Мисирден чыгъыу 5
5
Мусса бла Харун фыргъауунну аллында
1Андан сора Мусса бла Харун фыргъаууннга барып:
– Исраилни Аллахы Раббий былай айтады: «Халкъымы жибер, ала Манга къуу жерде байрам этсинле», – дедиле.
2Фыргъауун а:
– Кимди да Раббий, мен Аны айтханына тынгылап, Исраилни жиберир кибик? Мен Раббийни танымайма, Исраилни да жиберлик тюйюлме, – деди.
3– Бизге чюйютлюлени Аллахы кёрюннгенди. Тилейбиз, эркинлик бер, Ол бизни ёлет бла неда къылыч бла къырмаз ючюн, биз Раббий Аллахыбызгъа къурман этерге юч кюнлюк жолгъа, къуу жерге барайыкъ, – дедиле ала.
4– Сиз, Мусса бла Харун, халкъны ишинден нек бёлесиз? Барыгъыз, ишлеген этигиз! – деди алагъа Мисирни патчахы. – 5Ма, бу жерни халкъы кёпдю, сиз а аны ишлеуюн тохтатасыз, – деп да къошду фыргъауун.
6Ол кюн окъуна фыргъауун халкъны ишлетген къуллукъчулагъа бла халкъны таматаларына буйрукъ берди:
7– Мындан ары, алгъын бергенигизча, кирпич этерге халкъгъа салам бермегиз. Ала саламны кеслери айланып жыйсынла. 8Кирпичлени мардасын а алагъа алгъын буюрулгъанча салыгъыз, кем этмегиз. Ала бош турадыла да, андан: «Барайыкъ, Аллахыбызгъа къурман этейик», – деп къычырадыла. 9Алагъа андан да кёп иш беригиз, ала ишлесинле эм алдау сёзле бла кюрешмесинле.
10Сора халкъны ишлетген къуллукъчула бла таматала чыгъып, халкъгъа:
– Фыргъауун былай айтады: «Мен сизге энди кирпич этерге салам берлик тюйюлме. 11Кесигиз барып, саламны къайда тапсагъыз, андан алыгъыз. Иш мардагъыздан а бир зат да кем этилмейди», – дедиле.
12Сора халкъ, таза салам орунуна, сабан тюбюнде къалгъан саламны жыяргъа битеу Мисирни жерине жайылгъанды. 13Къуллукъчула уа:
– Таза саламыгъыз болгъан заманда кибик иш мардагъызны хар кюнден да толтуругъуз, – деп, алагъа зорлукъ эте эдиле.
14Исраил улуланы таматаларын а Фыргъауунну къуллукъчулары:
– Сиз тюнене бла бюгюн, эндиге дери этиучю кирпич мардагъызны нек толтурмайсыз? – деп, тюе эдиле.
15Сора Исраил улуланы таматалары келип, фыргъаууннга тарыгъыу этип:
– Сен къулларынга алай нек этесе? 16Къулларынга салам бермейдиле, кирпичлени уа этигиз дейдиле! Ма, къулларынгы тюедиле! Гюняхды сени халкъынга! – дедиле.
17Ол а:
– Бошсуз сиз, аны себепли: «Барып, Раббийге къурман этейик», – деп айтасыз. 18Энди барыгъыз, ишлегиз. Сизге салам берлик тюйюлдюле, кирпич мардагъызны уа толтуругъуз, – деди.
19Сора Исраил улуланы таматалары: «Хар кюннге белгиленнген кирпич марда кем этиллик тюйюлдю», – деп айтылгъан сёзледе кеслерини палахларын кёрдюле. 20Ала фыргъауунну аллындан чыкъгъан заманда уа, аланы сакълап тургъан Муссагъа бла Харуннга тюбедиле да:
21– Раббий, сиз этгенни кёрюп, жазагъызгъа#5:21 Жаза – орус. кара, наказание. тюбетсин! Сиз бизни, фыргъауун да, аны къуллукъчулары да кёрюп болмазча этип, бизни ёлтюрюрге аланы къолларына къылыч бердигиз, – дедиле.
Аллах халкъын къутхарлыгъына ант этеди
22Сора Мусса Раббийге къайтып:
– Я Раббий! Сен бу халкъны быллай къыйынлыкъгъа нек жолукъдурдунг, мени муну ючюнмю ийдинг? 23Мен фыргъаууннга барып, Сени атынг бла айтып башлагъан замандан бери, ол бу халкъгъа андан да аман этип башлагъанды. Сен халкъынгы къутхаргъан а этмединг, – деди.
