انجیل مرقس 1
1
یحیی تعمید دهنده، راه حاضیر کرِه
1شاده خبری که، عیسی مسیح، خدا زا، درباره اِسه، ایزه شروع بی.
2اِشعیای پیغمبره کتابک نویشته بییه:
«اِم چِمن قاصده که اِشته پرانتر خرسانم،
که اِشته راه، حاضر آکَره»
3«ای نفر بیابانک جِرنه واتر:
” خداونده راه، آماده بِکرا!
چَوه راهان دوز آکرا.»
4پس، یحیای تعمیددهنده بیابانکش ظهور بکرده، و اعلامش کردرده که مردم اِشتن گناهان بخشِسه بینه را توبه بکرنده و غسل تعمید بیگیرنده. 5یهودیه منطقه همه‌ی مردم و اورشلیمه شهره همه‌ی مردم، شِسِنده یحیی وَر و اِشتن گناهان شان اعتراف کَرده، و اُردن رِواره دِلَک یحیی دَسِنه غسل تعمیدشان اَرَکتِه. 6یحیی خلوع، دَوَع پشمنه به و چرمیه قیاسَه ای اِشتن کمرکش دِوَسته، و چَوه غذا چَکوردک و کوهیه عَسَلک بِه. 7یحیی اعلامش کردرده و واتردشه: «چِمنه پَش، کسی آیه که منک قویتره از حتی لیاقت ندارم شَت آبییم و چَوه پاقابان بنده آکرم. 8از شاما اُونه تعمید دییَمه، امّا اَ شاما خدا مقدس روح نه تعمید دَیه.»
عیسی تعمید
9اَ روجانک، عیسی شهر ناصرنه که جلیله منطقه دلک بِه نه بامه و اُردن رِبارک یحیی دسنش غسل تعمید بکته. 10وختی عیسی اُونه بَرامِه، اَ لحضکش بینده آسمانِه آبنده و خدا روح، کُوتَری شوار بامه جیر و عیسی سَرک قرار بکَتشه. 11و آسماننه صصی بامه که «ته چِمن عزیزه زایش، از تک پِر راضیم.»
عیسی آزمایشانک
12خدا روح البحل عیسیش ببرده بیابان را. 13عیسی چهل روج بیابانک بِه و شیطان اَوش آزمایش کَردرده. عیسی وحشیه حیواناننه وندرسه و فرشتان اَوشان خدمت کَرده.
عیسی اِشتن خِدمَته شروع کره
14یحیی دستگیر بینه پَش عیسی بشه جلیله منطقه را. اَو، خدا شادَه خبرش اعلام کَردرده 15و واتردشه: «چوه وقت آرَسه و خدا پادشایی نزدیک آبیه. توبه بکرا و اِم شادَه خبره ایمان بوعَرا.»
عیسی اولین شاگرده
16وختی عیسی جلیله دریاچه کنارنه اِوَردرده، شَمعون و شمعون برا، آندریاسش بینده که اُوکشان تور درندرده، چون که اَوه صیاد بِنده. 17عیسی اَواننه باتشه: «چِمن پَشَدنه بایا و از شاما آمانم که چنجوره مردمه خدا را صید بکرا.» 18اَوان اَلَبحل اِشتن تورشان ول آدا و عیسی پَشَدنه بشنده. 19وختی عیسی کملی بِشه پرانتر، یعقوب و چَوه برا یوحناش بینده که زبدی زاره بنده. اَوه قایقیک اِشتن تورشان حاضر کردرده. 20عیسی اَلَبحل اَوِانش داد بِکردنده. اَوه نی اِشتن پِه زِبِدی و کارگرشان قایقک ول آکردنده و بشِنده عیسی پَشَدنه.
