Мисирден чыгъыу 10
10
Сегизинчи палах: мачала
1Сора Раббий Муссагъа:
– Фыргъаууннга бар. Мен араларында бу тамаша белгилерими кёргюзтюр ючюн, аны да, аны къуллукъчуларын да терсакъыл этгенме. 2Алай бла Мен Мисирде этген затланы, Мен анда кёргюзтген тамаша белгилени сен уланынга эм уланынгы уланына айтырса эмда Раббий Мен болгъанымы билирсиз, – деди.
3Мусса бла Харун фыргъаууннга барып, былай айтдыла:
– Чюйютлюлени Раббий Аллахы былай айтады: Сен Манга бойсунмай, не заманнга дери турлукъса? Халкъымы жибер, ол Манга къуллукъ этсин. 4Сен халкъымы жибермесенг а, ма, тамбла Мен къыралынга мача келтирирме. 5Жерни кёрюрге болмазча, жерни бетин мача алай басар эмда сизде буздан сау къалгъанны ашап бошар, аулакъда ёсген битеу тереклеригизни да кемирип бошар. 6Сени юйлеринги да, битеу къуллукъчуларынгы юйлерин да, битеу мисирлилени юйлерин да толтурур, аны уа, не аталарынг, не аталарынгы аталары дунияда жашагъан кюнлеринден бюгюннге деричи да кёрмегендиле.
Сора Мусса айланып, фыргъауундан чыкъды. 7Ол заманда фыргъауунну къуллукъчулары анга:
– Бу адам бизни къачаннга дери тузакъда тутуп турлукъду? Жибер бу адамланы, ала Раббий Аллахларына къуллукъ этсинле. Мисирни жоюлуп баргъанын энттамы кёрмейсе? – дедиле.
8Сора Муссаны бла Харунну фыргъаууннга къайтардыла. Фыргъауун алагъа:
– Барыгъыз, Раббий Аллахыгъызгъа къуллукъ этигиз. Ким-ким барлыкъсыз? – деди.
9Мусса уа:
– Биз гитче сабийлерибиз бла эм къартларыбыз бла барлыкъбыз, уланларыбыз бла эм къызларыбыз бла, къой-эчкилерибиз бла эм тууарларыбыз бла барлыкъбыз, нек дегенде, Раббийни байрамын этерге керекбиз, – деди.
10Фыргъауун алагъа:
– Мен сизни сабийлеригиз бла бирге жибергеним кибик, Раббий да сизни бла алай болсун! Кёремисиз, сизни аман ниетигиз барды! – деди. – 11Угъай! Тилегенигиз кибик, жангыз эр кишиле барып, Раббийге къуллукъ этсинле.
Сора аланы фыргъауунну аллындан къыстап ийдиле.
12Ол заманда Раббий Муссагъа:
– Къолунгу Мисирни жерине узат. Мисирни жерине мача чапсын, жерни битеу ёсюмлюклерин, буздан сау къалгъан хар затны ашап бошасын, – деди.
13Сора Мусса аса таягъын Мисирни жерине узатханды, Раббий да кюн чыкъгъан жанындан уруучу желни келтиргенди, жел а саулай ол кюнню бла ол кечени уруп тургъанды. Танг атханда кюн чыкъгъан жанындан уруучу жел мачаланы келтиргенди. 14Мача битеу Мисирни жерине чапханды, битеу Мисир къыралгъа эсепсиз кёп санда тюшгенди. Алгъын да болмагъанды аллай мача, мындан арысында да боллукъ тюйюлдю. 15Мача битеу жерни бетин басып, жерни къап-къара этгенди. Жерни битеу ёсюмлюклерин да, буздан сау къалгъан битеу тереклени кёгетлерин да ашап бошагъанды. Саулай Мисирни жеринде не терекледе, не аулакъны ёсюмлюклеринде бир жашил зат къалмагъанды. 16Фыргъауун Муссаны бла Харунну ашыгъыш чакъыртып:
– Раббий Аллахыгъызгъа эм сизге къажау гюнях этдим. 17Энди гюняхымы энтта бир кере кечигиз, тилейме, эмда Раббий Аллахыгъыздан тилек этигиз, Ол бу палахны менден тыйсын, – деди.
