Мисирден чыгъыу 4
4
Аллах Мусса файхамбаргъа берген илишанла
1Мусса жууап излеп:
– Ала манга ийнанмасала уа, мен айтханнга тынгыламай: «Раббий санга кёрюнмегенди», – деселе уа? – деди.
2– Ол сени къолунгдагъы не затды? – деди анга Раббий.
– Таякъ, – деп жууап берди ол.
3– Аны жерге ат, – деди Раббий.
Мусса аны жерге атып ийгенде, таякъ жилян болуп къалды, Мусса да андан къачып тебиреди. 4Сора Раббий Муссагъа:
– Къолунгу узат да, аны къуйругъундан тут, – деди.
Мусса къолун узатып, аны къуйргъундан тутханда, жилян аны къолунда аса таякъ болуп къалды.
5– Бу зат, аланы аталарыны Аллахы, Ибрахимни Аллахы, Исхакъны Аллахы, Якъупну Аллахы Раббий санга кёрюннгенине ала ийнаныр ючюндю, – деди Раббий.
6Дагъыда Раббий анга:
– Къолунгу къоюнунга сал, – деди.
Мусса къолун къоюнуна салды. Аны чыгъаргъанында уа, ма, къолу тери ауруудан къар кибик агъарып къалгъан эди.
7– Къолунгу энтта къоюнунга сал, – деди Раббий.
Мусса энтта къолун къоюнуна салды. Къоюнундан чыгъаргъанында уа, ма, къолу алгъыннгыча болуп къалды.
8– Ала санга ийнанмасала, биринчи белги да аланы ийнандырмаса, экинчи илишаннга ийнанырла. 9Бу эки белгиге ийнанмасала эм сен айтханнга тынгыламасала уа, Нилден суу алып жерге тёк. Сора Нилден алыннган суу жерде къан болуп къалыр, – деди Раббий.
10Мусса Раббийге:
– Я Раббий! Мен тюнене да, бирси кюн да, Сен къулунг бла сёлешип башлагъан заманда да, сёзге уста адам тюйюлме, мен тилкъаума да, къыйналып сёлешеме, – деди.
11Раббий а:
– Адамгъа аууз ким бергенди? Тилсиз неда сангырау, неда кёрген, неда сокъур ким этеди? Муну этген – Мен, Раббий, тюйюлмеми? – деди. – 12Энди бар; Мен сени сёлешдирирме, не айтырыгъынгы санга юйретирме.
13– Я Раббий! – деди Мусса. – Кимни ийсенг да башха адам ий.
14Раббий Муссагъа ачыуланып:
– Къарындашынг, лебийли Харун бар ушайды да! Мен ол иги сёлешаллыгъын билеме. Ма, ол энди санга тюберге келир да, сени кёргенлей, жюреги къууаныр. 15Сен анга айтырса эмда сёзлени аны ауузуна салырса. Мен а экигизге да сёлеширге болушурма, сизге не этеригигизни юйретирме. 16Сени орунунга халкъгъа ол сёлешир. Алай бла ол сени ауузунг болур, сен а анга Аллахны орунуна болурса. 17Бу аса таякъны да къолунга ал; аны бла сен белгиле кёргюзтюрюксе, – деди.
Мусса файхамбар Мисирге къайтады
18Сора Мусса кетип, къайын атасы Итрогъа къайтып:
– Мен кетейим, Мисирдеги къарындашларыма къайтып, ала сау эселе, кёрейим, – дегенди.
Итро да Муссагъа:
– Ырахатлыкъ бла бар, – деди.
19Алайды да, Раббий Муссагъа Мидиянны жеринде:
– Бар, Мисирге къайт, сени жанынгы излегенле бары да ёлгендиле, – дегенди.
20Мусса къатынын да, эки уланын да алып, эшекге миндирип, Мисирни жерине тебирегенди. Аллахны аса таягъын да Мусса къолуна алгъанды.
