انجیل مرقس 2
2
عیسی، ایگله فلجه مردکه شفا دیه
1چند روجه پَش، وختی عیسی هنی بامه شهر کفرناحوم، مردم باخبر ببنده که عیسی کییک اِسه. 2پره گروهی بیدا آبنده، اَجوره که حتی بَره پرانک نی یاگا نبه، و عیسی خدا کلامش اَوان تعلیم دِسه. 3اَدمی، چند نفر راک آرسسنده که ایگله فلجه مردکشان چهار نفری آوردرده عیسی ور. 4امّا وقتی که جماعته پِر بییَنه واسِنه نتانسشانه اَوه عیسی نزدیک بیبینده، عیسی کفاینه سره سقفشانه اَکتا. سقفه آکردنه پَش، اَ فلجه مردکشان هَ تشکی نه که چَوه سَرک خُته به، بخرسانسه جیر. 5عیسی وقتی چوان ایمانش بینده، اَ فَلَجَه مردکنه باتشه: «زا، اِشته گناهان بَخشِسه ببنده.» 6بَعضی از تورات معلمین که اَگارک نشته بنده، اِشتن دِلِکشان واترده: 7«چیه را اِم مردک ایزه لاوَه کردر؟ کفر واتر! خدا غیراض کی تانِه گناهان ببَخشه؟» 8عیسی اَلبحل اِشتن روحک بزانسشه که اَوه اِشتن نه چِه فکری کردرنده و اَوان نه باتشه: «چیه را شاما دلِک ایزنه فکران کردرا؟ 9اِم فلجنه، کامین واتن راحت تره، اِم که ”اِشته گناهِه بَخشِسه ببنده“ یا اِم که ”بِیض و اِشته یاگا اَپرچین و بمج“؟ 10امّا چِمه واسنه که بِزانا انسانه زا گلک قدرت و اقتدار داره که گناهان ببخشِه» - اَ فلجه مردکنش باته: - 11«تنَه واجم، بِیض، اِشته یاگا اَپرچین و بِش کییه.» 12اَ مردک بِهِشت و اَلَبحل اِشتن یاگاش اَپرچی و چوان همان چشمان پرانک اَگارنه بَرشه. ایزه که همه تعجبشان کرده به و خداشان شکر کردرده و واتردشانه: «هرگز ایزنه چی ای ویندمان نِبِه.»
عیسی، لاوی دعوت کرده
13عیسی هنی بشه دریاچه کنار. جماعت همه آمییردنده چَه ور و عیسی اَوانش تعلیم دیرده. 14اَدمی که عیسی واردنه اِوردرده، لاوی، حَلْفای زاش بینده که باج اَرکتنه دکَک نشته بِه. اَوه نه باتشه: «چِمن پَشَدنه بوره.» لاوی بِهشت و عیسی پَشَدنه بشه. 15وختی عیسی، لاوی کییک، چَه سفره سَرک نشته به، خیلی باجگیره و گناهکاره عیسی و چَه شاگردان نه همسفره بِنده، چون خیلی از اَوان، عیسی کشان پیروی کرده. 16وختی تورات معلمین که فَریسی فرقک بنده، بیندشانه که عیسی گناهکاران و باجگیران نه همسفره اِسه، چَوه شاگردان نه باتشانه: «چیه را عیسی باجگیران و گناهکاران نه غذا خردر؟» 17وقتی عیسی اِم لاوش بشنوسه، اَواننه باتشه: «مریض آدمان طبیب گه، نه سالمه آدمه. از آمییه نییم تا صالح آدمان دعوت بکرم، بلکم آمییم تا گناهکار آدمان دعوت بکرم که توبه بکرنده.»
روجه کتنه درباره آپرسن
18وقتی که یحیی شاگرده و فَریسیه روجه بنده، مردم بامنده عیسی ور و باتشانه: «چیه را یحیی شاگرده و فَریسیان شاگرده روجه گیرنده، امّا اِشته شاگرده روجه نیگیرنده؟» 19عیسی جواو بدا: «مگم بی که وِیوَه مِیهمانه تا اَدمی که زَما اَوانه اِسه، روجه بیگیرنده؟ تا اَدمی که زما اَوانیه نتاننده روجه بیگیرنده. 20امّا روجانی آرسنده که زَما اَوانک اَرکته بی. اَدمی اَ روجک اَوه نی روجه گیرنده.
