نامَه رومِه کلیسا را 9
9
خدا انتخاب بیه قوم
1از مسیحک راست واجِم، دوری نواجم، و چِمن وجدان روح القدسه واسطنه چِمن شاهده 2که چِمن دِلِک ایگله پیله دردی دارم و همش زِره خَرم. 3چون که کاشکی از چِمن براران راهک، کسانی که منه هم نژادنده، لعنت بیبیم و مسیحک جدا بیبیم. 4اَوه اسرائیلینده و اُوگه خوردن بیین، شکوه و جلال، عَهدان، شریعت اَوان آدییه بییه، پرستش و وعده هان، اِمه همه چَوان کیننده؛ 5و اجداده نی چَوان کیننده، و مسیح نی از لحاظ جسم چَوان نَسلکه، خدایی که همانک کفاتره، اَوه تا ابد شکر بیبی. آمین.
6ولی منظور اِم نییه که خدا کلام انجام نیبییه، چون همهی کسانی که خدا قوم کیننده، راس راسینه اسرائیلی نینده؛ 7و همهی کسانی که ابراهیم پیغمبره نسلک اِسند، چَوه خوردن حساب نیبینده. بلکم توراتک نیویشته بییه که: «اِشته نسل اسحاقک به حساب آیه.» 8یعنی، خُوردنه ای که طبق جسم دنیا آمیینده خدا خُوردن نینده، بلکم ابراهیمه نسله وعده خُوردنه حساب بینده. 9چون اَ چیی که اَ وعده واتشه اِم بِه که «آینده ساله را هِم وقتک آیِم و سارا ایگله زایی صاحاب بیه.»
10نه فقط اِم، بلکم رِبِکا خُوردنه نی ایی نفرک، یانی چاما جَدک اسحاقک بِنده. 11هر چند پیش از اِم که اَوه دنیا بایِند، و یا چاکَه کار یا بد کاری انجام بِدینده - چِمه واسنه که خدا هدف اِشتن انتخابک پابرجا بمانه، نه کاران واسنه، بلکم چَوه واسطنه که دعوت کره 12ربکا نه واته ببه که «پیله تر، ویلی تره خدمت کَره.» 13اَجوره زه که ملاکی پیغمبره کتابک نویشته بییه: «یعقوب نه خَش بِم، امّا عیسوک بیزار بِم.»
14پس آما چِه باجام؟ باجام خدا بیانصافه؟ هرگز! 15چون که موسی پیغمبرنه واجه:
«رحم کَرِم بر هَر کسی که اَونه رحیم اِسم؛
و دله سوجی کَرِم هَر کسی را که چِمن دل چوه را سوجه.»
16پس، ربطی به آدمه گوسَه یا چَوه تقلا کردن نداره، بلکم خدایی ربط داره که رَحم کره. 17چون توراته کتابِک، خدا فرعوننه واجِه: «از اِم هدفه واسنه ته قدرت آراسانم تا چِمن قدرته تک دیار آکرم، تا چِمن نام تمام دنیاک اعلام بیبی.» 18پس خدا هر کسی بِگَشه رحم کره و هر کسی بِگَشه سنگ دل کَره.
19چاوش مَنه واجی: «پس دَ چیه را آما سرزان کَره؟ چون کیه که بتانه خدا اراده پَرانک بِندره؟» 20امّا ای آدم، ته کییِش که خدا نه دهن به دهن بندری؟ «مگم مخلوق تانه اِشتن خالقِنه باجِه چییه را مَنِر اِنجوره رَچ آکردم؟» 21مگم کوزهگر اختیار نداره که ای گوله زِقه نه، ایگله قابی رچ آکره مهمه کاران را و علوده قابی نی رَچ آکره کارانی را که مهم نینده؟
22چِه بی واتن با اِم که خدا گَشه اِشتن غضبه آمانه و اِشتن قدرته دیار بکره، قابانی که چوان را غضب کردشه و هلاکته را آماده آبیینده پِر صبرنه تحمل کره، 23تا اِشتن پیله شکوه و جلاله، قابانی که رحم کردشه، دیار بکره، قابانی که اَوان پَرانتر، جلاله را حاضرش کرده- 24حتی آما نی که چوه طرفنه دعوت بییمان، دربر گیره نه فقط یهودیانک، بلکم غیر یهودیانک نی ایزه. 25اَجوره که هوشَع پیغمبر واجه:
«اَوانی که چِمن قوم نِبِنده، ”چِمن قوم“ داد کَرم،
و اَ کسی که چِمن عزیز نِبِه، ”چِمن عزیز“ داد کرم.»
26«و اَ یاگایی که اَواننه واته ببِه:
”شاما چِمن قوم نییِران“،
هَ یاگاک ’زنده خدا زاران‘ واته بینده.»
27و اِشعیا پیغمبر خدا قومه درباره واجه که: «حتی اگم خدا قومه تعداد، دریا فیشان قَدر بیبی، فقط کمه تعدادی اَوانک نجات ویننده. 28چون خداوند اِشتن کلامش تمام و کمال و بدون معطلی زمینک انجام دیه.» 29و اَجوره که اِشعیا پیغمبره پیشگویی کردشه:
«اگم قشونان خداوند، چاما را نسلی باقی نیش نبه،
آما نی سُدوم و عَمورَه شهران شوار بِسِمان.»
خدا قومه بی ایمانی
30پس چِه باجام؟ غیریهودیانی که صالحی پَشه نِبنده، اَوشان به دس بوعرده، یانی اَ صالح بییَنی که ایمان نه به دس آیه؛ 31امّا خدا قوم که اَ شریعته پَشه بنده که اَوان صالحی آرسانه، اَوشان به دس ناوَرنده. 32چیه را؟ چون که نه ایماننه، بلکم اعمال نه چَوه پَشه بنده. اَ ’سِگی که لغزش دیه‘ باعث ببه اَوه جیگیننده. 33اَجوره که اَشعیا پیغمبره کتابک نیویشته بییَه:
«دییس، صَهیونک ایگله سِگی نَیِم که لغزشه باعث بیبی،
و صخرهای که جیگیسنه باعث بیبی؛
و هر کسی که اَوه ایمان بوعره،
تور اَنگنه.»
Currently Selected:
نامَه رومِه کلیسا را 9: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company