Мисирден чыгъыу 8
8
Экинчи палах: жер макъала
1Сора Раббий Муссагъа былай айтды:
– Фыргъаууннга бар да, анга айт: «Раббий былай айтады: Халкъымы жибер, ол Манга къуллукъ этсин. 2Жиберирге унамасанг а, ма, битеу жеринги жер макъала бла халек этерме. 3Нил суу макъаладан топ-толу болур да, ала чыгъып, юйюнге да, жатхан отоуунга да, жатхан жеринге да, къуллукъчуларынгы эм халкъынгы юйлерине да, печлеринге да, тылы тегенелеринге да кирирле. 4Сени юсюнге да, халкъынгы юсюне да, битеу къуллукъчуларынгы юслерине да макъала ёрлерле».
5Сора Раббий Муссагъа былай айтды:
– Харуннга айт: «Къолунгу аса таягъынг бла, баргъан суулагъа, илипинлеге эм кёллеге узатып, Мисирни жерине макъала чыгъарт».
6Харун къолун Мисирни сууларына узатханды, сора макъала чыгъып, Мисирни жерин жабып къойгъандыла. 7Билгичле да хыйнылары бла алай этип, Мисирни жерини юсюне макъала чыгъартхандыла. 8Фыргъауун Муссаны бла Харунну чакъырып:
– Раббийден тилек этигиз, Ол менден эм халкъымдан макъаланы кетерсин. Сора халкъыгъызны Раббийге къурман этерге жиберирме, – деди.
9Мусса фыргъаууннга:
– Макъала сенден эм юйлерингден думп болуп, жаланда Нил сууда къалыр ючюн, сени ючюн, къуллукъчуларынг эм халкъынг ючюн да не заманда тилек этеригими манга кесинг белгиле, – деди.
10– Тамбла, – деди фыргъауун.
– Сен айтханча болсун, – деди Мусса, – алай бла бизни Раббий Аллахыбыз кибик биреу да болмагъанын билирсе. 11Макъала сенден, юйлерингден, къуллукъчуларынгдан эмда халкъынгдан кетип, жаланда Нил сууда къалырла.
12Мусса бла Харун фыргъауундан чыкъгъандыла. Сора Раббий фыргъаууннга ийген макъаланы юсюнден Мусса Раббийден тилек этгенди. 13Раббий да Муссаны тилеген толтургъанды: юйледе, арбазлада эм сабанлада болгъан макъала къырылгъандыла. 14Аланы тёбе-тёбе этип жыйгъандыла. Къырал аман ийисден толгъанды. 15Алай болгъанлыкъгъа, фыргъауун, палахны кетгенин кёргенде, Раббийни айтханы кибик, терсакъыл болуп, Муссагъа бла Харуннга тынгыламагъанды.
Ючюнчю палах: ургъуйла
16Сора Раббий Муссагъа:
– Харуннга: «Аса таягъынгы узатып, жерни къумун ур, къум битеу Мисирни жеринде ургъуйла болуп къалыр», – деп айт, – деди.
17Ала да алай этдиле. Харун аса таягъы бла къолун узатып, жерни къумун ургъанында, адамланы бла малланы юсюнде ургъуйла кёрюннгендиле. Мисирни битеу жеринде къуму саулай ургъуйла болуп къалгъанды. 18Билгичле да кеслерини хыйнылары бла ургъуйла этерге кюрешгендиле, алай а болалмагъандыла. Ургъуйла адамланы бла малланы юслерине басына эдиле. 19Сора билгичле фыргъаууннга:
– Бу ишде Аллахны къолу барды, – дедиле.
Алай болгъанлыкъгъа, Раббийни айтханы кибик, фыргъауун терсакъыл болуп, алагъа тынгыламады.
Тёртюнчю палах: чибинле
20Сора Раббий Муссагъа былай айтды:
– Тамбла эртте туруп, фыргъауун суугъа бара тургъанда анга тюбе да, анга айт: «Раббий былай айтады: Халкъымы жибер, ол Манга къуллукъ этсин. 21Халкъымы жибермесенг а, Мен сени юсюнге да, къуллукъчуларынгы эм халкъынгы юсюне да, юйлеринги ичине да чибинле иерме. Мисирлилени юйлери да, ала жашагъан ма бу жер да чибинледен толуп къалырла. 22Ол кюн халкъым тургъан Гошен жерни айырырма. Анда чибинле болмазла. Алай бла битеу жерде Раббий Аллах Мен болгъанымы билирсе. 23Мен Кеси халкъымы сени халкъынгдан айырып къорууларма. Тамбла болур бу тамаша белги».