18Мусса фыргъауундан чыгъып, Раббийден тилек этгенди. 19Сора Раббий аргъы жанындан, кюн батхан жанындан, бек кючлю жел келтиргенди, ол а мачаны алып кетип, Къамиш тенгизге атханды. Битеу Мисир къыралда бир мача да къалмагъанды. 20Раббий а фыргъауунну терсакъыл этгенди. Алай бла фыргъауун Исраил улуларын жибермегенди.
Тогъузунчу палах: къарангылыкъ
21Сора Раббий Муссагъа:
– Къолунгу кёкге узат, Мисирни жеринде къарангы, сезерча къарангы болуп къалсын, – деди.
22Мусса къолун кёкге узатханды, сора битеу Мисирни жеринде юч кюннге къаппа-къарангы болуп къалгъанды. 23Бир-бирлерин кёрмегендиле, юч кюнню бир адам да жеринден къопмагъанды. Битеу Исраил улуларыны мекямларында уа жарыкъ бар эди. 24Фыргъауун Муссаны чакъырып:
– Барыгъыз, Раббийге къуллукъ этигиз, жаланда къой-эчкилеригиз бла тууар малыгъыз къалсын. Сабийлеригиз а сизни бла барсынла, – деди.
25Мусса уа:
– Биз Раббий Аллахыбызгъа къурман этер ючюн, бизге къурманлыкъ эм толусунлай кюйдюрюллюк хайыуан да бер. 26Бизни малларыбыз да бизни бла барсынла, бир гышмы да къаллыкъ тюйюлдю, нек дегенде, биз Раббийге къурманнга аладан аллыкъбыз. Биз ары келгинчи уа, Раббий Аллахыбызгъа не къурман бла къуллукъ этеригибизни билмейбиз, – деди.
27Алай а Раббий фыргъауунну терсакъыл этгенди. Фыргъауун аланы жиберирге унамагъанды. 28Фыргъауун Муссагъа:
– Кет мени къатымдан! Сакъ бол, энди мени аллымда кёрюнме. Сен бетими кёрген кюн ёллюксе, – деди.
29– Айтханынгча болсун, – деди Мусса. – Энди сени бетинги кёрлюк тюйюлме.
Currently Selected:
Мисирден чыгъыу 10: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 10
10
Сегизинчи палах: мачала
1Сора Раббий Муссагъа:
– Фыргъаууннга бар. Мен араларында бу тамаша белгилерими кёргюзтюр ючюн, аны да, аны къуллукъчуларын да терсакъыл этгенме. 2Алай бла Мен Мисирде этген затланы, Мен анда кёргюзтген тамаша белгилени сен уланынга эм уланынгы уланына айтырса эмда Раббий Мен болгъанымы билирсиз, – деди.
3Мусса бла Харун фыргъаууннга барып, былай айтдыла:
– Чюйютлюлени Раббий Аллахы былай айтады: Сен Манга бойсунмай, не заманнга дери турлукъса? Халкъымы жибер, ол Манга къуллукъ этсин. 4Сен халкъымы жибермесенг а, ма, тамбла Мен къыралынга мача келтирирме. 5Жерни кёрюрге болмазча, жерни бетин мача алай басар эмда сизде буздан сау къалгъанны ашап бошар, аулакъда ёсген битеу тереклеригизни да кемирип бошар. 6Сени юйлеринги да, битеу къуллукъчуларынгы юйлерин да, битеу мисирлилени юйлерин да толтурур, аны уа, не аталарынг, не аталарынгы аталары дунияда жашагъан кюнлеринден бюгюннге деричи да кёрмегендиле.
Сора Мусса айланып, фыргъауундан чыкъды. 7Ол заманда фыргъауунну къуллукъчулары анга:
– Бу адам бизни къачаннга дери тузакъда тутуп турлукъду? Жибер бу адамланы, ала Раббий Аллахларына къуллукъ этсинле. Мисирни жоюлуп баргъанын энттамы кёрмейсе? – дедиле.
8Сора Муссаны бла Харунну фыргъаууннга къайтардыла. Фыргъауун алагъа:
– Барыгъыз, Раббий Аллахыгъызгъа къуллукъ этигиз. Ким-ким барлыкъсыз? – деди.
