Мисирден чыгъыу 3
3
Аллах Мусса файхамбарны чакъырады
1Мусса, къайын атасы, Мидиянны дин къуллукъчусу Итрону#3:1 Итро – Реуелни башха аты. къой-эчкилерин кюте эди. Кюнлени биринде ол, сюрюуню къуу жерни бир узакъ жанына ётдюргенди да, Аллахны таууна, Хоребге келгенди. 2Сора анга, кёкен терекни#3:2 Кёкен терек – орус. терновник. арасындан, жаннган отда Раббийни Мёлеги#3:2 Раббийни Мёлеги – бу энчи Мёлек Сыйлы Китапланы тюрлю жерлеринде Раббий Кеси болгъаны белгилиди. кёрюннгенди. Мусса къарап, кёкен от жаннганын, алай а кюймегенин кёреди. 3Сора Мусса кеси-кесине: «Бу сейирликге барып бир къарайым, кёкен нек кюймей эсе да», – дейди.
4Раббий аны къараргъа келгенин кёрдю. Сора Аллах кёкенни арасындан аны чакъырып:
– Мусса! Мусса! – деди.
– Мен мындама! – деди Мусса.
5– Бери жууукълашма! – деди Аллах. – Аякъларынгда чарыкъларынгы теш, бу сен тургъан жер – сыйлы жерди.
Сора дагъыда:
6– Мен атангы Аллахыма, Ибрахимни Аллахыма, Исхакъны Аллахыма, Якъупну Аллахыма, – деди.
Мусса, Аллахха къараргъа къоркъгъандан, бетин жапды.
7Сора Раббий былай айтды:
– Мен Мисирдеги халкъымы термилгенин кёргенме, иш таматаларыны зулмусундан аланы сыйытларын эшитгенме. Аланы къыйынлыкъларын билеме. 8Аланы мисирлилени къолларындан къутхарыргъа энип келгенме. Аланы ол жерден чыгъарып, анда сют бла бал баргъан жерге, ахшы эм эркин жерге, кенанлыланы, хитлилени, аморлуланы, перизлилени, хивлилени эм эбуслуланы жерлерине элтир ючюн келгенме. 9Ма, Исраил улуларыны къычырыкълары Манга жетгенди. Мен, мисирлиле аланы къалай унукъдургъанларын, кёреме. 10Ол себепден, тебире. Мени халкъымы, Исраил улуланы Мисирден чыгъар деп, Мен сени фыргъаууннга иеме.
11Мусса Аллахха:
– Мен кимме, мен фыргъаууннга барып, Исраил улуларын Мисирден чыгъарыр кибик? – деди.
12– Мен сени бла боллукъма, – деди Аллах. – Сени Мен ийгениме, ма санга белги: сен халкъны Мисирден чыгъаргъан заманда, бу тауда Аллахха къуллукъ этериксиз.
13Мусса Аллахха:
– Ма, мен Исраил улуларына барып, алагъа: «Мени сизге ата-бабаларыгъызны Аллахы ийгенди», – деп айтырма. Ала уа манга: «Аны аты неди?» – деп сорсала, мен алагъа не айтырма? – деди.
14– Бар Болуп Туруучу Менме, – деди Аллах Муссагъа. – «Мени сизге Бар Болуп Туруучу ийгенди», – деп айт Исраил улуларына.
15Аллах дагъыда Муссагъа былай айтды:
– Исраил улуларына: «Мени сизге ата-бабаларыгъызны Аллахы – Ибрахимни Аллахы, Исхакъны Аллахы, Якъупну Аллахы – Раббий#3:15 Раббий – оригиналда «Яхве». «Яхве» сёз бла 14-чю аятдагъы «Эхйе» (Менме) деген сёз «болуу» деген бир этимден жаратылгъандыла. ийгенди», – деп айт.
Бу – Мени ёмюрлеге боллукъ атымды.
Мени бу атымы айтып,
тёлюден тёлюге эсгерирле.
16Бар, Исраилни тукъум таматаларын жыйып, алагъа: «Аталарыгъызны Аллахы, Ибрахимни, Исхакъны, Якъупну Аллахы Раббий, манга кёрюнюп, былай айтханды: „Мен сизге эс бёлюп, Мисирде сизге этилгенни кёргенме. 17Сизни Мисирни унукъдурууундан чыгъарып, кенанлыланы, хитлилени, аморлуланы, перизлилени, хивлилени эм эбуслуланы жерлерине, анда сют бла бал баргъан жерге элтирикме деп, Мен сёз береме“», – деп айт.
18Исраилни тукъум таматалары сени айтханынга тынгыларла. Сора, сен да, ала да, Мисирни патчахына барып: «Бизге чюйютлюлени Аллахы Раббий кёрюннгенди. Алай бла эркинлик бер, биз юч кюнлюк жолгъа, къуу жерге барып, Раббий Аллахыбызгъа къурман этейик», – деп айтырсыз. 19Мен а билеме, Мисирни патчахы, аны кючлю къолум бла зорламасам, сизге кетерге эркинлик берлик тюйюлдю. 20Мен къолуму узатып, Мисирни ичинде этерик битеу къудуретли ишлерим бла Мисирни урлукъма. Андан сора ол сизни жиберир. 21Мен сизге мисирлилени кёзлеринде ыразылыкъ берирме. Кетген заманыгъызда къуру къолларыгъыз бла кетмезсиз. 22Хар тиширыу мисирли къоншусундан эмда къоншу юйде жашагъан башха тиширыудан кюмюш, алтын затла эмда кийимле тилеп алсын, сора сиз ала бла жашларыгъызны эм къызларыгъызны кийиндирирсиз. Алай бла мисирлилени тонап кетерсиз.
