Мисирден чыгъыу 22
22
Мюлк юсюнден жорукъла
1Биреу тууар неда къой-эчкини урлап кессе неда сатса, тууар ючюн беш тууар, къой ючюн да тёрт къой тёлерге керекди. 2Биреу юйюне кирген гудучуну тутса эм уруп ёлтюрсе, аны къанын тёкгени ючюн терс боллукъ тюйюлдю. 3Аны кюн туугъандан сора ёлтюрсе уа, аны къанын тёкгени ючюн терс боллукъду. Гудучу урлагъан затыны багъасын тёлерге керекди. Тёлерге заты жокъ эсе уа, урлагъан затыны тёлеуюне аны кесин сатсынла. 4Ол урлагъан мал – тууар, эшек неда къой болсун – аны къолунда саулай табылса, эки къат тёлесин.
5Биреу малларын кесини жеринде тутмай, аланы башхасыны сабанына неда жюзюм бахчасына жиберип малтатса, кесини сабаныны эм бахчасыны бек иги тирлигинден берип тёлесин.
6От тюшюп чырпыланы ёртен алса эмда батанланы неда орулгъан тирликлени, неда сабанны кюйдюрсе, от салгъан адам тёлерге керекди.
7Биреу тенгине сакъларгъа ахча неда хапчукла берсе эмда была аны юйюнден урлансала, сора, гудучу табылса, ол эки къат тёлесин. 8Гудучу табылмаса уа, юйню иеси Аллахны аллына келип, тенгини затына къол жетдирмегенине ант этсин.
9Хар даулаш затны юсюнден: тууарны, эшекни, къойну, кийимни, хар тас болгъан затны, ол меникиди деп айтханланы экиси да ишлерин Аллахны аллына келтирирге керекдиле. Аллах кимни терслесе, ол тенгине эки къат тёлесин.
10Биреу тенгине сакъларгъа эшек неда тууар, неда къой, неда башха мал берсе, ол а ёлсе неда къыяу тюшсе, неда киши кёрмей урланып къалса, 11малны сакъларгъа алгъан адам кесини тенгини малына къол жетдирмегенине Раббийни аллында экисини арасында ант этсин. Малны иеси аны къабыл этсин, сакъларгъа алгъан а тёлемесин. 12Аны къолундан урланса уа, ол малны иесине тёлерге керекди. 13Жаныуар таласа уа, шагъатлыкъгъа таланнган мыллыкны кёргюзтсюн. Таланнган ючюн тёлемесин.
14Биреу тенгинден борчха мал алса, малгъа уа къыяу тюшсе неда ёлсе, малны иеси уа аны къатында болмагъан эсе, тёлерге керекди. 15Малны иеси аны къатында болгъан эсе уа, тёлерге борчлу тюйюлдю. Ол ахчагъа жалгъа алыннган эсе, ол багъасына кетсин.
Жамауат низамла
16Биреу сёз тауусмагъан къызны терилтип, аны бла жатса, къалым берип, аны кесине къатыннга алсын. 17Къызны атасы къызны анга берирге унамаса уа, къызлыгъы ючюн къалымгъа къаллай бир ахча берирге керек эсе, аллай бир тёлесин.
18Хыйнычыны сау къалдырма.
19Хайыуан бла жатыучу хар адам ёлтюрюлсюн.
20Бир Раббийден башха аллахлагъа къурман этиучю адам жокъ этилсин.
21Киргинчиге зулму этмегиз, аны унукъдурмагъыз. Сиз кесигиз да Мисирни жеринде киргинчиле эдигиз.
22Не тул къатыннга, не ёксюзге зулму этме. 23Сен алагъа зулму этсенг а, ала Манга тарыгъып къычыргъанда, Мен аланы къычырыкъларын эшитирме. 24Мени ачыуум чыгъып, сизни къылыч бла ёлтюртюрме, сора сизни къатынларыгъыз тул къатынла, сабийлеригиз да ёксюз сабийле болуп къалырла.
25Мени халкъымдан бир жарлыгъа ахча ёнгкюч берсенг, аны къысма эмда анга къозлау#22:25 Къозлау – ёнгкючге берилген ахчагъа къошулгъан процентле. салма. 26Жууугъунгу юс кийимин жюкге#22:26 Жюк – борч тёленнгинчи дери ёнгкючге алыннган зат; орус. – залог. алсанг, кюн батхынчы къайтар. 27Юсюн жабаргъа андан башха заты жокъду, аны юс кийими олду. Ол юсюне не кийип жатарыкъды? Алай бла, ол Манга тарыгъып къычырыкъ этгенде, Мен мархаматлы болгъаным себепли, аны эшитирме.
28Аллахха къаргъыш этме, халкъынгы бачамасын сёкме.
29Ындыр басыуунгу эм жюзюм сыгъыуунгу башламындан мычымай Манга келтир. Уланларынгдан тюнгючюн Манга бер. 30Тууарынгы эм къой-эчкинги биринчи туугъанын да алай эт. Жети кюн ала аналары бла тура турсунла, сегизинчи кюн а аланы Манга бере тур.
31Сиз Мени сыйлы адамларымсыз. Аулакъда жаныуар талагъан хайыуан этни ашамагъыз, аны итлеге атыгъыз.