Currently Selected:
Мисирден чыгъыу 5: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 5
5
Мусса бла Харун фыргъауунну аллында
1Андан сора Мусса бла Харун фыргъаууннга барып:
– Исраилни Аллахы Раббий былай айтады: «Халкъымы жибер, ала Манга къуу жерде байрам этсинле», – дедиле.
2Фыргъауун а:
– Кимди да Раббий, мен Аны айтханына тынгылап, Исраилни жиберир кибик? Мен Раббийни танымайма, Исраилни да жиберлик тюйюлме, – деди.
3– Бизге чюйютлюлени Аллахы кёрюннгенди. Тилейбиз, эркинлик бер, Ол бизни ёлет бла неда къылыч бла къырмаз ючюн, биз Раббий Аллахыбызгъа къурман этерге юч кюнлюк жолгъа, къуу жерге барайыкъ, – дедиле ала.
4– Сиз, Мусса бла Харун, халкъны ишинден нек бёлесиз? Барыгъыз, ишлеген этигиз! – деди алагъа Мисирни патчахы. – 5Ма, бу жерни халкъы кёпдю, сиз а аны ишлеуюн тохтатасыз, – деп да къошду фыргъауун.
6Ол кюн окъуна фыргъауун халкъны ишлетген къуллукъчулагъа бла халкъны таматаларына буйрукъ берди:
7– Мындан ары, алгъын бергенигизча, кирпич этерге халкъгъа салам бермегиз. Ала саламны кеслери айланып жыйсынла. 8Кирпичлени мардасын а алагъа алгъын буюрулгъанча салыгъыз, кем этмегиз. Ала бош турадыла да, андан: «Барайыкъ, Аллахыбызгъа къурман этейик», – деп къычырадыла. 9Алагъа андан да кёп иш беригиз, ала ишлесинле эм алдау сёзле бла кюрешмесинле.
10Сора халкъны ишлетген къуллукъчула бла таматала чыгъып, халкъгъа:
– Фыргъауун былай айтады: «Мен сизге энди кирпич этерге салам берлик тюйюлме. 11Кесигиз барып, саламны къайда тапсагъыз, андан алыгъыз. Иш мардагъыздан а бир зат да кем этилмейди», – дедиле.
12Сора халкъ, таза салам орунуна, сабан тюбюнде къалгъан саламны жыяргъа битеу Мисирни жерине жайылгъанды. 13Къуллукъчула уа:
– Таза саламыгъыз болгъан заманда кибик иш мардагъызны хар кюнден да толтуругъуз, – деп, алагъа зорлукъ эте эдиле.
14Исраил улуланы таматаларын а Фыргъауунну къуллукъчулары:
– Сиз тюнене бла бюгюн, эндиге дери этиучю кирпич мардагъызны нек толтурмайсыз? – деп, тюе эдиле.
15Сора Исраил улуланы таматалары келип, фыргъаууннга тарыгъыу этип:
– Сен къулларынга алай нек этесе? 16Къулларынга салам бермейдиле, кирпичлени уа этигиз дейдиле! Ма, къулларынгы тюедиле! Гюняхды сени халкъынга! – дедиле.
17Ол а:
– Бошсуз сиз, аны себепли: «Барып, Раббийге къурман этейик», – деп айтасыз. 18Энди барыгъыз, ишлегиз. Сизге салам берлик тюйюлдюле, кирпич мардагъызны уа толтуругъуз, – деди.
19Сора Исраил улуланы таматалары: «Хар кюннге белгиленнген кирпич марда кем этиллик тюйюлдю», – деп айтылгъан сёзледе кеслерини палахларын кёрдюле. 20Ала фыргъауунну аллындан чыкъгъан заманда уа, аланы сакълап тургъан Муссагъа бла Харуннга тюбедиле да:
21– Раббий, сиз этгенни кёрюп, жазагъызгъа#5:21 Жаза – орус. кара, наказание. тюбетсин! Сиз бизни, фыргъауун да, аны къуллукъчулары да кёрюп болмазча этип, бизни ёлтюрюрге аланы къолларына къылыч бердигиз, – дедиле.
Аллах халкъын къутхарлыгъына ант этеди
22Сора Мусса Раббийге къайтып:
– Я Раббий! Сен бу халкъны быллай къыйынлыкъгъа нек жолукъдурдунг, мени муну ючюнмю ийдинг? 23Мен фыргъаууннга барып, Сени атынг бла айтып башлагъан замандан бери, ол бу халкъгъа андан да аман этип башлагъанды. Сен халкъынгы къутхаргъан а этмединг, – деди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024