Мисирден чыгъыу 21
21
1Сен алагъа билдирлик жорукъла быладыла:
Бий-къул жорукъла
(Эсг. 15:12-18)
2Чюйютлю къул сатып алсанг, ол алты жыл ишлесин, жетинчи жыл а, тёлеусюз, азат болсун. 3Ол жангызлай келген эсе, жангыз кеси чыкъсын. Къатыны бар эсе уа, аны бла бирге къатыны да чыкъсын. 4Аны бийи анга къатын берген эсе, ол къатын да анга жашла, къызла тапхан эсе уа, къатын да, сабийлери да бийинде къалсынла, ол киши кеси жангыз азат болсун.
5Къул: «Бийими да, къатынымы да, сабийлерими да сюеме, азатлыкъгъа чыгъарыкъ тюйюлме», – десе уа, 6бийи аны Аллахны аллына келтирсин эмда аны эшикге неда эшик жанына сюеп, аны къулагъын биз бла тешсин. Сора ол къул ёмюрюнде бийине къуллукъ этер.
7Биреу къызын къарауашлыкъгъа сатса, ол къыз къулла чыгъыучуча азатлыкъгъа эркин боллукъ тюйюлдю. 8Бийи къыз бла кесине сёз тауусса, сора, аны жаратмаса, аны, жулуу берип, артха алыргъа эркинлик берсин. Бий, къыз бла келишимин бузгъаны ючюн, аны башха миллетге сатаргъа эркинлиги жокъду. 9Бий къарауашын кесини уланына алыргъа сёз тауусса, анга къызларынача эркинлик берсин. 10Экинчи къатын алса уа, къарауашны ашсыз, кийимсиз къоймазгъа, къатынынача къараргъа керекди. 11Ол анга бу юч затны этмей эсе уа, ол къарауаш ахча тёлеусюз, жулуусуз азат болсун.
Адамгъа жара салгъанланы юсюнден жорукъла
12Биреу адамны уруп ёлтюрсе, кеси да ёлтюрюлсюн. 13Алай а, биреу муну аман ниети болмай этсе, Мен Аллах да бир адамны башха адамны къолундан ёлюрге къойсам, адам ёлтюрген кишиге къачар жер белгилерме. 14Биреу жууугъун мурат этип, харам ниет бла ёлтюрсе уа, аны Манга къурман этилиучю жерден окъуна алып ёлтюрт.
15Атасын неда анасын ургъан адамны ёлтюрюрге керекди.
16Биреу адам урлап сатса неда ол адам аны къолунда табылса, урлагъан адамны ёлтюрюрге керекди.
17Атасына неда анасына къаргъыш этген адамны ёлтюрюрге керекди.
18Адамла урушхан заманда, бир адам башхасын таш бла неда жумдургъу бла урса, урулгъан адам ёлмей къалып, тёшекге тюшсе, 19сора къобуп, юйюнден таякъгъа таянып чыкъса, ургъан адамгъа азап салыргъа керек тюйюлдю, жаланда аны ишин тохтатханы ючюн тёлесин эмда сау болгъунчугъа дери, анга бакъсын.
20Биреу кесини къулун неда къарауашын таякъ бла уруп ёлтюрсе, анга азап салыргъа керекди. 21Къул-къарауаш бир эки кюн жашаса уа, иесине азап салыргъа керек тюйюлдю, нек дегенде, къул-къарауаш бийини мюлкюдю.
22Адамла тюйюшген заманда, бууаз къатынны урургъа тюшюп, аны ичи кетсе, башха заран а болмаса, ол къатынны эри ненча десе да, къадыла да тап кёрселе, терс адамдан аллай бир тазир#21:22 Тазир – адамны айыбына, терслигине жолукъдурур ючюн салыннган ахча тёлеу; орус. – штраф. алыргъа керекди. 23Башха заран болса уа, жан ючюн жан, 24кёз ючюн кёз, тиш ючюн тиш, къол ючюн къол, аякъ ючюн аякъ берирге, 25кюйдюрген жерин кюйдюрюрге, жара салгъан жерине жара салыргъа, уруп аурутхан жерин уруп аурутургъа керекди.