21«هیچکس تازه و اُ دینیشیه پارچه ایگله کویینه خلوع ای کی پینه نزنه، اگم ایزه بکره، پینه خلوک جدا آبی، تازه کوینک جدا آبی و چَوه زرسگی بدتر آبی. 22هیچکس نی تازه شرابه کُوینَه یالاقچه انک دنکَره. اگم ایزه بکره، تازه شراب چون هلا گاز داره یالاقجه هان زارنه و ایزه، هم شراب و هم یالاقجه ان هیچ بَرشینده. بلکم تازه شرابه گه تازه یالاقچه انک دکردَن.»
عیسی، مقدسه شنبه روجه صاحاب اختیاره
23یهودیان ایگله مقدسه شنبه روجک، عیسی گندم جاران دلنه اِوَردَرده و چَوه شاگرده ایزه که زَ شیردنده، گندمه اُوشه شان بیچینده. 24فَریسی فرقه علما عیسی نه باتشانه: «دیس، چیه را اِشته شاگرده کاری کردرنده که مقدسه شنبه روجک جایز نیه؟» 25عیسی جواب بدا: «مگم تا اِسا توراتک خواندران نیه که وقتی داوود پادشا و چَه یاره محتاج و وَشیر بنده، داوود چِش بکه؟ 26اَ چنجوره اَبیّاتار زمانک، که کاهن اعظم به، بشه خدا کییَه دله و مقدسه نانش بخه و اِشتن یارانش نی آدا، اَ نانی که چَوه خَردن فقط کاهنان را جایزه به.» 27عیسی اَواننه باتشه «مقدسه شنبه، انسان را رَچ آبیه، نه انسان، مقدسه شنبه را. 28پس، انسانه زا، حتی مقدسه شنبه روجه نی صاحاب اختیاره.»
Currently Selected:
انجیل مرقس 2: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل مرقس 2
2
عیسی، ایگله فلجه مردکه شفا دیه
1چند روجه پَش، وختی عیسی هنی بامه شهر کفرناحوم، مردم باخبر ببنده که عیسی کییک اِسه. 2پره گروهی بیدا آبنده، اَجوره که حتی بَره پرانک نی یاگا نبه، و عیسی خدا کلامش اَوان تعلیم دِسه. 3اَدمی، چند نفر راک آرسسنده که ایگله فلجه مردکشان چهار نفری آوردرده عیسی ور. 4امّا وقتی که جماعته پِر بییَنه واسِنه نتانسشانه اَوه عیسی نزدیک بیبینده، عیسی کفاینه سره سقفشانه اَکتا. سقفه آکردنه پَش، اَ فلجه مردکشان هَ تشکی نه که چَوه سَرک خُته به، بخرسانسه جیر. 5عیسی وقتی چوان ایمانش بینده، اَ فَلَجَه مردکنه باتشه: «زا، اِشته گناهان بَخشِسه ببنده.» 6بَعضی از تورات معلمین که اَگارک نشته بنده، اِشتن دِلِکشان واترده: 7«چیه را اِم مردک ایزه لاوَه کردر؟ کفر واتر! خدا غیراض کی تانِه گناهان ببَخشه؟» 8عیسی اَلبحل اِشتن روحک بزانسشه که اَوه اِشتن نه چِه فکری کردرنده و اَوان نه باتشه: «چیه را شاما دلِک ایزنه فکران کردرا؟ 9اِم فلجنه، کامین واتن راحت تره، اِم که ”اِشته گناهِه بَخشِسه ببنده“ یا اِم که ”بِیض و اِشته یاگا اَپرچین و بمج“؟ 10امّا چِمه واسنه که بِزانا انسانه زا گلک قدرت و اقتدار داره که گناهان ببخشِه» - اَ فلجه مردکنش باته: - 11«تنَه واجم، بِیض، اِشته یاگا اَپرچین و بِش کییه.» 12اَ مردک بِهِشت و اَلَبحل اِشتن یاگاش اَپرچی و چوان همان چشمان پرانک اَگارنه بَرشه. ایزه که همه تعجبشان کرده به و خداشان شکر کردرده و واتردشانه: «هرگز ایزنه چی ای ویندمان نِبِه.»
