اوّل 5
5
بی‌عفتی کلیسا نِجِس بَکَردی
1راستی، خَوَر آرَستَه که شِمَه دیلَه کا بی‌عفتی اِستَه، اَ نی جوری که حتی بُت‌پرستون دیلَه کا نی دَب نییَه. چوم که دَرَسَمَه ایلَه مِردی اِشتَن پَی ژِنی نَه رابطه هِستِشَه. 2و شِمَه حَلا پوز بَدایرون! مَگم نَبی ماتَم بِگِرَه؟ کسی که اِنتَه کَردَشه شِمَه دیلَه کا بَرکَرَه بِرون. 3چوم هَر چَن از جِسمی نَه اوآ کا نیمَه، امّا روح کا شَمَه نَه ایمَه؛ و حِسَه، ایی نفری شیوار که اوآکایَه، پیشتری چِمِن قِضاوتی کسی درباره که اِم کاری کَردَشه اِعلام کَردَمَه. 4وختی شِمَه، خِداوند عیسی نومی کا یَندی نَه جمع آبییَه و از روح کا شِمَه دیلَه کا ایمَه، خِداوند عیسی قدرتی نَه. 5شِمَه بَسی اِم مِردی دَسپارَه شیطانی دَس تا چَیی جِسمی کِشتِه نَه، چَیی روح، خِداوندْ عیسی روزی کا نجات پیدا بِکَرِه.
6شِمَه اِفتخار کَردِه اَصلا درست نییَه. مَگم نیمَزنه که روکَته ای خَمیرَه مایَه بَشای خمیری گِردی وَر بواَرِه؟ 7اِشتَن کَنه خمیرَه مایَه کا پاک آکَرَه تا، تازه خمیر بِبییَه، چوم که راس راسی نی بیدون خمیرمایَه ایرونه. چوم مسیح، چَمَه پِسَخَ عِیدی وَرَه، قِربونی بَه. 8بَس بایَه عِیدی جَشن بِگِرَم، نِه کَنه خمیرمایَه نَه، یعنی بَدخواهی و شِرارتی خمیرمایَه نَه، بَلکَم بیدون خمیرمایَه نونی نَه، که راستی و حقیقتَه.
9چِمِن قَبلیَه نامۀ دیلَه کا شِمَه را نیویشتِمه که بی‌عِفتون نَه رفت و آمَد مَکَرَه. 10چِمِن منظور اِم نِبَه که هیچ اِم دنیا بی‌عِفتون نَه یا طمع کارون نَه یا کلاهبردارون و بُت‌پرستون نَه رفت و آمَد مَکَرَه، چوم اَته بَسی تارِکِه دنیا بِبییَه. 11امّا حِسَه شِمَه را بَنیوشتیم که، کسی نَه که اِشتَن بِرا بَواتی، امّا بی‌عِفت، یا طَمع کار، بُت‌پرست، گَ خَراو، عَرق هَر و یا کلاهبردارَه، رفت و آمَد مَکَرَه و اِنتَه رَه کسی نَه حتی ایلَه سِفرَه سَر مَنِشَه. 12چوم از چِه کار دارِم که بِرونی مَردمی درباره داوری بِکَرِم. مَگم داوری کَردِه کَسونی درباره که کلیسا دیلَه کا ایینه، شِمَه وظیفه نییَه؟ 13خِدا اِشتَن، اَ مَردمی درباره که بِرونی کا اینه داوری بَکَردی. بَس «اَ شَرورَه آدَمی شِمَه دیلَه کا بَرکَرَه بِرون.»
Currently Selected:
اوّل 5: ITB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
