ဧဇရ 3
3
ဝုဲင်ႏကိုꩻကွယ်ႏစချာယင်းတလဲင်ႏ
1ထွိုင်ႏလꩻနွတ်ꩻလာနဝ်ꩻ ဣသရေး လိုꩻမျိုꩻဖုံႏ ကားကအဝ်ႏ သဲင်ꩻအုံချာယင်း ဝွေꩻသီး အဝေင်ꩻဖုံႏကို နဝ်ꩻသွူ။ နဝ်ꩻထွူ ဝွေꩻသီး ကားကအဝ်ႏနဝ်ꩻ စုဗူႏလို့ဝင်ꩻ ဝေင်ꩻယေရုသလမ်ႏကိုတဲင်၊ 2#ထလ ၂၇:၁။ ယောဇဒဲက်ပိုခို ယောသျုစွဉ်ႏ ဝွေꩻသွꩻ ယဇ်ပရောဟိတ်ဖုံႏတွမ်ႏ သျာလတေလပိုခို ဇေရုဗဗေလ ပါစွဉ်ႏ ဝွေꩻသီးဖူးဝေးဖုံႏနဝ်ꩻ နုဲင်းဗွေႏဘုရာꩻအလိုꩻ မောသျေ ပညတ်ကျမ်ꩻကို ကတဲမ်းထွန်ႏသေꩻခါꩻ အတွိုင်ꩻ၊ ဖေႏနေးဝွေꩻသီး ကလဲ့ꩻနွောင်ꩻ ယဇ်ထာꩻပူႏဇောႏနဝ်ꩻ တယ်ႏဖျင်ယင်း ဣသရေး ဗွေႏဘုရာꩻ ယဇ်ပလ္လင်ႏနဝ်ꩻသွူ။ 3#ကွ ၂၈:၁–၈။ ကခံႏဗာႏဒါႏ ဝါးထန်ႏထိုꩻ ခမ်းထီ၊ ကသဲင်ꩻလွဉ်ချာသားဖုံႏနဝ်ꩻ အဝ်ႏငမ်းဗာႏ လိုꩻကအဝ်ႏအုံသော့ꩻဒါႏ ခမ်းထီကိုသားဖုံႏ စွဉ်ႏတဲ့ ဝွေꩻသီး တယ်ႏဟဝ်ချာယင်း ယဇ်ပလ္လင်ႏ အခင်ႏလမ်းလီꩻကို နဝ်ꩻသွူ။ နဝ်ꩻထွူ ဝွေꩻသီး ကအဝ်ႏပူႏဇောႏ သေႏသေႏဒါႏ ထာꩻပူႏဇောႏ မွူးရဝ်ꩻခိုႏစွဉ်ႏ မွူးဟာခိုႏနဝ်ꩻ ပူႏဇောႏစဖျင်ယင်း တလဲင်ႏနဝ်ꩻသွူ။ 4#ကွ ၂၉:၁၂–၃၈။ ဝွေꩻသီး မာꩻပွယ်ꩻ အုံသုမ်းသေင်ႏလာႏနဝ်ꩻ မာꩻမဲဉ်ႏလွဉ်ꩻစွဉ်ႏ ပွယ်ꩻစဉ်ႏ နုဲင်းကအဝ်ႏမာꩻ သေႏသေႏဒါႏနဝ်ꩻသွူ၊၊ အနီꩻနဝ်ꩻတာႏ ကအဝ်ႏလိုꩻပူႏဇောႏဒါႏ ထာꩻပူႏဇောႏဖုံႏနဝ်ꩻ စွုမ်ႏနီꩻ ဝွေꩻသီးပူႏဇောႏဖေႏ၊ 5#ကွ ၂၈:၁၁—၂၉:၃၉။ နဝ်ꩻလွုမ်ꩻတကာႏတဝ်း ကအဝ်ႏပူႏဇောႏ သေႏသေႏဒါႏ လဲ့ꩻပူႏဇောႏ တဗာႏလွုမ်း ယဇ်ထာꩻပူႏဇောႏဖုံႏ၊ လိုꩻဖုံႏကလွဉ်ပူႏဇောႏဒါႏ ပွယ်ꩻလာဆန်ꩻ ထာꩻပူႏဇောႏဖုံႏ၊ ကလွဉ်စုဗူႏ ဝုဲင်ႏကိုꩻကွယ်ႏဒါႏ ထာဝရဘုရာꩻပွယ်ꩻစဉ်ႏ အလင်ဖုံႏတွမ်ႏ စွဉ်ႏစေႏတနာႏသꩻ ကဖေႏလူႏဒါႏ ထာဝရဘုရာꩻ ထာꩻလူႏပူႏဇောႏဖုံႏနဝ်ꩻ ဝွေꩻသီး ပူႏဇောႏဖေႏပါက နဝ်ꩻသွူ။ 6လိုꩻဖုံႏနဝ်ꩻ တလꩻတယ်ႏစချာ ဗာႏတဝ်းဒွိုန်း ဗိမာန်ႏတောႏကျောင်ꩻ စွဉ်ႏတဲ့ နွတ်ꩻလာကို ပထမနီꩻနဝ်ꩻ ပူႏဇောႏစဖေႏယင်း ထာဝရဘုရာꩻ လဲ့ꩻမေႏယဇ် ထာꩻပူႏဇောႏဖုံႏနဝ်ꩻသွူ။
