Мисирден чыгъыу 23
23
Тюзлюкню бла мархаматны юсюнден жорукъла
1Жалгъан хапарны жайма. Ётюрюк шагъатлыкъ этип аманлыкъчыгъа болушма.
2Асламысы жанлы болуп, аманлыкъгъа тайма, сюдлюк ишни, асламысы айтханнга кёре тюйюл, тюзлюкден таймай эт. 3Жарлы адам сюдлюк ишинде тюз тюйюл эсе, жарлыды деп, аны жанлы болма.
4Жауунгу тууарын неда эшегин ажашып тургъанларынлай тапсанг, аланы анга сюрюп келтир. 5Жауунгу эшеги жюгю бла жыгъылып тургъанлай кёрсенг, аны къоюп кетме, анга эшекни жюгюн тюшюрюрге болуш.
6Жарлы адамынгы сюдлюк ишине терс хукму этме. 7Жалгъан затдан узакъ бол, терсликсизни эм тюз адамны ёлтюртме. Аллай аманлыкъны Мен кечмем. 8Улутха алма. Улутха кёзлери сауланы сокъур этеди эм тюз адамланы ишлерине терс хукму этдиреди.
9Киргинчиге зулму этме. Киргинчи адамны жюрегин сиз билесиз: сиз да Мисирни жеринде киргинчиле эдигиз.
Шабат жылны бла шабат кюнню юсюнден жорукъла
10Жеринге алты жыл урлукъ сал эмда аны тирликлерин жый. 11Жетинчи жылда уа аны солургъа къой, халкъынгы къолайсыз адамлары андан хайырлансынла, аладан къалгъанланы да аулакъдагъы жаныуарла ашасынла. Жюзюм бахчангы да, зейтун терек бахчангы да алай эт.
12Алты кюн ишлеринги эт, жетинчи кюн а тынчай, тууарынг да, эшегинг да солусунла, къарауашынгы уланы да, киргинчи да тынчайсынла.
13Мен битеу сизге айтхан затланы тутугъуз. Башха тейрилени эсгермегиз, аланы атларын ауузугъузгъа келтирмегиз.
Юч уллу байрам
14Жылда Манга юч кере байрам эт.
15Ачымагъан Ётмек байрамны тут. Мени санга буюргъаным кибик, Абиб айны белгиленнген кезиуюнде жети кюн ачымагъан ётмек аша. Сен Мисирден ол айда чыгъып кетгенсе. Мени аллыма къурулай бир адам да келмесин.
16Сабанынгда салгъан урлукъну Биринчи Битимле байрамны эт.
Жылны ахырында сабанынгдан тирлик жыйгъанда Сабан Той байрамны да эт.
17Битеу эр кишилеринг жылда юч кере Раббий-Тааланы аллына кёрюнсюнле.
18Манга этилген къурманны къанын ачыгъан затха къуйма.
Манга байрамгъа этилген къурманны жауундан эрттенликге къалдырма.
19Жеринги биринчи битимлерин Раббий Аллахынгы юйюне келтир.
Улакъны анасыны сютюнде биширме.
Жангы жерле алыуну юсюнден насийхатла
20Ма, Мен сени жолунгда сакъларгъа эмда Мен хазырлагъан жерге элтирге, аллынгда Мёлегими иеме. 21Аны къатында кесинги тап жюрют, Аны сёзюне тынгыла. Анга къажау сюелме. Нек дегенде, Ол, Анда Мени Атым болгъаны себепли, къозгъалыуугъузну кечмез. 22Аны сёзюне тынгыласанг эмда битеу айтхан затларымы толтурсанг, Мен душманларынгы душманы, жауларынгы жауу боллукъма. 23Мени Мёлегим аллынгда барып, сени аморлуланы, хитлилени, перизлилени, кенанлыланы, хивлилени, эбуслуланы жерлерине келтиргенде, Мен аланы жокъ этерме. 24Аланы аллахларына табынма, къуллукъ этме эмда адетлеринден юлгю алма. Аланы ууат, менгирлерин#23:24 Менгир – мажюсюле табыннган сыйлы таш. да буз. 25Раббий Аллахынга къуллукъ эт, сора ашынга да, сууунга да берекет берирме, сенден аурууланы да кетерирме. 26Сени жерингде заманы жетмей туугъанла эм къаратонла болмазла. Жашау кюнлеринги санын да толу этерме.
27Аллынгда къоркъутуууму иерме, юсюнге келлик хар миллетни жунчутурма, битеу душманларынгы аллынгдан къачарча этерикме. 28Сени аллынгда къабыучу чибинле иерме, ала сени аллынгдан хивлилени, кенанлыланы эм хитлилени къуууп къыстарла. 29Жер бош къалып, аулакъдагъы жаныуарла кёп болмаз ючюн, бу миллетлени аллынгдан бир жылгъа къыстап къоймам. 30Сен кёп болуп, бу жерни къолгъа алгъынчы, аланы сенден аз-аздан къыстай турлукъма.
31Чеклеринги Къамиш тенгизден Филист тенгизге дери эмда къуу жерден Эфрат суугъа дери тартырыкъма. Бу жерде жашагъанланы къолугъузгъа берликме, аланы аллынгдан къуууп къыстарса. 32Не ала бла, не аланы аллахлары бла кесамат этме. 33Ала сени Манга къажау гюняхха тюшюрмез ючюн, ала жерингде жашаргъа керек тюйюлдюле. Сен аланы аллахларына къуллукъ этсенг, ол санга тузакъ болуп къаллыкъды.