24Раббий алай этгенди: фыргъауунну юйюне да, аны къуллукъчуларыны юйлерине да, Мисирни битеу жерине да кёп чибинле учуп келип, басыннгандыла. Къырал чибинледен къырыла эди. 25Фыргъауун Муссаны бла Харунну чакъырып:
– Барыгъыз, Аллахыгъызгъа бу жерде къурман этигиз, – деди.
26Мусса уа:
– Алай эталлыкъ тюйюлбюз, – деди. – Раббий Аллахыбызгъа къурман этиуюбюзню мисирлиле кёрюп болмайдыла. Мисирлиле кёрюп болмагъан къурманны биз аланы кёз алларында этип башласакъ, ала бизни ташла бла тюйюп ёлтюрмезлеми? 27Биз къуу жерге, юч кюнлюк жолгъа барып, Раббий Аллахыбызгъа, Ол бизге айтханы кибик, алай къурман этерге керекбиз.
28Фыргъауун:
– Мен сизни Раббий Аллахыгъызгъа къуу жерде къурман этерге жибереме. Узакъ кетмегиз ансы. Энди уа мени ючюн тилек этигиз, – деди.
29– Ма, мен сенден чыгъып, Раббийден тилек этерикме да, тамбла чибинле фыргъауундан, аны къуллукъчуларындан эм аны халкъындан кетерле, – деди анга Мусса. – Фыргъауун, Раббийге къурман этерге халкъны жибермей, алдауун къойсун ансы.
30Алай бла Мусса фыргъауундан чыгъып, Раббийден тилек этди. 31Раббий да Мусса тилегенни этди. Чибинлени фыргъауундан, аны къуллукъчуларындан эм аны халкъындан кетерди, жангыз бири да къалмады. 32Алай болгъанлыкъгъа, фыргъауун бу жол да терсакъыл болуп, халкъны жибермеди.
Currently Selected:
Мисирден чыгъыу 8: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 8
8
Экинчи палах: жер макъала
1Сора Раббий Муссагъа былай айтды:
– Фыргъаууннга бар да, анга айт: «Раббий былай айтады: Халкъымы жибер, ол Манга къуллукъ этсин. 2Жиберирге унамасанг а, ма, битеу жеринги жер макъала бла халек этерме. 3Нил суу макъаладан топ-толу болур да, ала чыгъып, юйюнге да, жатхан отоуунга да, жатхан жеринге да, къуллукъчуларынгы эм халкъынгы юйлерине да, печлеринге да, тылы тегенелеринге да кирирле. 4Сени юсюнге да, халкъынгы юсюне да, битеу къуллукъчуларынгы юслерине да макъала ёрлерле».
5Сора Раббий Муссагъа былай айтды:
– Харуннга айт: «Къолунгу аса таягъынг бла, баргъан суулагъа, илипинлеге эм кёллеге узатып, Мисирни жерине макъала чыгъарт».
6Харун къолун Мисирни сууларына узатханды, сора макъала чыгъып, Мисирни жерин жабып къойгъандыла. 7Билгичле да хыйнылары бла алай этип, Мисирни жерини юсюне макъала чыгъартхандыла. 8Фыргъауун Муссаны бла Харунну чакъырып:
– Раббийден тилек этигиз, Ол менден эм халкъымдан макъаланы кетерсин. Сора халкъыгъызны Раббийге къурман этерге жиберирме, – деди.
9Мусса фыргъаууннга:
– Макъала сенден эм юйлерингден думп болуп, жаланда Нил сууда къалыр ючюн, сени ючюн, къуллукъчуларынг эм халкъынг ючюн да не заманда тилек этеригими манга кесинг белгиле, – деди.
10– Тамбла, – деди фыргъауун.
– Сен айтханча болсун, – деди Мусса, – алай бла бизни Раббий Аллахыбыз кибик биреу да болмагъанын билирсе. 11Макъала сенден, юйлерингден, къуллукъчуларынгдан эмда халкъынгдан кетип, жаланда Нил сууда къалырла.