عیسی، لاوی دعوت کرده
13عیسی هنی بشه دریاچه کنار. جماعت همه آمییردنده چَه ور و عیسی اَوانش تعلیم دیرده. 14اَدمی که عیسی واردنه اِوردرده، لاوی، حَلْفای زاش بینده که باج اَرکتنه دکَک نشته بِه. اَوه نه باتشه: «چِمن پَشَدنه بوره.» لاوی بِهشت و عیسی پَشَدنه بشه. 15وختی عیسی، لاوی کییک، چَه سفره سَرک نشته به، خیلی باجگیره و گناهکاره عیسی و چَه شاگردان نه همسفره بِنده، چون خیلی از اَوان، عیسی کشان پیروی کرده. 16وختی تورات معلمین که فَریسی فرقک بنده، بیندشانه که عیسی گناهکاران و باجگیران نه همسفره اِسه، چَوه شاگردان نه باتشانه: «چیه را عیسی باجگیران و گناهکاران نه غذا خردر؟» 17وقتی عیسی اِم لاوش بشنوسه، اَواننه باتشه: «مریض آدمان طبیب گه، نه سالمه آدمه. از آمییه نییم تا صالح آدمان دعوت بکرم، بلکم آمییم تا گناهکار آدمان دعوت بکرم که توبه بکرنده.»
روجه کتنه درباره آپرسن
18وقتی که یحیی شاگرده و فَریسیه روجه بنده، مردم بامنده عیسی ور و باتشانه: «چیه را یحیی شاگرده و فَریسیان شاگرده روجه گیرنده، امّا اِشته شاگرده روجه نیگیرنده؟» 19عیسی جواو بدا: «مگم بی که وِیوَه مِیهمانه تا اَدمی که زَما اَوانه اِسه، روجه بیگیرنده؟ تا اَدمی که زما اَوانیه نتاننده روجه بیگیرنده. 20امّا روجانی آرسنده که زَما اَوانک اَرکته بی. اَدمی اَ روجک اَوه نی روجه گیرنده.
21«هیچکس تازه و اُ دینیشیه پارچه ایگله کویینه خلوع ای کی پینه نزنه، اگم ایزه بکره، پینه خلوک جدا آبی، تازه کوینک جدا آبی و چَوه زرسگی بدتر آبی. 22هیچکس نی تازه شرابه کُوینَه یالاقچه انک دنکَره. اگم ایزه بکره، تازه شراب چون هلا گاز داره یالاقجه هان زارنه و ایزه، هم شراب و هم یالاقجه ان هیچ بَرشینده. بلکم تازه شرابه گه تازه یالاقچه انک دکردَن.»
عیسی، مقدسه شنبه روجه صاحاب اختیاره
23یهودیان ایگله مقدسه شنبه روجک، عیسی گندم جاران دلنه اِوَردَرده و چَوه شاگرده ایزه که زَ شیردنده، گندمه اُوشه شان بیچینده. 24فَریسی فرقه علما عیسی نه باتشانه: «دیس، چیه را اِشته شاگرده کاری کردرنده که مقدسه شنبه روجک جایز نیه؟» 25عیسی جواب بدا: «مگم تا اِسا توراتک خواندران نیه که وقتی داوود پادشا و چَه یاره محتاج و وَشیر بنده، داوود چِش بکه؟ 26اَ چنجوره اَبیّاتار زمانک، که کاهن اعظم به، بشه خدا کییَه دله و مقدسه نانش بخه و اِشتن یارانش نی آدا، اَ نانی که چَوه خَردن فقط کاهنان را جایزه به.» 27عیسی اَواننه باتشه «مقدسه شنبه، انسان را رَچ آبیه، نه انسان، مقدسه شنبه را. 28پس، انسانه زا، حتی مقدسه شنبه روجه نی صاحاب اختیاره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company