21Раббий Муссагъа былай айтды:
– Мисирге къайтхан заманынгда, Мен сени боюнунга салгъан битеу сейир ишлени фыргъауунну аллында этмей къойма. Мен а аны терсакъыл этерме, ол халкъны жибермез. 22Сора фыргъаууннга айт: «Раббий былай айтады: Исраил Мени уланымды, тюнгючюмдю. 23Мен санга: „Уланымы жибер, ол Манга къуллукъ этсин“, – деп айтдым. Сен а аны жиберирге унамадынг, алай бла Мен сени уланынгы, тюнгючюнгю ёлтюрюрме».
24Жолда кече къалгъан жерлеринде, Раббий Муссагъа тюберге келип, аны ёлтюрюрге тебирегенди. 25Ол заманда Сиппора, таш бичакъ алып, уланына сюннет этгенди эм терисин Муссаны#4:25 Муссаны – неда сабийни. аякъларына тийдирип:
– Ишексиз, сен къан тёгюуюм бла эрим болгъанса! – деди.
26«Къан тёгюуюм бла эрим болгъанса», – деп сюннетни юсюнден айтылгъанды. Сора Раббий Муссаны къойду.
27Ол заманда Раббий Харуннга:
– Къуу жерге Муссагъа тюберге бар, – дегенди.
Харун барып, Аллахны таууну къатында Муссагъа тюбеп, аны уппа этип саламлашханды. 28Мусса да аны ийген Раббийни битеу айтхан сёзлерин бла Ол буюргъан битеу белгилени Харуннга айтханды. 29Сора Мусса бла Харун барып, Исраил улуларыны битеу тукъум таматаларын жыйгъандыла. 30Раббий Муссагъа айтхан сёзлени барын да Харун алагъа айтханды, Мусса да халкъны кёз аллында белгиле кёргюзтгенди. 31Халкъ ийнаннганды. Раббий Исраил улуларына болушургъа келгенин эмда аланы термилгенлерин кёргенин эшитгенлеринде, ала ийилип, сежда этгендиле.
Currently Selected:
Мисирден чыгъыу 4: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 4
4
Аллах Мусса файхамбаргъа берген илишанла
1Мусса жууап излеп:
– Ала манга ийнанмасала уа, мен айтханнга тынгыламай: «Раббий санга кёрюнмегенди», – деселе уа? – деди.
2– Ол сени къолунгдагъы не затды? – деди анга Раббий.
– Таякъ, – деп жууап берди ол.
3– Аны жерге ат, – деди Раббий.
Мусса аны жерге атып ийгенде, таякъ жилян болуп къалды, Мусса да андан къачып тебиреди. 4Сора Раббий Муссагъа:
– Къолунгу узат да, аны къуйругъундан тут, – деди.
Мусса къолун узатып, аны къуйргъундан тутханда, жилян аны къолунда аса таякъ болуп къалды.
5– Бу зат, аланы аталарыны Аллахы, Ибрахимни Аллахы, Исхакъны Аллахы, Якъупну Аллахы Раббий санга кёрюннгенине ала ийнаныр ючюндю, – деди Раббий.
6Дагъыда Раббий анга:
– Къолунгу къоюнунга сал, – деди.
Мусса къолун къоюнуна салды. Аны чыгъаргъанында уа, ма, къолу тери ауруудан къар кибик агъарып къалгъан эди.
7– Къолунгу энтта къоюнунга сал, – деди Раббий.
Мусса энтта къолун къоюнуна салды. Къоюнундан чыгъаргъанында уа, ма, къолу алгъыннгыча болуп къалды.
8– Ала санга ийнанмасала, биринчи белги да аланы ийнандырмаса, экинчи илишаннга ийнанырла. 9Бу эки белгиге ийнанмасала эм сен айтханнга тынгыламасала уа, Нилден суу алып жерге тёк. Сора Нилден алыннган суу жерде къан болуп къалыр, – деди Раббий.
