نامَه رومی کلیسا را 13

اِطاعت کَردِه صاحِب منصبون کا

1هَر کسی بَسی صاحب منصبون کا فرمان بِبَرِه، چوم هیچ صاحِب منصبی نییَه که خِدا طرفی نَه مَبو. صاحِب منصبونی که اِستینه، خِدا طرفی کا مُعین بَیینه. 2بَس هر کسی که صاحب منصبون ضِد پِرِزِه، اَ چیی ضِد پِرِزِه که خِدا مُعین کَردَشَه، و کسونی که اِنتَه بَکَردین، داوری بَبین. 3چوم کسونی که دُرست رفتار بَکَردین حاکمون کا تَرسی نیشونه، امّا خَلافکارِن اَوون کا بَتَرسین. پیستِرَه صاحِب منصبون کا مَتَرسی؟ بَس، اَ چیی که دُرستَه، اَنجام بِدَه که تِه تحسین بَکَردی. 4چوم که اَ اِشتِه خِیری را خِدا خِدمتکارَه. امّا اَگم کار خلاف اَنجام بَدای، بِترس، چوم شَمشیری اِشتَن کَمَری کا دَدار دَوَسته نیشَه. اَ خِدا خِدمتکارَه و کسی یَه که خِدا واسی اِنتقام ویگِرِه و خِدا غَضبی، خلافکاری سَر بواَردی. 5بَس آدَم بَسی نِه فقط خِدا غَضبی واسی، بَلکَم وِجدانی واسی نی فَرمانبُردار بِبو.

6اِمی واسی نی شِمَه مالیات آدییَه، چوم صاحِب منصبِن خِدا خِدمتکارِنی نَه و اِم چیون کا مواظبت بَکَردین. 7هَر کسی حقی آدییَه بَیی: اَگم خَراجَه، خَراج آدییَه، اَگم مالیاتَه، مالیات آدییَه، اَگم اِحترامَه، اِحترام بِنییَه؛ و اَگم حُرمَتَه، حُرمت بِنییَه.

شریعتی اَنجام دوعه، مُحبتی واسطه نه

8هیچکسی گَردنی کا هیچ دِینی مَدارَه، اِمی غِیراز که دائِم یَندی محبت بِکَرَه. چوم که هَر کسی ایی نفری محبت بِکَرِه، شریعتی بِه جا وَردَشه. 9چوم که اِم حُکمِن ’زِنا مَکَه‘، ’قَتل مَکَه‘، ’دِزدی مَکَه‘، ’طَمع مَکَه‘، و هَر حُکم دییَری که بِبو، گِردِ اِم حُکمی کا خلاصه بَبی که «اِشتِه خَمسوعه نَه اِشتِه جانی شیوار خِش بِبَش.» 10محبت، اِشتَن خَمسوعه نَه بَدی نِکَرِه؛ بَس محبت، شریعتی تمام و کمال اَنجام بَدای.

11چِمون غیراز شِمَه بَزنیرون که چِه زمانی کا زندگی بَکَردیرون، حِسَه اَ وختی یَه که خاوی کا پِرِزَه. چیرا که حِسَه اَ زمانی مقایسه نَه که ایمان وَردِمونه، چَمَه نجات نِزدیکتَر آبَه. 12شَو کارا تمون آبو و روز نِزدیکَه. پس بایَه تاریکی بَدَه کارون بِنییَم کَنار و نوری زِرِه دَکَرم. 13بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا. 14بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

Currently Selected:

نامَه رومی کلیسا را 13: ITB

Highlight

Copy