12Мусса бла Харун фыргъауундан чыкъгъандыла. Сора Раббий фыргъаууннга ийген макъаланы юсюнден Мусса Раббийден тилек этгенди. 13Раббий да Муссаны тилеген толтургъанды: юйледе, арбазлада эм сабанлада болгъан макъала къырылгъандыла. 14Аланы тёбе-тёбе этип жыйгъандыла. Къырал аман ийисден толгъанды. 15Алай болгъанлыкъгъа, фыргъауун, палахны кетгенин кёргенде, Раббийни айтханы кибик, терсакъыл болуп, Муссагъа бла Харуннга тынгыламагъанды.
Ючюнчю палах: ургъуйла
16Сора Раббий Муссагъа:
– Харуннга: «Аса таягъынгы узатып, жерни къумун ур, къум битеу Мисирни жеринде ургъуйла болуп къалыр», – деп айт, – деди.
17Ала да алай этдиле. Харун аса таягъы бла къолун узатып, жерни къумун ургъанында, адамланы бла малланы юсюнде ургъуйла кёрюннгендиле. Мисирни битеу жеринде къуму саулай ургъуйла болуп къалгъанды. 18Билгичле да кеслерини хыйнылары бла ургъуйла этерге кюрешгендиле, алай а болалмагъандыла. Ургъуйла адамланы бла малланы юслерине басына эдиле. 19Сора билгичле фыргъаууннга:
– Бу ишде Аллахны къолу барды, – дедиле.
Алай болгъанлыкъгъа, Раббийни айтханы кибик, фыргъауун терсакъыл болуп, алагъа тынгыламады.
Тёртюнчю палах: чибинле
20Сора Раббий Муссагъа былай айтды:
– Тамбла эртте туруп, фыргъауун суугъа бара тургъанда анга тюбе да, анга айт: «Раббий былай айтады: Халкъымы жибер, ол Манга къуллукъ этсин. 21Халкъымы жибермесенг а, Мен сени юсюнге да, къуллукъчуларынгы эм халкъынгы юсюне да, юйлеринги ичине да чибинле иерме. Мисирлилени юйлери да, ала жашагъан ма бу жер да чибинледен толуп къалырла. 22Ол кюн халкъым тургъан Гошен жерни айырырма. Анда чибинле болмазла. Алай бла битеу жерде Раббий Аллах Мен болгъанымы билирсе. 23Мен Кеси халкъымы сени халкъынгдан айырып къорууларма. Тамбла болур бу тамаша белги».
24Раббий алай этгенди: фыргъауунну юйюне да, аны къуллукъчуларыны юйлерине да, Мисирни битеу жерине да кёп чибинле учуп келип, басыннгандыла. Къырал чибинледен къырыла эди. 25Фыргъауун Муссаны бла Харунну чакъырып:
– Барыгъыз, Аллахыгъызгъа бу жерде къурман этигиз, – деди.
26Мусса уа:
– Алай эталлыкъ тюйюлбюз, – деди. – Раббий Аллахыбызгъа къурман этиуюбюзню мисирлиле кёрюп болмайдыла. Мисирлиле кёрюп болмагъан къурманны биз аланы кёз алларында этип башласакъ, ала бизни ташла бла тюйюп ёлтюрмезлеми? 27Биз къуу жерге, юч кюнлюк жолгъа барып, Раббий Аллахыбызгъа, Ол бизге айтханы кибик, алай къурман этерге керекбиз.
28Фыргъауун:
– Мен сизни Раббий Аллахыгъызгъа къуу жерде къурман этерге жибереме. Узакъ кетмегиз ансы. Энди уа мени ючюн тилек этигиз, – деди.
29– Ма, мен сенден чыгъып, Раббийден тилек этерикме да, тамбла чибинле фыргъауундан, аны къуллукъчуларындан эм аны халкъындан кетерле, – деди анга Мусса. – Фыргъауун, Раббийге къурман этерге халкъны жибермей, алдауун къойсун ансы.
30Алай бла Мусса фыргъауундан чыгъып, Раббийден тилек этди. 31Раббий да Мусса тилегенни этди. Чибинлени фыргъауундан, аны къуллукъчуларындан эм аны халкъындан кетерди, жангыз бири да къалмады. 32Алай болгъанлыкъгъа, фыргъауун бу жол да терсакъыл болуп, халкъны жибермеди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024