Currently Selected:
Мисирден чыгъыу 23: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 23
23
Тюзлюкню бла мархаматны юсюнден жорукъла
1Жалгъан хапарны жайма. Ётюрюк шагъатлыкъ этип аманлыкъчыгъа болушма.
2Асламысы жанлы болуп, аманлыкъгъа тайма, сюдлюк ишни, асламысы айтханнга кёре тюйюл, тюзлюкден таймай эт. 3Жарлы адам сюдлюк ишинде тюз тюйюл эсе, жарлыды деп, аны жанлы болма.
4Жауунгу тууарын неда эшегин ажашып тургъанларынлай тапсанг, аланы анга сюрюп келтир. 5Жауунгу эшеги жюгю бла жыгъылып тургъанлай кёрсенг, аны къоюп кетме, анга эшекни жюгюн тюшюрюрге болуш.
6Жарлы адамынгы сюдлюк ишине терс хукму этме. 7Жалгъан затдан узакъ бол, терсликсизни эм тюз адамны ёлтюртме. Аллай аманлыкъны Мен кечмем. 8Улутха алма. Улутха кёзлери сауланы сокъур этеди эм тюз адамланы ишлерине терс хукму этдиреди.
9Киргинчиге зулму этме. Киргинчи адамны жюрегин сиз билесиз: сиз да Мисирни жеринде киргинчиле эдигиз.
Шабат жылны бла шабат кюнню юсюнден жорукъла
10Жеринге алты жыл урлукъ сал эмда аны тирликлерин жый. 11Жетинчи жылда уа аны солургъа къой, халкъынгы къолайсыз адамлары андан хайырлансынла, аладан къалгъанланы да аулакъдагъы жаныуарла ашасынла. Жюзюм бахчангы да, зейтун терек бахчангы да алай эт.
12Алты кюн ишлеринги эт, жетинчи кюн а тынчай, тууарынг да, эшегинг да солусунла, къарауашынгы уланы да, киргинчи да тынчайсынла.
13Мен битеу сизге айтхан затланы тутугъуз. Башха тейрилени эсгермегиз, аланы атларын ауузугъузгъа келтирмегиз.
Юч уллу байрам
14Жылда Манга юч кере байрам эт.
15Ачымагъан Ётмек байрамны тут. Мени санга буюргъаным кибик, Абиб айны белгиленнген кезиуюнде жети кюн ачымагъан ётмек аша. Сен Мисирден ол айда чыгъып кетгенсе. Мени аллыма къурулай бир адам да келмесин.
16Сабанынгда салгъан урлукъну Биринчи Битимле байрамны эт.
Жылны ахырында сабанынгдан тирлик жыйгъанда Сабан Той байрамны да эт.
17Битеу эр кишилеринг жылда юч кере Раббий-Тааланы аллына кёрюнсюнле.
18Манга этилген къурманны къанын ачыгъан затха къуйма.
Манга байрамгъа этилген къурманны жауундан эрттенликге къалдырма.
19Жеринги биринчи битимлерин Раббий Аллахынгы юйюне келтир.
Улакъны анасыны сютюнде биширме.
Жангы жерле алыуну юсюнден насийхатла
20Ма, Мен сени жолунгда сакъларгъа эмда Мен хазырлагъан жерге элтирге, аллынгда Мёлегими иеме. 21Аны къатында кесинги тап жюрют, Аны сёзюне тынгыла. Анга къажау сюелме. Нек дегенде, Ол, Анда Мени Атым болгъаны себепли, къозгъалыуугъузну кечмез. 22Аны сёзюне тынгыласанг эмда битеу айтхан затларымы толтурсанг, Мен душманларынгы душманы, жауларынгы жауу боллукъма. 23Мени Мёлегим аллынгда барып, сени аморлуланы, хитлилени, перизлилени, кенанлыланы, хивлилени, эбуслуланы жерлерине келтиргенде, Мен аланы жокъ этерме. 24Аланы аллахларына табынма, къуллукъ этме эмда адетлеринден юлгю алма. Аланы ууат, менгирлерин#23:24 Менгир – мажюсюле табыннган сыйлы таш. да буз. 25Раббий Аллахынга къуллукъ эт, сора ашынга да, сууунга да берекет берирме, сенден аурууланы да кетерирме. 26Сени жерингде заманы жетмей туугъанла эм къаратонла болмазла. Жашау кюнлеринги санын да толу этерме.
27Аллынгда къоркъутуууму иерме, юсюнге келлик хар миллетни жунчутурма, битеу душманларынгы аллынгдан къачарча этерикме. 28Сени аллынгда къабыучу чибинле иерме, ала сени аллынгдан хивлилени, кенанлыланы эм хитлилени къуууп къыстарла. 29Жер бош къалып, аулакъдагъы жаныуарла кёп болмаз ючюн, бу миллетлени аллынгдан бир жылгъа къыстап къоймам. 30Сен кёп болуп, бу жерни къолгъа алгъынчы, аланы сенден аз-аздан къыстай турлукъма.
31Чеклеринги Къамиш тенгизден Филист тенгизге дери эмда къуу жерден Эфрат суугъа дери тартырыкъма. Бу жерде жашагъанланы къолугъузгъа берликме, аланы аллынгдан къуууп къыстарса. 32Не ала бла, не аланы аллахлары бла кесамат этме. 33Ала сени Манга къажау гюняхха тюшюрмез ючюн, ала жерингде жашаргъа керек тюйюлдюле. Сен аланы аллахларына къуллукъ этсенг, ол санга тузакъ болуп къаллыкъды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024