10Мусса Раббийге:
– Я Раббий! Мен тюнене да, бирси кюн да, Сен къулунг бла сёлешип башлагъан заманда да, сёзге уста адам тюйюлме, мен тилкъаума да, къыйналып сёлешеме, – деди.
11Раббий а:
– Адамгъа аууз ким бергенди? Тилсиз неда сангырау, неда кёрген, неда сокъур ким этеди? Муну этген – Мен, Раббий, тюйюлмеми? – деди. – 12Энди бар; Мен сени сёлешдирирме, не айтырыгъынгы санга юйретирме.
13– Я Раббий! – деди Мусса. – Кимни ийсенг да башха адам ий.
14Раббий Муссагъа ачыуланып:
– Къарындашынг, лебийли Харун бар ушайды да! Мен ол иги сёлешаллыгъын билеме. Ма, ол энди санга тюберге келир да, сени кёргенлей, жюреги къууаныр. 15Сен анга айтырса эмда сёзлени аны ауузуна салырса. Мен а экигизге да сёлеширге болушурма, сизге не этеригигизни юйретирме. 16Сени орунунга халкъгъа ол сёлешир. Алай бла ол сени ауузунг болур, сен а анга Аллахны орунуна болурса. 17Бу аса таякъны да къолунга ал; аны бла сен белгиле кёргюзтюрюксе, – деди.
Мусса файхамбар Мисирге къайтады
18Сора Мусса кетип, къайын атасы Итрогъа къайтып:
– Мен кетейим, Мисирдеги къарындашларыма къайтып, ала сау эселе, кёрейим, – дегенди.
Итро да Муссагъа:
– Ырахатлыкъ бла бар, – деди.
19Алайды да, Раббий Муссагъа Мидиянны жеринде:
– Бар, Мисирге къайт, сени жанынгы излегенле бары да ёлгендиле, – дегенди.
20Мусса къатынын да, эки уланын да алып, эшекге миндирип, Мисирни жерине тебирегенди. Аллахны аса таягъын да Мусса къолуна алгъанды.
21Раббий Муссагъа былай айтды:
– Мисирге къайтхан заманынгда, Мен сени боюнунга салгъан битеу сейир ишлени фыргъауунну аллында этмей къойма. Мен а аны терсакъыл этерме, ол халкъны жибермез. 22Сора фыргъаууннга айт: «Раббий былай айтады: Исраил Мени уланымды, тюнгючюмдю. 23Мен санга: „Уланымы жибер, ол Манга къуллукъ этсин“, – деп айтдым. Сен а аны жиберирге унамадынг, алай бла Мен сени уланынгы, тюнгючюнгю ёлтюрюрме».
24Жолда кече къалгъан жерлеринде, Раббий Муссагъа тюберге келип, аны ёлтюрюрге тебирегенди. 25Ол заманда Сиппора, таш бичакъ алып, уланына сюннет этгенди эм терисин Муссаны#4:25 Муссаны – неда сабийни. аякъларына тийдирип:
– Ишексиз, сен къан тёгюуюм бла эрим болгъанса! – деди.
26«Къан тёгюуюм бла эрим болгъанса», – деп сюннетни юсюнден айтылгъанды. Сора Раббий Муссаны къойду.
27Ол заманда Раббий Харуннга:
– Къуу жерге Муссагъа тюберге бар, – дегенди.
Харун барып, Аллахны таууну къатында Муссагъа тюбеп, аны уппа этип саламлашханды. 28Мусса да аны ийген Раббийни битеу айтхан сёзлерин бла Ол буюргъан битеу белгилени Харуннга айтханды. 29Сора Мусса бла Харун барып, Исраил улуларыны битеу тукъум таматаларын жыйгъандыла. 30Раббий Муссагъа айтхан сёзлени барын да Харун алагъа айтханды, Мусса да халкъны кёз аллында белгиле кёргюзтгенди. 31Халкъ ийнаннганды. Раббий Исраил улуларына болушургъа келгенин эмда аланы термилгенлерин кёргенин эшитгенлеринде, ала ийилип, сежда этгендиле.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024