Popular Bible Verses from ရိမ့ၤ 4

Share

စ​တဲၤ​ဘူၣ်​တ​ကျ့ၤ​ကျၢ်​နီး, ကၱာ်​စ​တ​ထဲး​နံၤ​ဝံ နံၤ​ဝၤ​ဒဳ​က​ဘၱာ်​စဲာ်​အ​တဲၤ​အၣ်​မါ​ခး​အံာ်​စဲာ်​နဳၤ​နီး, မၱာ်​စ​ဖၱး​နံၤ​တဲၤ​ခဳး​တဲၤ​အါ ဒဳ​က​ဘၱာ်​စဲာ်​အီၣ်, ဒီၣ်​လှူၣ်​ဒီ​တါ​က​ဘၱာ်​စဲာ်​လီၤ. စ​ဘူၣ်​သ့​ပွ့ၤ သၱာ်​လၱ​ဒဳ​က​ဘၱာ်​စဲာ်​က​မဲၤ​ပ့​ထာ်​ဇီၤ​ထာ် အ​တဲၤ​အၣ်​မါ​ခး​အံာ်​စဲာ်​နဳၤ.

ဒဳ​စဲာ်​စါ​ထံ​အ​ပူၤ, “​ယ​နှး​ကဲာ်​ထာ်​ကဲၤ​နဲၤ​ပၠၤ​ခွံ​အီၣ်​အဲး အီး အီး​အ​ပာ်,” တဲၤ​ဝှ့း​လၤ​အီၣ်​ဓဳၤ. ဒဳ​က​ဘၱာ်​စဲာ်​အ​လှီ​မီၢ်​နဳၤ​စီၤ​အၤ ဘြၤ​ဟၣ်​မၱာ်​ဝၤ​ပာ်, စဲာ်​ထဲၢ်​က​ဘၱာ်​စဲာ်​အံာ်​လၤ​နံၤ​ကဲၤ​တဲၤ​ဘူၣ် တ​ပွဲၤ​နဳၤ. စ​မၱာ်​အ​ဘူၣ်​က​ဘၱာ်​စဲာ်​ထဲၢ် အ​ဘး​ဝဲၢ်​ထဳး​က့ၤ အ​သံ တ​စီာ် ဒဳ​တဲၤ​အီၣ်​အ​သ​မိ အ​ပူၤ, ကၱာ်​အ​မဲၤ​ဖၱ​ထာ်​ကဲာ်​တဲၤ အ​တ​အီၣ်​နှၱ​နီး​တ​ပွဲၤ​နဳၤ.

ဒဳ​ဝၤ​တဲၤ​ခီၣ်​ဝဲၤ​တ​စီာ်​အ​ခဳး​အ​စဲ, စ​ဘဲာ်​အံာ်​လၤ​ကဲ ဒဳ​တဲၤ​သံ, ကၱာ်​စ​ဘဲာ်​ဘး​ဝဲၢ်​ထဳး​သ​မိ​ထာ်​က့ၤ​စာ်​ဘိ​ထဲၢ် စ​က​မဲၤ​ဝၱၤ​မဲၤ​စါ​ထံ​က့ၤ​ဝၤ​အ​နံၤ​ခံ​နဳၤ.

ဘ့​တဲၤ​ဆး​ရှံ​အံာ်​အ​လ့ၤ တ​အီၣ်​နီး​နဳၤ, စီၤ​အၤ​ဘြၤ​ဟၣ်​မၱာ်​ပၠၤ​အ​ဘူၣ်​ကၱာ်​ဆး​ရှံ​အံာ် က​ဘၱာ် စဲာ်​အ​ခဳး​အ​စဲ, စ​ဖၱ​ထာ်​ဘဲာ် ပၠၤ​ခွံ​အီး​အဲး​အီး​အီး​အ​ပာ်, အ​စာ်​ဘိ တဲၤ​ဝှ့း​လၤ​အီၣ်​ကဲၤ​နဳၤ, “​န​ခွံ​န​သ​လဲ​က​လၤ​ရူၢ်​လၤ​ဇဲၤ​ပြဲၤ အီၣ် အဲး​အီး​အီး​ကီ အ​စာ်​ဘိ ဆဲၣ်​အ​အီၣ်​ဒဳ​မီၢ်​ခဳး​လဲၢ်​နဳၤ.”

မဲၤ​က​နဳၤ​အ​ခဳး​အ​စဲ, တဲၤ​မဲၤ​ဖၱ​ထာ် တဲၤ​အၣ်​မါ​ခး အံာ်​မၱာ်​တဲၤ​ဘူၣ်, စာ်​ဘိ​ထဲၢ် အ​က​မၱာ်​ပီၢ်​တဲၤ​အံာ်​လၤ​နှး​နှါ​ထဲၢ် စီၤ​အၤ​ဘြၤ​ဟၣ်​အ​ခွံ​အ​သ​လဲ​က​နံၤ​ဘဲာ်​ဇၤ​ပီၢ်​နဳၤ, တ​ဘဲာ်​ထဲၢ် ပၠၤ​အ​အီၣ်​အံာ်​တဲၤ​မှဲး​လၤ​တ​စီာ်​လီၤ​နီး, မၱာ်​လဳ​ပၠၤ​အ​နံၤ​ဘဲာ်​တဲၤ ဘူၣ်​အ​စာ်​ဘိ​စီၤ​အၤ​ဘြၤ​ဟၣ် တ​စီာ်​နံၤ​ခံ​ပာ်​ပာ်. မၤ​နဲၢ်​စီၤ အၤ​ဘြၤ​ဟၣ်​မၱာ် ဝၤ​လဳ​စါ​စဲး​အ​ပာ်​ဒဳ​သဳး​ကၱာ်​သး​တ​ပွဲၤ​နဳၤ.

“​အ​ဘဲာ်​ဟိး​ဝၱၤ​မၱာ်​ပၠၤ​ထဲၢ်​အ​တဲၤ​က​မဲာ်​ဘဲာ်​ဘါ​ပျဲး, အ​တဲၤ​ခီၣ်​ဝဲၤ​ဘဲာ်​ဘး​လှိ​တ​စီာ်​နဳၤ. အ​ဘဲာ်​ဟိး​ဝၱၤ​မၱာ် ပၠၤ​ထဲၢ်​က​ဘၱာ်​စဲာ်​က​မဳၤ အ​တဲၤ​က​မဲာ် တ​အီၣ်​နီး​တ​ပွဲၤ​နဳၤ.”

မၤ​နဲၢ်, စဲာ်​စါ​ထံ​ဒီၣ်, “​စီၤ​အၤ​ဘြၤ​ဟၣ် နဳၤ စ​ဘူၣ်​က​ဘၱာ်​စဲာ်, ဒဳ​စ​တဲၤ​ဘူၣ်​အ​ခဳး​အ​စဲ က​ဘၱာ်​စဲာ်​ပဲၢ်​ကဲၤ​စဲာ် အ​စာ်​ဘိ ပၠၤ​အ​တၱၢ်​အ​မှး​တ​ပွဲၤ​လီၤ,” အ​ဒီၣ်​ဓဳၤ.