ایگله مردکی که پلیده روح داشتشه
21اَوه بشنده شهر کَفَرناحوم. وقتی مقدسه شنبه روج آرَسس، عیسی البَحَل بشه یهودیان عبادتگاه و تعلیمش بدا. 22مردم چَوه تعلیم دیینک پر تعجبشان کرده به، چون کسی شوار اَوانش تعلیمش دیرده که قدرت و اقتداره صاحاب به، نه توراته معلمین شوار. 23اَدمی، چوان عبادتگاک مردکی اِسبه که پلیده روحش داشته. اَوه جرنه واترده: 24«ای عیسای ناصری، ته آمانه چِه کار داری؟ آمییِش آما نابود بکری؟ زانسرم ته کییش، ته هَ قدوسی اِسش که خدا طرفنه آمییش!» 25ولی عیسی اَ پلید روح را غِیضِش بکه و باتشه: «صَص مکه و چَه دِلَنه بُو بر!» 26اَ موقع اَ پلید روح، اَ مردکش شِدتنه تکان بدا بلنده صصنه جرش بکه و اَ مردکک بَرامه بر. 27مردم همه ایزه تعجبشان کرده به که هندیگرک آپرسَردشانه: «ام دَ چیه؟ ایگله تازه تعلیم قدرت و اقتدارنه! اَو حتی پلید روحان نی فرمان دییَر و اَوِه اَوک اطاعت کرنده.» 28پس پِر دنکَشس که عیسی شور و شهرت تمان جلیله منتطقک اَپیجس.
عیسی پر کسان شفا دیه
29عیسی تا عبادتگانه بشه بر، یعقوب و یوحنا نه بشِه شمعونه و آندریاسه کییَه. 30شمعونه زن مارِه تب داشته و مریض یاگاک دگِسه بیا. اَوان البحل عیسیشان چَوه حالک باخبر بکرده. 31عیسی بشه چَوه وَر و چَوه دسشه بکتا، اَوشه بیزانسا. اَ زلی تَب قطع آبه و اَوانکش پذیرایی بکه.
32نِمِسیره دم، اُوفتوعه نشتنه پَش، همه‌ی مریضان و دیوزدَه آنشان بوعرده عیسی ور. 33همه‌ی شهره مردم اَ کییه بَره پرانک بیدا آبیه بنده! 34عیسی خیلیان که جور با جوره مریضیشان داشته، شفا بداشه و پر دیوان نی آدمانکش بَرکه، اَ نَشتشه دیوه لاوَه بکرنده، چون اَوان عیسی شان آزانسرده.
عیسی جلیلک تعلیم دییه
35تولیصبی زو که هوا حلا تاریک به، عیسی بِهشت و کیَیه نه برشه بر. اَ، بشه خلوته یاگایی و اَگارکش دعا بکه. 36شَمعون و چَوه همراهه عیسی پَشَه گَرسَردنده. 37وختی عیسی شان بینده، اَونه باتشانه: «همه اِشته پَشه گرسَرنده!» 38عیسی اَواننه باتشه: «بایا بشام اِم دویر و بره شهران تا اَگارک نی تعلیم بدییِم، چون چِمه واسنه آمییِم.» 39پس عیسی را دگس و بشه جلیله منطقه اِم سَر دا اَ سَر را. عیسی چوان عبادتگاهانکش تعلیم دیرده و دیوِش آدمانک برکردردنده.
عیسی، ایگله جذامیه مردکه شفا دییه
40ایگله جذامیه مردکی بامه عیسی وَر، زانوش بیزی و مندتنه باتشه: «اگم ته بگَوره، تانی من شفا بدیی.» 41عیسی دلَه اَ مردکه را بوسوتا و اِشتن دسشه پران بوعردا، اَوش دس آسو و باتشه: «گَمه، شفا بیگی» 42اَلبحل، جذام اَوک بَرشِه و اَ مردکه شفا بکته. 43عیسی اَلَبحل اَ مردکش رایی بکه و اَوش قدغن بکه 44باتشه: «ویراجین بِبَش که کسی نه چی ای مواجی؛ ولی بِشه و اِشتن کاهنه آمان و اَ قربانی که مخصوص شفا اِسه و موسی پیغمبره دستورش دیه، قربانی بِکه، تا اَوان آمانی که شفار کَته.» 45امّا اَ مردک بشه، آزادانه اِم اتفاقه درباره لاوش بکه و چَه خبرش پخش آکه. چِمه واسنه عیسی دَ نتانسشه آشکارینه بیشی شهر، بلکم شهره برک خلوت یاگاهانک وندرسه و مردم همه یاگانه آمسنده عیسی ور.
