ရိမ့ၤ 4

စီၤအၤဘြၤဟၣ်အတဲၤဘူၣ်အဟိအကလဲၤ

1ဒဳးသီတြီၤစာ်ပီၢ် စီၤအၤဘြၤဟၣ်ထဲၢ်ဝၤခွံဝၤသလဲအခၣ် ထၱးခၣ်ဘီတပွဲၤနဳၤ. စတဲၤကဲာ်ထၱးဘဲာ်မၱာ်တၤနဲၢ်. 2စီၤအၤဘြၤဟၣ်ကဘဲာ်မဲၤဝၱၤမဲၤစါထံဒဳ တဲၤမဲၤအလဝ့ၢ် တမဳၤမဳၤအစဲ ဒဳၣ်, စမီၤပဲၢ်ထာ်ထိအံာ်စန့ၤအခဳးအစဲနဳၤ. ပရၤဆါဒဳကဘၱာ်စဲာ်အလှီမီၢ် နဳၤ စတမဲၤဇၤတပွဲးနီး. 3မၤနဲၢ်, စဲာ်စါထံဒီၣ်, “စီၤအၤဘြၤဟၣ် နဳၤ စဘူၣ်ကဘၱာ်စဲာ်, ဒဳစတဲၤဘူၣ်အခဳးအစဲ ကဘၱာ်စဲာ်ပဲၢ်ကဲၤစဲာ် အစာ်ဘိ ပၠၤအတၱၢ်အမှးတပွဲၤလီၤ,” အဒီၣ်ဓဳၤ. 4ပၠၤထဲၢ်အမဲၤ တဲၤတပွဲၤနဳၤမီၤနံၤဘဲာ်အဆိးအလှဲလီၤ. တဘဲာ်ပၠၤအံၣ်လှဲနှးနှါစဲာ်နီး, မၱာ်စမဲၤတဲၤအခဳးအစဲစတးနံၤဘဲာ်လီၢ်. 5အဒီၣ်ကတီၤအံာ် အန့ၤတဲၤဘူၣ်, တဘဲာ်တဲၤမဲၤနီး, ကၱာ်အဘူၣ်ကဘၱာ်စဲာ် ထဲၢ်အဘါပျဲးပၠၤ အတဲၤကမဲာ်နဳၤ, တဲၤဘူၣ်အယဳၤ မၱာ် အယၢ်သိးတဲၤတၱၢ်တဲၤမှးလီၤ. 6စာ်ဘိကနဳၤအခီ, စီၤဒၤဝံးဒီဆးပၠၤထဲၢ် အနံၤဘဲာ်တဲၤသးလဳၢ်သးလၤ ဒဳကဘၱာ်စဲာ်လဲၤတၱၢ်လဲၤမှးတပွဲၤနဳၤအဝၱးအကဲ, စဒီၣ်,

7“အဘဲာ်ဟိးဝၱၤမၱာ်ပၠၤထဲၢ်အတဲၤကမဲာ်ဘဲာ်ဘါပျဲး,

အတဲၤခီၣ်ဝဲၤဘဲာ်ဘးလှိတစီာ်နဳၤ.

8အဘဲာ်ဟိးဝၱၤမၱာ် ပၠၤထဲၢ်ကဘၱာ်စဲာ်ကမဳၤ အတဲၤကမဲာ် တအီၣ်နီးတပွဲၤနဳၤ.”

