай бла дунияны иеси Раббий болгъанын билирсе. 30Алай а билеме, энтта не сен, не къуллукъчуларынг Раббий Аллахдан къоркъмайсыз, – деди.
31Гетен бла арпа да жоюлгъан эди, нек дегенде, арпа баш къусхан эди, гетен а чакъгъан эди. 32Будай бла къара будай а жоюлмагъан эдиле, ала алыкъа битмеген эдиле.
33Алайды да, Мусса фыргъауундан кетип, шахардан чыкъгъанды эмда къолларын Раббийге узатханды. Кёк кюкюреу бла буз уруу тохтагъандыла, жерге жауун къуюлгъаны да тыйылгъанды. 34Фыргъауун жауун да, буз да, кёк кюкюреу да тохтагъанын кёргенинде, гюнях этиуюн андан ары бардыргъанды. Ол кеси да, аны къуллукъчулары да терсакъыл болгъандыла. 35Алай бла, Раббий Муссаны ауузу бла айтханы кибик, фыргъауун терсакъыллыкъ этип, Исраил улуларын жибермегенди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024