نامَه رومِه کلیسا را 13
13
اطاعت کردن صاحب منصبانک
1هر کسی گَه صاحب منصبانک فرمان ببره. چون هیچ صاحب منصبی نییِه که خدا طرف نه مَبی. صاحب منصبانی که اِسنده، خدا طرف نه معین بییَنده. 2پس اَ کسی که صاحب منصبین ضِد بِیزه، اَ چیانی ضد هیزه که خدا معین کردشه، و کسانی که ایزه کَرِنده، داوری بینده. 3چون کسانی که درست رفتار کرنده حاکمانک ترسی نِدارنده، امّا خلافکاره اَوانک ترسنده. گَره صاحب منصبانک مترسی؟ پس، اَ چی ای که درست اِسته، انجام بده که تِه تحصین کَره. 4چون که اَ اِشته خیره را خدا خدمتکار اِسه. امّا اگم خلافَ کار انجام بِدَیی، بتَرس، چون شمشیره قاصتینه اِشتن کمرک دوسته نیا. اَو خدا خدمتکاره و کسی اِسه که خدا واسنه انتقام ارگیره و خدا غضبه، خلافکاره سر آوره. 5پس آدم گه نه فقط خدا غضبه واسنه، بلکم وجدانه واسنه نی فرمانبردار بیبی.
6چِمه واسنه نی شاما مالیات آدَیا، چون صاحِب منصبان خدا خدمتکارنده و اِم چییان ویراجین بینده. 7هر کسی حقه آدییا اوه: اگم خراج اِسه، خراج آدَیا؛ اگم مالیات اِسه، مالیات آدیا؛ اگم احترام اِسه، احترام بنیا؛ و اگم حرمت اِسه، حرمت بنیا.
شریعته انجام دیین، محبته واسطنه
8هیچ دِینی هیچ کسی گردن مدارا چِمه غیراز که دائما هندیگره محبت بِکَرا. چون هر کسی ای نفره محبت بکره، شریعتش بجا آورده. 9چون که اِم حکمه «زنا مَکه»، «قتل مَکه»، «دزی مَکه»، «طمع مَکه»، و هر جدا حکمی که بیبی، همه اِم حکمک خلاصه بی که «اِشته قونشو نه اِشته جانه شوار خَش ببش.» 10محبت، اِشتن قونشو نه بدی نکره؛ پس محبت، شریعته تمام و کمال انجام دیه.
11چمان غیراز شاما زانا که چه زمانی کی اِسران. اِسا اَ وقتی آرسه که خُنِک بیزا. چون که اِسا اَ زمانی مقایسه نه که ایمانمان بوعرده، چاما نجات نزدیکتر بییَه. 12شَو اُجَردر و روج نزدیکه. پس بایا تاریکی بده کاران بِنیام کنار و نوره زِرِه دِکرام. 13بایا ایزه درست رفتار بکرام که کسانی شعنکه که روجِه روشنایک زندگی کرنده. نه عیاشی و عرق آخریانک، نه زنا و هرزگیک، نه جنگ و دعوا و پخیلتیک. 14بلکم عیسی مسیحِ خداوَنده شخصیته ایگله خلوعی شوار دکرا و جسم و هوا و هوسه را تدارک موینا تا چوه گوس هان به جا بوعرا.
Currently Selected:
نامَه رومِه کلیسا را 13: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company