Currently Selected:
Мисирден чыгъыу 3: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 3
3
Аллах Мусса файхамбарны чакъырады
1Мусса, къайын атасы, Мидиянны дин къуллукъчусу Итрону#3:1 Итро – Реуелни башха аты. къой-эчкилерин кюте эди. Кюнлени биринде ол, сюрюуню къуу жерни бир узакъ жанына ётдюргенди да, Аллахны таууна, Хоребге келгенди. 2Сора анга, кёкен терекни#3:2 Кёкен терек – орус. терновник. арасындан, жаннган отда Раббийни Мёлеги#3:2 Раббийни Мёлеги – бу энчи Мёлек Сыйлы Китапланы тюрлю жерлеринде Раббий Кеси болгъаны белгилиди. кёрюннгенди. Мусса къарап, кёкен от жаннганын, алай а кюймегенин кёреди. 3Сора Мусса кеси-кесине: «Бу сейирликге барып бир къарайым, кёкен нек кюймей эсе да», – дейди.
4Раббий аны къараргъа келгенин кёрдю. Сора Аллах кёкенни арасындан аны чакъырып:
– Мусса! Мусса! – деди.
– Мен мындама! – деди Мусса.
5– Бери жууукълашма! – деди Аллах. – Аякъларынгда чарыкъларынгы теш, бу сен тургъан жер – сыйлы жерди.
Сора дагъыда:
6– Мен атангы Аллахыма, Ибрахимни Аллахыма, Исхакъны Аллахыма, Якъупну Аллахыма, – деди.
Мусса, Аллахха къараргъа къоркъгъандан, бетин жапды.
7Сора Раббий былай айтды:
– Мен Мисирдеги халкъымы термилгенин кёргенме, иш таматаларыны зулмусундан аланы сыйытларын эшитгенме. Аланы къыйынлыкъларын билеме. 8Аланы мисирлилени къолларындан къутхарыргъа энип келгенме. Аланы ол жерден чыгъарып, анда сют бла бал баргъан жерге, ахшы эм эркин жерге, кенанлыланы, хитлилени, аморлуланы, перизлилени, хивлилени эм эбуслуланы жерлерине элтир ючюн келгенме. 9Ма, Исраил улуларыны къычырыкълары Манга жетгенди. Мен, мисирлиле аланы къалай унукъдургъанларын, кёреме. 10Ол себепден, тебире. Мени халкъымы, Исраил улуланы Мисирден чыгъар деп, Мен сени фыргъаууннга иеме.
11Мусса Аллахха:
– Мен кимме, мен фыргъаууннга барып, Исраил улуларын Мисирден чыгъарыр кибик? – деди.
12– Мен сени бла боллукъма, – деди Аллах. – Сени Мен ийгениме, ма санга белги: сен халкъны Мисирден чыгъаргъан заманда, бу тауда Аллахха къуллукъ этериксиз.
13Мусса Аллахха:
– Ма, мен Исраил улуларына барып, алагъа: «Мени сизге ата-бабаларыгъызны Аллахы ийгенди», – деп айтырма. Ала уа манга: «Аны аты неди?» – деп сорсала, мен алагъа не айтырма? – деди.
14– Бар Болуп Туруучу Менме, – деди Аллах Муссагъа. – «Мени сизге Бар Болуп Туруучу ийгенди», – деп айт Исраил улуларына.
15Аллах дагъыда Муссагъа былай айтды:
– Исраил улуларына: «Мени сизге ата-бабаларыгъызны Аллахы – Ибрахимни Аллахы, Исхакъны Аллахы, Якъупну Аллахы – Раббий#3:15 Раббий – оригиналда «Яхве». «Яхве» сёз бла 14-чю аятдагъы «Эхйе» (Менме) деген сёз «болуу» деген бир этимден жаратылгъандыла. ийгенди», – деп айт.
Бу – Мени ёмюрлеге боллукъ атымды.
Мени бу атымы айтып,
тёлюден тёлюге эсгерирле.
16Бар, Исраилни тукъум таматаларын жыйып, алагъа: «Аталарыгъызны Аллахы, Ибрахимни, Исхакъны, Якъупну Аллахы Раббий, манга кёрюнюп, былай айтханды: „Мен сизге эс бёлюп, Мисирде сизге этилгенни кёргенме. 17Сизни Мисирни унукъдурууундан чыгъарып, кенанлыланы, хитлилени, аморлуланы, перизлилени, хивлилени эм эбуслуланы жерлерине, анда сют бла бал баргъан жерге элтирикме деп, Мен сёз береме“», – деп айт.
18Исраилни тукъум таматалары сени айтханынга тынгыларла. Сора, сен да, ала да, Мисирни патчахына барып: «Бизге чюйютлюлени Аллахы Раббий кёрюннгенди. Алай бла эркинлик бер, биз юч кюнлюк жолгъа, къуу жерге барып, Раббий Аллахыбызгъа къурман этейик», – деп айтырсыз. 19Мен а билеме, Мисирни патчахы, аны кючлю къолум бла зорламасам, сизге кетерге эркинлик берлик тюйюлдю. 20Мен къолуму узатып, Мисирни ичинде этерик битеу къудуретли ишлерим бла Мисирни урлукъма. Андан сора ол сизни жиберир. 21Мен сизге мисирлилени кёзлеринде ыразылыкъ берирме. Кетген заманыгъызда къуру къолларыгъыз бла кетмезсиз. 22Хар тиширыу мисирли къоншусундан эмда къоншу юйде жашагъан башха тиширыудан кюмюш, алтын затла эмда кийимле тилеп алсын, сора сиз ала бла жашларыгъызны эм къызларыгъызны кийиндирирсиз. Алай бла мисирлилени тонап кетерсиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024