တယ်ႏစချာယင်းဗိမာန်ႏတောႏကျောင်ꩻ
7ရွဉ်နဝ်ꩻ လိုꩻဖုံႏဖေႏစွဉ်ႏ ပန်းယန်ဆရာႏဖုံႏ၊ လက်သမာꩻဖုံႏတဲင် ကအီႏလုဲင်ႏအီ လေဗနွန် သေင်ႏသီဒါတာႏ ဖေႏကအွဉ်ႏခြွဉ်ႏ ပသာလင်ꩻဖေႏ ပင်ႏလယ်ႏဖဲ့ꩻ ဝေင်ꩻယုပ္ပေနဝ်ꩻ လိုꩻဖုံႏဖေႏ အအံႏအအွꩻစွဉ်ႏ သံလွေင်နမ်းမန် တုရုဝေင်ꩻသားစွဉ်ႏ သိဒုန် ဝေင်ꩻသားထျꩻ နဝ်ꩻသွူ။ ယိုဖုံႏ ကားကအဝ်ႏနဝ်ꩻ မာꩻအီတွမ်ႏ ပါးသျား ဧကရာဇ်ခွန်တန်ကုရု ဖေႏအခွင်ꩻ 8နဝ်ꩻမꩻ ဝွေꩻသီး သဲင်ꩻလွဉ်ချာယင်း ဗိမာန်ႏတောႏကျောင်ꩻ ကအဝ်ႏသော့ꩻဒါႏ ဝေင်ꩻယေရုသလမ်ႏ နဝ်ꩻတွော့ꩻ၊ အနေင်ႏနဝ်ꩻထွူ ဒုတိယနေင်ႏ၊ ဒုတိယလာကိုနဝ်ꩻ ဝွေꩻသီးစယင်း ထာꩻမာꩻဖုံႏ နဝ်ꩻသွူ။ ဇေရုဗဗေလ၊ ယောသျုတွမ်ႏ ကအဝ်ႏကုဲင်ဒါႏ ဝွေꩻသီးလိုꩻမျိုꩻဖုံႏ၊ ယဇ်ပရောဟိတ်ဖုံႏ၊ လေဝိစွိုးခွိုꩻဖုံႏစွဉ်ႏ လိုꩻကခံႏဗာႏဒါႏ ဝါးထန်ႏထိုꩻ ခမ်းထီသား၊ ကသဲင်ꩻလွဉ်ချာ ဝေင်ꩻယေရုသလမ်ႏကိုဖုံႏ၊ ပေါင်ꩻငီꩻလို့စွဉ်ႏဝင်ꩻ ထာꩻမာꩻကိုနဝ်ꩻသွူ။ လေဝိစွိုးခွိုꩻ သက်လꩻနီဆီတွမ်ႏ နီဆီမာꩻကီသားဖုံႏနဝ်ꩻ အွဉ်ႏထိန်ꩻထွား ကတယ်ႏဟဝ်ချာဒါႏ ဗိမာန်ႏတောႏကျောင်ꩻ ထာꩻမာꩻသားဖုံႏနဝ်ꩻသွူ။ 9လေဝိခွိုꩻ ယောသျုစွဉ်ႏ ဝွေꩻပိုခိုဖုံႏ၊ အဖူးဝေး စွိုꩻခွိုꩻဖုံႏတွမ်ႏ ကာဒမေလစွဉ်ႏ ဝွေꩻပိုခိုဖုံႏ (ဟောဒဝိခွိုꩻနွယ်ႏဖုံႏနဝ်ꩻ) ထူႏငီꩻလို့ဝင်ꩻ တာႏဝွန်ႏ ထိန်ꩻထွား တယ်ႏဟဝ်ချာ ဗိမာန်ႏတောႏကျောင်ꩻ နဝ်ꩻသွူ။ (ဝွေꩻသီးနဝ်ꩻ ဟေနဒဒ်ခွိုꩻနွယ်ႏဖုံႏ၊ လေဝိစွိုးခွိုꩻဖုံႏ၊ အဝ်ႏစွဲကိုနဝ်ꩻသွူ။)