9တဲၤသးကနၢ်အံာ်အယဳၤမၱာ် အနံၤဘဲာ် တဲၤဝှိရကၱတစီာ်အနံၤခံလီၤဧါ. တဘဲာ်နီး, မၱာ်ပၠၤအတနံၤဘဲာ် တဲၤဝှိရကၱနီးတစီာ်အနံၤခံခံ. ကမဳၤထာ်နံၤပီၢ် စီၤအၤဘြၤဟၣ် တပျာ်ပ့ၤ. ဝၤဒီၣ်, “စီၤအၤဘြၤဟၣ်ဘူၣ် ကဘၱာ်စဲာ်, ဒဳစတဲၤ ဘူၣ်အစဲ ကဘၱာ်စဲာ် မဲၤဝၱးမဲၤစါထံစဲာ်.” 10မၱာ်အမဲၤနံၤစဲာ်လှ့းကာ်တဲၢ်. ဘ့စနံၤဘဲာ်ဝှါ တဲၤဝှိ ရကၱ နဳၤဧါ. မၱာ်လှ့အအူဆူးနဳၤဧါ. အအူဆူးကၱာ် တဲၤဝှိရကၱ, တဘဲာ်အလ့ၤကါနီး. 11တဲၤဝှိရကၱမၱာ်ကီအလ့ၤကါ. စတဲၤတဲၤဝှိရကၱမၱာ်ကဘၱာ်စဲာ်အတဲၤအၣ်မါခးအံာ်အကလဲၤ, ထဲၢ်ဒဳစတဲၤဘူၣ်အစဲ ကဘၱာ်စဲာ်မဲၤဝၱၤမဲၤစါထဳစဲာ်နဳၤ. မဲၤကနဳၤဒဳၣ်, စီၤအၤဘြၤဟၣ်ဖၱထာ်ကဲၤအဘူၣ်တဲၤလဳစါစဲး တစီာ် အပာ်. 12စမၱာ်ကီအနံၤဘဲာ်တဲၤဝှိရကၱတစီာ်လဳစါစဲး အပာ်ပာ်, ကၱာ်တဘဲာ်ဒဳစဲာ်တစီာ်နံၤဘဲာ်တဲၤဝှိရကၱအခဳးအစဲနီး, မၱာ်ဒဳ စလိၤကိာ်ကဲၤ စီၤအၤဘြၤဟၣ်အခၣ်လ့ၤဒဳ တဲၤဘူၣ်အကျဲးပူၤ တချူကၱာ် စခးတဲၤဝှိရကၱနှၱနီးအခဳးအစဲနဳၤ.

တဲၤနံၤဘဲာ်တဲၤအၣ်မါခးအံာ် ဒဳတဲၤဘူၣ်အစဲ

13တဲၤအၣ်မါခးအံာ် စီၤအၤဘြၤဟၣ်ကၱာ် စဖဳး စလံၤတစီာ်အကနံၤဘဲာ်လၢ်ခဳး မၱာ်တဘဲာ်တဲၤမှဲးလၤအစဲနီး, မၱာ်ဒဳတဲၤဘူၣ်ကၱာ်အတဲၤတၱၢ်တဲၤမှးအစဲလီၤ. 14ဘ့ာ်မ့ ကဘၱာ်စဲာ်အတဲၤအၣ်မါခးအံာ်အလၢ်ခဳးမၱာ် အအီၣ်အံာ် တဲၤမှဲးလၤတစီာ် အနံၤခံလီၤဒဳၣ်, တဲၤဘူၣ်မၱာ်အနှးနှါလီၤ, ကၱာ်ကဘၱာ်စဲာ်အတဲၤအၣ်မါခးအံာ်မၱာ်အနှးနှါလီၤ. 15တဲၤမှဲးလၤမၱာ် အအီၣ်အံာ်တဲၤ စံးရးဒဳတဲၤခဲဘးတဲၤမှဲးလၤအစဲနဳၤ, ကနဳၤအခဳးအစဲ, တဲၤမှဲး လၤတအီၣ်နီးခၣ်လဲာ် ဝၤဆဲးကိနံၤဇၤခီအလ့ၤ.