26Биреу къулуну неда къарауашыны кёзюне уруп, анга къыяу салса, къыяу салыннган кёз ючюн, азат этсин. 27Къулун неда къарауашын уруп, тишин тюшюрсе, аны тишин тюшюргени ючюн аны азат этсин.
Мал иелени жууаплылыкълары
28Тууар мал эр кишини неда тиширыуну мюйюзлери бла уруп ёлтюрсе, тууарны ташла бла тюйюп ёлтюрюрге, аны этин ашамазгъа керекди. Тууарны иеси уа терс тюйюлдю. 29Алай а, тууарны уруучу болгъаны белгили болуп, иеси, муну билип тургъанлай, аны тыймагъан эсе, тууар да эр кишини неда тиширыуну ёлтюрсе, тууарны ташла бла тюйюп ёлтюрюрге, аны иесин да ёлтюрюрге керекди. 30Анга тазир салынса уа, не тазир салынса да жаны ючюн тёлеу берсин. 31Тууар иесини жашын неда къызын уруп ёлтюрсе, анга бу жорукъгъа кёре этерге керекди. 32Тууар биреуню къулун неда къарауашын уруп ёлтюрсе, тууарны иеси аны бийине отуз шекел кюмюш тёлерге, тууарны уа ташла бла тюйюп ёлтюрюрге керекди.
33Биреу уруну ачса, неда уру къазып аны жапмай къойса эм ары тууар неда эшек жыгъылып тюшсе, 34уруну иеси, аны багъасын тёлеп, малны иесине ахча берирге керекди, мыллык а аныкъы боллукъду.
35Биреуню тууары башхасыны тууарын уруп ёлтюрсе, сау тууарны сатып аны багъасын эки тенг этсинле, ёлген тууарны да эки тенг этсинле. 36Тууар уруучу болгъаны белгили болуп, иеси аны тыймагъан эсе уа, тууар ючюн тууар берирге керекди, ёлген тууар а аныкъы болсун.
Currently Selected:
Мисирден чыгъыу 21: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 21
21
1Сен алагъа билдирлик жорукъла быладыла:
Бий-къул жорукъла
(Эсг. 15:12-18)
2Чюйютлю къул сатып алсанг, ол алты жыл ишлесин, жетинчи жыл а, тёлеусюз, азат болсун. 3Ол жангызлай келген эсе, жангыз кеси чыкъсын. Къатыны бар эсе уа, аны бла бирге къатыны да чыкъсын. 4Аны бийи анга къатын берген эсе, ол къатын да анга жашла, къызла тапхан эсе уа, къатын да, сабийлери да бийинде къалсынла, ол киши кеси жангыз азат болсун.
5Къул: «Бийими да, къатынымы да, сабийлерими да сюеме, азатлыкъгъа чыгъарыкъ тюйюлме», – десе уа, 6бийи аны Аллахны аллына келтирсин эмда аны эшикге неда эшик жанына сюеп, аны къулагъын биз бла тешсин. Сора ол къул ёмюрюнде бийине къуллукъ этер.
7Биреу къызын къарауашлыкъгъа сатса, ол къыз къулла чыгъыучуча азатлыкъгъа эркин боллукъ тюйюлдю. 8Бийи къыз бла кесине сёз тауусса, сора, аны жаратмаса, аны, жулуу берип, артха алыргъа эркинлик берсин. Бий, къыз бла келишимин бузгъаны ючюн, аны башха миллетге сатаргъа эркинлиги жокъду. 9Бий къарауашын кесини уланына алыргъа сёз тауусса, анга къызларынача эркинлик берсин. 10Экинчи къатын алса уа, къарауашны ашсыз, кийимсиз къоймазгъа, къатынынача къараргъа керекди. 11Ол анга бу юч затны этмей эсе уа, ол къарауаш ахча тёлеусюз, жулуусуз азат болсун.