Currently Selected:
انجیل مرقس 1: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل مرقس 1
1
یحیی تعمید دهنده، راه حاضیر کرِه
1شاده خبری که، عیسی مسیح، خدا زا، درباره اِسه، ایزه شروع بی.
2اِشعیای پیغمبره کتابک نویشته بییه:
«اِم چِمن قاصده که اِشته پرانتر خرسانم،
که اِشته راه، حاضر آکَره»
3«ای نفر بیابانک جِرنه واتر:
” خداونده راه، آماده بِکرا!
چَوه راهان دوز آکرا.»
4پس، یحیای تعمیددهنده بیابانکش ظهور بکرده، و اعلامش کردرده که مردم اِشتن گناهان بخشِسه بینه را توبه بکرنده و غسل تعمید بیگیرنده. 5یهودیه منطقه همه‌ی مردم و اورشلیمه شهره همه‌ی مردم، شِسِنده یحیی وَر و اِشتن گناهان شان اعتراف کَرده، و اُردن رِواره دِلَک یحیی دَسِنه غسل تعمیدشان اَرَکتِه. 6یحیی خلوع، دَوَع پشمنه به و چرمیه قیاسَه ای اِشتن کمرکش دِوَسته، و چَوه غذا چَکوردک و کوهیه عَسَلک بِه. 7یحیی اعلامش کردرده و واتردشه: «چِمنه پَش، کسی آیه که منک قویتره از حتی لیاقت ندارم شَت آبییم و چَوه پاقابان بنده آکرم. 8از شاما اُونه تعمید دییَمه، امّا اَ شاما خدا مقدس روح نه تعمید دَیه.»
عیسی تعمید
9اَ روجانک، عیسی شهر ناصرنه که جلیله منطقه دلک بِه نه بامه و اُردن رِبارک یحیی دسنش غسل تعمید بکته. 10وختی عیسی اُونه بَرامِه، اَ لحضکش بینده آسمانِه آبنده و خدا روح، کُوتَری شوار بامه جیر و عیسی سَرک قرار بکَتشه. 11و آسماننه صصی بامه که «ته چِمن عزیزه زایش، از تک پِر راضیم.»
عیسی آزمایشانک
12خدا روح البحل عیسیش ببرده بیابان را. 13عیسی چهل روج بیابانک بِه و شیطان اَوش آزمایش کَردرده. عیسی وحشیه حیواناننه وندرسه و فرشتان اَوشان خدمت کَرده.
عیسی اِشتن خِدمَته شروع کره
14یحیی دستگیر بینه پَش عیسی بشه جلیله منطقه را. اَو، خدا شادَه خبرش اعلام کَردرده 15و واتردشه: «چوه وقت آرَسه و خدا پادشایی نزدیک آبیه. توبه بکرا و اِم شادَه خبره ایمان بوعَرا.»
عیسی اولین شاگرده
16وختی عیسی جلیله دریاچه کنارنه اِوَردرده، شَمعون و شمعون برا، آندریاسش بینده که اُوکشان تور درندرده، چون که اَوه صیاد بِنده. 17عیسی اَواننه باتشه: «چِمن پَشَدنه بایا و از شاما آمانم که چنجوره مردمه خدا را صید بکرا.» 18اَوان اَلَبحل اِشتن تورشان ول آدا و عیسی پَشَدنه بشنده. 19وختی عیسی کملی بِشه پرانتر، یعقوب و چَوه برا یوحناش بینده که زبدی زاره بنده. اَوه قایقیک اِشتن تورشان حاضر کردرده. 20عیسی اَلَبحل اَوِانش داد بِکردنده. اَوه نی اِشتن پِه زِبِدی و کارگرشان قایقک ول آکردنده و بشِنده عیسی پَشَدنه.