9Мусса уа:
– Биз гитче сабийлерибиз бла эм къартларыбыз бла барлыкъбыз, уланларыбыз бла эм къызларыбыз бла, къой-эчкилерибиз бла эм тууарларыбыз бла барлыкъбыз, нек дегенде, Раббийни байрамын этерге керекбиз, – деди.
10Фыргъауун алагъа:
– Мен сизни сабийлеригиз бла бирге жибергеним кибик, Раббий да сизни бла алай болсун! Кёремисиз, сизни аман ниетигиз барды! – деди. – 11Угъай! Тилегенигиз кибик, жангыз эр кишиле барып, Раббийге къуллукъ этсинле.
Сора аланы фыргъауунну аллындан къыстап ийдиле.
12Ол заманда Раббий Муссагъа:
– Къолунгу Мисирни жерине узат. Мисирни жерине мача чапсын, жерни битеу ёсюмлюклерин, буздан сау къалгъан хар затны ашап бошасын, – деди.
13Сора Мусса аса таягъын Мисирни жерине узатханды, Раббий да кюн чыкъгъан жанындан уруучу желни келтиргенди, жел а саулай ол кюнню бла ол кечени уруп тургъанды. Танг атханда кюн чыкъгъан жанындан уруучу жел мачаланы келтиргенди. 14Мача битеу Мисирни жерине чапханды, битеу Мисир къыралгъа эсепсиз кёп санда тюшгенди. Алгъын да болмагъанды аллай мача, мындан арысында да боллукъ тюйюлдю. 15Мача битеу жерни бетин басып, жерни къап-къара этгенди. Жерни битеу ёсюмлюклерин да, буздан сау къалгъан битеу тереклени кёгетлерин да ашап бошагъанды. Саулай Мисирни жеринде не терекледе, не аулакъны ёсюмлюклеринде бир жашил зат къалмагъанды. 16Фыргъауун Муссаны бла Харунну ашыгъыш чакъыртып:
– Раббий Аллахыгъызгъа эм сизге къажау гюнях этдим. 17Энди гюняхымы энтта бир кере кечигиз, тилейме, эмда Раббий Аллахыгъыздан тилек этигиз, Ол бу палахны менден тыйсын, – деди.
18Мусса фыргъауундан чыгъып, Раббийден тилек этгенди. 19Сора Раббий аргъы жанындан, кюн батхан жанындан, бек кючлю жел келтиргенди, ол а мачаны алып кетип, Къамиш тенгизге атханды. Битеу Мисир къыралда бир мача да къалмагъанды. 20Раббий а фыргъауунну терсакъыл этгенди. Алай бла фыргъауун Исраил улуларын жибермегенди.
Тогъузунчу палах: къарангылыкъ
21Сора Раббий Муссагъа:
– Къолунгу кёкге узат, Мисирни жеринде къарангы, сезерча къарангы болуп къалсын, – деди.
22Мусса къолун кёкге узатханды, сора битеу Мисирни жеринде юч кюннге къаппа-къарангы болуп къалгъанды. 23Бир-бирлерин кёрмегендиле, юч кюнню бир адам да жеринден къопмагъанды. Битеу Исраил улуларыны мекямларында уа жарыкъ бар эди. 24Фыргъауун Муссаны чакъырып:
– Барыгъыз, Раббийге къуллукъ этигиз, жаланда къой-эчкилеригиз бла тууар малыгъыз къалсын. Сабийлеригиз а сизни бла барсынла, – деди.
25Мусса уа:
– Биз Раббий Аллахыбызгъа къурман этер ючюн, бизге къурманлыкъ эм толусунлай кюйдюрюллюк хайыуан да бер. 26Бизни малларыбыз да бизни бла барсынла, бир гышмы да къаллыкъ тюйюлдю, нек дегенде, биз Раббийге къурманнга аладан аллыкъбыз. Биз ары келгинчи уа, Раббий Аллахыбызгъа не къурман бла къуллукъ этеригибизни билмейбиз, – деди.
27Алай а Раббий фыргъауунну терсакъыл этгенди. Фыргъауун аланы жиберирге унамагъанды. 28Фыргъауун Муссагъа:
– Кет мени къатымдан! Сакъ бол, энди мени аллымда кёрюнме. Сен бетими кёрген кюн ёллюксе, – деди.
29– Айтханынгча болсун, – деди Мусса. – Энди сени бетинги кёрлюк тюйюлме.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024