Currently Selected:
Мисирден чыгъыу 22: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 22
22
Мюлк юсюнден жорукъла
1Биреу тууар неда къой-эчкини урлап кессе неда сатса, тууар ючюн беш тууар, къой ючюн да тёрт къой тёлерге керекди. 2Биреу юйюне кирген гудучуну тутса эм уруп ёлтюрсе, аны къанын тёкгени ючюн терс боллукъ тюйюлдю. 3Аны кюн туугъандан сора ёлтюрсе уа, аны къанын тёкгени ючюн терс боллукъду. Гудучу урлагъан затыны багъасын тёлерге керекди. Тёлерге заты жокъ эсе уа, урлагъан затыны тёлеуюне аны кесин сатсынла. 4Ол урлагъан мал – тууар, эшек неда къой болсун – аны къолунда саулай табылса, эки къат тёлесин.
5Биреу малларын кесини жеринде тутмай, аланы башхасыны сабанына неда жюзюм бахчасына жиберип малтатса, кесини сабаныны эм бахчасыны бек иги тирлигинден берип тёлесин.
6От тюшюп чырпыланы ёртен алса эмда батанланы неда орулгъан тирликлени, неда сабанны кюйдюрсе, от салгъан адам тёлерге керекди.
7Биреу тенгине сакъларгъа ахча неда хапчукла берсе эмда была аны юйюнден урлансала, сора, гудучу табылса, ол эки къат тёлесин. 8Гудучу табылмаса уа, юйню иеси Аллахны аллына келип, тенгини затына къол жетдирмегенине ант этсин.
9Хар даулаш затны юсюнден: тууарны, эшекни, къойну, кийимни, хар тас болгъан затны, ол меникиди деп айтханланы экиси да ишлерин Аллахны аллына келтирирге керекдиле. Аллах кимни терслесе, ол тенгине эки къат тёлесин.
10Биреу тенгине сакъларгъа эшек неда тууар, неда къой, неда башха мал берсе, ол а ёлсе неда къыяу тюшсе, неда киши кёрмей урланып къалса, 11малны сакъларгъа алгъан адам кесини тенгини малына къол жетдирмегенине Раббийни аллында экисини арасында ант этсин. Малны иеси аны къабыл этсин, сакъларгъа алгъан а тёлемесин. 12Аны къолундан урланса уа, ол малны иесине тёлерге керекди. 13Жаныуар таласа уа, шагъатлыкъгъа таланнган мыллыкны кёргюзтсюн. Таланнган ючюн тёлемесин.
14Биреу тенгинден борчха мал алса, малгъа уа къыяу тюшсе неда ёлсе, малны иеси уа аны къатында болмагъан эсе, тёлерге керекди. 15Малны иеси аны къатында болгъан эсе уа, тёлерге борчлу тюйюлдю. Ол ахчагъа жалгъа алыннган эсе, ол багъасына кетсин.
Жамауат низамла
16Биреу сёз тауусмагъан къызны терилтип, аны бла жатса, къалым берип, аны кесине къатыннга алсын. 17Къызны атасы къызны анга берирге унамаса уа, къызлыгъы ючюн къалымгъа къаллай бир ахча берирге керек эсе, аллай бир тёлесин.
18Хыйнычыны сау къалдырма.
19Хайыуан бла жатыучу хар адам ёлтюрюлсюн.
20Бир Раббийден башха аллахлагъа къурман этиучю адам жокъ этилсин.
21Киргинчиге зулму этмегиз, аны унукъдурмагъыз. Сиз кесигиз да Мисирни жеринде киргинчиле эдигиз.
22Не тул къатыннга, не ёксюзге зулму этме. 23Сен алагъа зулму этсенг а, ала Манга тарыгъып къычыргъанда, Мен аланы къычырыкъларын эшитирме. 24Мени ачыуум чыгъып, сизни къылыч бла ёлтюртюрме, сора сизни къатынларыгъыз тул къатынла, сабийлеригиз да ёксюз сабийле болуп къалырла.
25Мени халкъымдан бир жарлыгъа ахча ёнгкюч берсенг, аны къысма эмда анга къозлау#22:25 Къозлау – ёнгкючге берилген ахчагъа къошулгъан процентле. салма. 26Жууугъунгу юс кийимин жюкге#22:26 Жюк – борч тёленнгинчи дери ёнгкючге алыннган зат; орус. – залог. алсанг, кюн батхынчы къайтар. 27Юсюн жабаргъа андан башха заты жокъду, аны юс кийими олду. Ол юсюне не кийип жатарыкъды? Алай бла, ол Манга тарыгъып къычырыкъ этгенде, Мен мархаматлы болгъаным себепли, аны эшитирме.
28Аллахха къаргъыш этме, халкъынгы бачамасын сёкме.
29Ындыр басыуунгу эм жюзюм сыгъыуунгу башламындан мычымай Манга келтир. Уланларынгдан тюнгючюн Манга бер. 30Тууарынгы эм къой-эчкинги биринчи туугъанын да алай эт. Жети кюн ала аналары бла тура турсунла, сегизинчи кюн а аланы Манга бере тур.
31Сиз Мени сыйлы адамларымсыз. Аулакъда жаныуар талагъан хайыуан этни ашамагъыз, аны итлеге атыгъыз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024