16မဲၤကနဳၤအခဳးအစဲ, တဲၤမဲၤဖၱထာ် တဲၤအၣ်မါခး အံာ်မၱာ်တဲၤဘူၣ်, စာ်ဘိထဲၢ် အကမၱာ်ပီၢ်တဲၤအံာ်လၤနှးနှါထဲၢ် စီၤအၤဘြၤဟၣ်အခွံအသလဲကနံၤဘဲာ်ဇၤပီၢ်နဳၤ, တဘဲာ်ထဲၢ် ပၠၤအအီၣ်အံာ်တဲၤမှဲးလၤတစီာ်လီၤနီး, မၱာ်လဳပၠၤအနံၤဘဲာ်တဲၤ ဘူၣ်အစာ်ဘိစီၤအၤဘြၤဟၣ် တစီာ်နံၤခံပာ်ပာ်. မၤနဲၢ်စီၤ အၤဘြၤဟၣ်မၱာ် ဝၤလဳစါစဲးအပာ်ဒဳသဳးကၱာ်သးတပွဲၤနဳၤ. 17ဒဳစဲာ်စါထံအပူၤ, “ယနှးကဲာ်ထာ်ကဲၤနဲၤပၠၤခွံအီၣ်အဲး အီး အီးအပာ်,” တဲၤဝှ့းလၤအီၣ်ဓဳၤ. ဒဳကဘၱာ်စဲာ်အလှီမီၢ်နဳၤစီၤအၤ ဘြၤဟၣ်မၱာ်ဝၤပာ်, စဲာ်ထဲၢ်ကဘၱာ်စဲာ်အံာ်လၤနံၤကဲၤတဲၤဘူၣ် တပွဲၤနဳၤ. စမၱာ်အဘူၣ်ကဘၱာ်စဲာ်ထဲၢ် အဘးဝဲၢ်ထဳးက့ၤ အသံ တစီာ် ဒဳတဲၤအီၣ်အသမိ အပူၤ, ကၱာ်အမဲၤဖၱထာ်ကဲာ်တဲၤ အတအီၣ်နှၱနီးတပွဲၤနဳၤ. 18ဘ့တဲၤဆးရှံအံာ်အလ့ၤ တအီၣ်နီးနဳၤ, စီၤအၤဘြၤဟၣ်မၱာ်ပၠၤအဘူၣ်ကၱာ်ဆးရှံအံာ် ကဘၱာ် စဲာ်အခဳးအစဲ, စဖၱထာ်ဘဲာ် ပၠၤခွံအီးအဲးအီးအီးအပာ်, အစာ်ဘိ တဲၤဝှ့းလၤအီၣ်ကဲၤနဳၤ, “နခွံနသလဲကလၤရူၢ်လၤဇဲၤပြဲၤ အီၣ် အဲးအီးအီးကီ အစာ်ဘိ ဆဲၣ်အအီၣ်ဒဳမီၢ်ခဳးလဲၢ်နဳၤ.” 19စသးပွ့ၤကဲၤပွ့အဒ့ာ်တကယဲၤ ကဲၤ, ကၱာ်စန့ၤဘၱစဲာ်မၱာ် အစာ်ဘိအသံကဲၤနဳၤ, ကၱာ်နီၣ်စၤရါမၱာ်မၱာ် အဖဳးတအီၣ်ကဲာ်ထာ်ပ့ၤနီးနဳၤ, တဲၤကမဳၤအယဳၤတမဲၤရှံးလၤ ဇ့ၤလၤ စတဲၤဘူၣ်နီး. 20စတဲၤဘူၣ်တကျ့ၤကျၢ်နီး, ကၱာ်စတထဲးနံၤဝံ နံၤဝၤဒဳကဘၱာ်စဲာ်အတဲၤအၣ်မါခးအံာ်စဲာ်နဳၤနီး, မၱာ်စဖၱးနံၤတဲၤခဳးတဲၤအါ ဒဳကဘၱာ်စဲာ်အီၣ်, ဒီၣ်လှူၣ်ဒီတါကဘၱာ်စဲာ်လီၤ. 21စဘူၣ်သ့ပွ့ၤ သၱာ်လၱဒဳကဘၱာ်စဲာ်ကမဲၤပ့ထာ်ဇီၤထာ် အတဲၤအၣ်မါခးအံာ်စဲာ်နဳၤ. 22အယဳၤမၱာ်တဲၤဘူၣ်ထဲၢ် အမဲၤဝၱၤမဲၤစါထံကဲၤစဲာ်တမဳၤနဳၤ. 23တဲၤယၱၢ်ဘဲာ်, “ကဘၱာ်စဲာ် မဲၤဝၱၤမဲၤစါထံကဲၤစဲာ်” နဳၤ, စဲာ်စါထံ တသးအဲး ဒီၣ်ထ့စဲာ်တပွဲၤလီၤနီး. 24မၱာ်အဒီၣ်ဝၤနံၤခံပာ်ပာ်. မၤနဲၢ်ဒဳၣ်, ဒဳဝၤပူၤစဲာ်ထဲၢ်အဘးဝဲၢ်ထဳးက့ၤဘၱာ်စဲာ်ယ့ၣ်ရှူးဒဳ တဲၤသံကျဲတပွဲၤနဳၤအခဳးအစဲလီၤ. 25ဒဳဝၤတဲၤခီၣ်ဝဲၤတစီာ်အခဳးအစဲ, စဘဲာ်အံာ်လၤကဲ ဒဳတဲၤသံ, ကၱာ်စဘဲာ်ဘးဝဲၢ်ထဳးသမိထာ်က့ၤစာ်ဘိထဲၢ် စကမဲၤဝၱၤမဲၤစါထံက့ၤဝၤအနံၤခံနဳၤ.

Currently Selected:

ရိမ့ၤ 4: GBA

Highlight

Copy