ایگله مردکی که پلیده روح داشتشه
21اَوه بشنده شهر کَفَرناحوم. وقتی مقدسه شنبه روج آرَسس، عیسی البَحَل بشه یهودیان عبادتگاه و تعلیمش بدا. 22مردم چَوه تعلیم دیینک پر تعجبشان کرده به، چون کسی شوار اَوانش تعلیمش دیرده که قدرت و اقتداره صاحاب به، نه توراته معلمین شوار. 23اَدمی، چوان عبادتگاک مردکی اِسبه که پلیده روحش داشته. اَوه جرنه واترده: 24«ای عیسای ناصری، ته آمانه چِه کار داری؟ آمییِش آما نابود بکری؟ زانسرم ته کییش، ته هَ قدوسی اِسش که خدا طرفنه آمییش!» 25ولی عیسی اَ پلید روح را غِیضِش بکه و باتشه: «صَص مکه و چَه دِلَنه بُو بر!» 26اَ موقع اَ پلید روح، اَ مردکش شِدتنه تکان بدا بلنده صصنه جرش بکه و اَ مردکک بَرامه بر. 27مردم همه ایزه تعجبشان کرده به که هندیگرک آپرسَردشانه: «ام دَ چیه؟ ایگله تازه تعلیم قدرت و اقتدارنه! اَو حتی پلید روحان نی فرمان دییَر و اَوِه اَوک اطاعت کرنده.» 28پس پِر دنکَشس که عیسی شور و شهرت تمان جلیله منتطقک اَپیجس.
عیسی پر کسان شفا دیه
29عیسی تا عبادتگانه بشه بر، یعقوب و یوحنا نه بشِه شمعونه و آندریاسه کییَه. 30شمعونه زن مارِه تب داشته و مریض یاگاک دگِسه بیا. اَوان البحل عیسیشان چَوه حالک باخبر بکرده. 31عیسی بشه چَوه وَر و چَوه دسشه بکتا، اَوشه بیزانسا. اَ زلی تَب قطع آبه و اَوانکش پذیرایی بکه.
32نِمِسیره دم، اُوفتوعه نشتنه پَش، همه‌ی مریضان و دیوزدَه آنشان بوعرده عیسی ور. 33همه‌ی شهره مردم اَ کییه بَره پرانک بیدا آبیه بنده! 34عیسی خیلیان که جور با جوره مریضیشان داشته، شفا بداشه و پر دیوان نی آدمانکش بَرکه، اَ نَشتشه دیوه لاوَه بکرنده، چون اَوان عیسی شان آزانسرده.
عیسی جلیلک تعلیم دییه
35تولیصبی زو که هوا حلا تاریک به، عیسی بِهشت و کیَیه نه برشه بر. اَ، بشه خلوته یاگایی و اَگارکش دعا بکه. 36شَمعون و چَوه همراهه عیسی پَشَه گَرسَردنده. 37وختی عیسی شان بینده، اَونه باتشانه: «همه اِشته پَشه گرسَرنده!» 38عیسی اَواننه باتشه: «بایا بشام اِم دویر و بره شهران تا اَگارک نی تعلیم بدییِم، چون چِمه واسنه آمییِم.» 39پس عیسی را دگس و بشه جلیله منطقه اِم سَر دا اَ سَر را. عیسی چوان عبادتگاهانکش تعلیم دیرده و دیوِش آدمانک برکردردنده.
عیسی، ایگله جذامیه مردکه شفا دییه
40ایگله جذامیه مردکی بامه عیسی وَر، زانوش بیزی و مندتنه باتشه: «اگم ته بگَوره، تانی من شفا بدیی.» 41عیسی دلَه اَ مردکه را بوسوتا و اِشتن دسشه پران بوعردا، اَوش دس آسو و باتشه: «گَمه، شفا بیگی» 42اَلبحل، جذام اَوک بَرشِه و اَ مردکه شفا بکته. 43عیسی اَلَبحل اَ مردکش رایی بکه و اَوش قدغن بکه 44باتشه: «ویراجین بِبَش که کسی نه چی ای مواجی؛ ولی بِشه و اِشتن کاهنه آمان و اَ قربانی که مخصوص شفا اِسه و موسی پیغمبره دستورش دیه، قربانی بِکه، تا اَوان آمانی که شفار کَته.» 45امّا اَ مردک بشه، آزادانه اِم اتفاقه درباره لاوش بکه و چَه خبرش پخش آکه. چِمه واسنه عیسی دَ نتانسشه آشکارینه بیشی شهر، بلکم شهره برک خلوت یاگاهانک وندرسه و مردم همه یاگانه آمسنده عیسی ور.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company