Адамгъа жара салгъанланы юсюнден жорукъла
12Биреу адамны уруп ёлтюрсе, кеси да ёлтюрюлсюн. 13Алай а, биреу муну аман ниети болмай этсе, Мен Аллах да бир адамны башха адамны къолундан ёлюрге къойсам, адам ёлтюрген кишиге къачар жер белгилерме. 14Биреу жууугъун мурат этип, харам ниет бла ёлтюрсе уа, аны Манга къурман этилиучю жерден окъуна алып ёлтюрт.
15Атасын неда анасын ургъан адамны ёлтюрюрге керекди.
16Биреу адам урлап сатса неда ол адам аны къолунда табылса, урлагъан адамны ёлтюрюрге керекди.
17Атасына неда анасына къаргъыш этген адамны ёлтюрюрге керекди.
18Адамла урушхан заманда, бир адам башхасын таш бла неда жумдургъу бла урса, урулгъан адам ёлмей къалып, тёшекге тюшсе, 19сора къобуп, юйюнден таякъгъа таянып чыкъса, ургъан адамгъа азап салыргъа керек тюйюлдю, жаланда аны ишин тохтатханы ючюн тёлесин эмда сау болгъунчугъа дери, анга бакъсын.
20Биреу кесини къулун неда къарауашын таякъ бла уруп ёлтюрсе, анга азап салыргъа керекди. 21Къул-къарауаш бир эки кюн жашаса уа, иесине азап салыргъа керек тюйюлдю, нек дегенде, къул-къарауаш бийини мюлкюдю.
22Адамла тюйюшген заманда, бууаз къатынны урургъа тюшюп, аны ичи кетсе, башха заран а болмаса, ол къатынны эри ненча десе да, къадыла да тап кёрселе, терс адамдан аллай бир тазир#21:22 Тазир – адамны айыбына, терслигине жолукъдурур ючюн салыннган ахча тёлеу; орус. – штраф. алыргъа керекди. 23Башха заран болса уа, жан ючюн жан, 24кёз ючюн кёз, тиш ючюн тиш, къол ючюн къол, аякъ ючюн аякъ берирге, 25кюйдюрген жерин кюйдюрюрге, жара салгъан жерине жара салыргъа, уруп аурутхан жерин уруп аурутургъа керекди.
26Биреу къулуну неда къарауашыны кёзюне уруп, анга къыяу салса, къыяу салыннган кёз ючюн, азат этсин. 27Къулун неда къарауашын уруп, тишин тюшюрсе, аны тишин тюшюргени ючюн аны азат этсин.
Мал иелени жууаплылыкълары
28Тууар мал эр кишини неда тиширыуну мюйюзлери бла уруп ёлтюрсе, тууарны ташла бла тюйюп ёлтюрюрге, аны этин ашамазгъа керекди. Тууарны иеси уа терс тюйюлдю. 29Алай а, тууарны уруучу болгъаны белгили болуп, иеси, муну билип тургъанлай, аны тыймагъан эсе, тууар да эр кишини неда тиширыуну ёлтюрсе, тууарны ташла бла тюйюп ёлтюрюрге, аны иесин да ёлтюрюрге керекди. 30Анга тазир салынса уа, не тазир салынса да жаны ючюн тёлеу берсин. 31Тууар иесини жашын неда къызын уруп ёлтюрсе, анга бу жорукъгъа кёре этерге керекди. 32Тууар биреуню къулун неда къарауашын уруп ёлтюрсе, тууарны иеси аны бийине отуз шекел кюмюш тёлерге, тууарны уа ташла бла тюйюп ёлтюрюрге керекди.
33Биреу уруну ачса, неда уру къазып аны жапмай къойса эм ары тууар неда эшек жыгъылып тюшсе, 34уруну иеси, аны багъасын тёлеп, малны иесине ахча берирге керекди, мыллык а аныкъы боллукъду.
35Биреуню тууары башхасыны тууарын уруп ёлтюрсе, сау тууарны сатып аны багъасын эки тенг этсинле, ёлген тууарны да эки тенг этсинле. 36Тууар уруучу болгъаны белгили болуп, иеси аны тыймагъан эсе уа, тууар ючюн тууар берирге керекди, ёлген тууар а аныкъы болсун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024