10 # ၁ရာႏချုပ် ၂၅:၁။ ကောကတယ်ႏသားဖုံႏ ထွိုင်ႏချစ ဗိမာန်ႏတောႏကျောင်ꩻ အရွီးခင်ႏဖါချိန်ႏ၊ ယဇ်ပရောဟိတ်ဖုံႏနဝ်ꩻ ကွဉ်ကꩻစွဉ်ႏ ဝွေꩻသီး အဆဲင်ꩻယွုံးဆွာꩻဖုံႏ၊ စူကိုနဝ်ꩻ ခွုမ်ခါꩻ ဝွေꩻသီး နဲꩻခယာဖုံႏတွော့ꩻ ထူႏအခင်ႏလမ်းဖုံႏတဲင် အာသပ်ခွိုꩻနွယ်ႏဖုံႏ၊ လေဝိစွိုးခွိုꩻဖုံႏနဝ်ꩻ တွမ်ႏဝွေꩻသီးအဆုဲင်ႏ အုံထွိုင်ႏစွဉ်ႏ နဝ်ꩻကိုသွူ။ တယ်ႏခွန်တန်ဒါဝိဒ်စိုးကာႏ ကထွန်ႏသေꩻခါꩻဒါႏ အတွိုင်ꩻ ဝွေꩻသီးနဝ်ꩻ အုပ်ꩻထင်ႏစွဉ်ႏ ထာဝရဘုရာꩻနဝ်ꩻသွူ။ 11#၁ရာႏချုပ် ၁၆:၃၄၊ ၂ရာႏချုပ် ၅:၁၃၊ ၇:၃၊ သာ ၁၀ဝ:၅၊ ၁၀၆:၁၊ ၁၀၇:၁၊ ၁၁၈:၁၊ ၁၃၆:၁၊ ယေ ၃၃:၁၁။ ဝွေꩻသီးအုပ်ꩻထင်ႏ ထာဝရဘုရာꩻ၊ ကရွစ်သွို ပြန်ႏချာႏဒါႏ ငဝ်းသချင်ꩻနဝ်ꩻ၊
“ထာဝရဘုရာꩻနဝ်ꩻ ဟဝ်မျတ်ငါႏတဲင်၊ ဣသရေး လိုꩻမျိုꩻဖုံႏလောင်း ဝွေꩻဗွေႏ ကအွဉ်ႏဒါႏ မေတ္တာႏနဝ်ꩻ ထာဝရ အဝ်ႏတီႏသေႏသေႏ” နုဲင်းနဝ်ꩻသွူ။
ကချꩻဒါႏ ဗိမာန်ႏတောႏကျောင်ꩻ ခင်ႏဖါထာꩻမာꩻနဝ်ꩻ ကွပ်ပွိုး စလဲဉ်းသွူ နဝ်ꩻမꩻ လိုꩻစွုမ်ႏဖြာꩻနဝ်ꩻ ခွိုင်းဝွေꩻသီး ကခြောဝ်နွောင်ꩻနဝ်ꩻ ခြောဝ်အုပ်ꩻထင်ႏ လွစွဉ်ႏ ထာဝရဘုရာꩻနဝ်ꩻသွူ။ 12သက်ကတန် ကထီႏထွꩻဒါႏ ဗိမာန်ႏတောႏကျောင်ꩻ အလီꩻသား၊ ယဇ်ပရောဟိတ်ဖုံႏ၊ လေဝိစွိုးခွိုꩻဖုံႏတွမ်ႏ ခွိုꩻနွယ်ႏ ခေါင်းဆောင် လိုꩻတန်ဖုံႏ အာငါႏနဝ်ꩻမꩻ ဝွေꩻသီး ကအဝ်ႏပွေါးထွားဒါႏ ချꩻဗိမာန်ႏတောႏကျောင်ꩻယို အရွီးခင်ႏဖါနဝ်ꩻ ဝွေꩻသီး ငွိုးခြောဝ်ရောင် လွစွဥ်ႏထာꩻဖုံႏသွူ။ ကွဲႏတွော့ꩻ လိုꩻလင်ကအဝ်ႏ နဝ်ꩻကိုသားဖုံႏနဝ်ꩻ စွဉ်ႏထာꩻပျောႏ ခြောဝ်သန် မွေးနေးစွဉ်ႏဖုံႏနဝ်ꩻသွူ။ 13စွဉ်ႏထာꩻပျောႏတွော့ꩻ ခြောဝ်နဲ့၊ မဉ်ႏတမွေးတဝ်း အဝ်ႏငွိုးထာꩻနဲ့နဝ်ꩻ ပါꩻမုဲင်ꩻတဖြာꩻတဲ့ တပဲင်ႏချာꩻနွောင်ꩻတဝ်း၊ ဝွေꩻသီး ကခြဝ်ငဝ်းနဝ်ꩻ ကွပ်ပွိုး သန်ငါႏလွဉ်ꩻနဝ်ꩻမꩻ အဝ်ႏညာꩻမဲင်ႏစွဉ်ႏတဲ့ အဝ်ႏဟွိုန်နွောင်ꩻဒျာႏသွူ။
Currently Selected:
ဧဇရ 3: PBCL
Highlight
Copy
Compare
Share
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
