انجیل مرقس 3
3
مردکی که ایگله دسشه خشک آبییه بیا
1عیسی هنی بشه یهودیان عبادتگاه دله. اَگارک ایگله مردکی به که چَوه ایگله دَسه خُشک آبییه بییا. 2فریسی فرقه علما، عیسی شان ویر داشته تا بیننده آیا مقدسه شنبه روجک اَ مردکه شفا دیه یا نه، تا ایگله بهانَه ای بدارنده عیسی تیمت بِزَننده. 3عیسی اَ مردکی که دسشه خشک آبیه بییا نه باتشه: «بوره یا.» 4و اَوانک آپرسسشه: «مقدسه شنبه روجک چاکی کردن جایزه اِسته یا بدی کردن؟ کسی جانه نجات دیین یا چَوه کوشتن؟» امّا اَوه ساکت بنده. 5عیسی، کسانی که چَوه دویره برک وِندرسه بنده غضبنه دیَشته و چَوان سِگ دلی واسه پر ناراحت ببِه، چاوش اَ مردکنه باتشه: «اِشته دَسه دراز آکه.» اَ مردک اِشتن دَسشه دراز آکردا و دَسشه رچ آبیا. 6فریسی فِرقه عالمه عبادتگانه بشنده بَر و اَلبحل هیرودسه طرفداران نه توطئه شان بکرده که چنجوره عیسی نابود بکرنده.
پِر مردم عیسی پشدن شینده
7عیسی اِشتن شاگردان نه بشه دریاچه کنار. پره جماعتی جلیل منطقه نه، یهودیه منطقه نه، 8اورشلیم شهر نه، اَدومیه منطقه نه، اردن رباره اَ دیمه نواحی نه و صور و صیدون منطقه دور و بر نه، عیسی پشدنه راه دگسنده، وقتی که اَ پره جماعت عیسی همه‌ی کاران خبرشان بشنوس، بامنده چَوه ور. 9جماعته پِر بینه واسنه، عیسی اِشتن شاگردانه باتشه چَوه را قایقی حاضر بکرنده، تا مبادا مردم اَوه فِرچ آکرنده. 10چِمه واسنه که عیسی خیلی آدمش شفا دیه بنده، همه‌ی مریضه هر طرف نه اَوشان سِخ دسه تا اَوه دَس آسوننده. 11هر موقع پلید اَرواح عیسی شان وینده، چَوه پرانک گل سر جیگیسنده و جرنه واتردشانه: «ته خدا زایش!» 12امّا عیسی تاکیدنه اَوانش دستور دِسِه که کسی نه مواجنده اَ کیه.
دوازده گله حواریون
13عیسی اَشه کوهی کفا و کسانی که گَوسردشنده، داد بکرده اِشتن وَر و اَوه بامنده عیسی وَر. 14عیسی دونزه نفرش اُوجینده و چوان نامش حواریان اَنا، تا چَوه همراه بیبینده و اَوان بخرسانه تا مردمه تعلیم بدینده، 15و اِم قدرت و اقتداره بدارنده که دیوان آدمانک برکرنده. 16اَ دوازده نفر که عیسی اَوانش اُجینده، اِمه بنده: شَمعون که چَه نامش پِطرُس اَنا؛ 17یعقوب زِبِدی زا و یعقوبه برا یوحنا که چَوان نامش ’بوآنِرجِس‘، یانی ’اِلدرم زاران‘ اَناشه؛ 18آندریاس، فیلیپُس، بَرتولْما، مَتّی، توما، یعقوب حَلْفای زا، تَدّای، وطن پرست شَمعون، 19و یهودا اِسْخَریوطی که عیسیش خیانت بکه.
خدا مقدس روحنه کفر واتن
20چاوش عیسی بِشه کییه و هَنی جماعتی بیدا آبنده، ایزه که عیسی و چَوه شاگرده حتی نتانسردشانه غذا بخرنده. 21وختی عیسی خانواده اِمشان بشنوس، بشنده تا عیسی اِشتن نه ببرنده، چون واتردشانه: «اَ، اِشتن عقلش از دس دیه.» 22تورات معلمین نی که اورشَلیمنه آمیه بِنده واتردشانه: «بَعَلزِبول چَه جِلدک دیشیه» و «دیوان رئیس کمکنه، دیوان بَرکردر.» 23عیسی اَوش داد بکردنده اِشتن وَر و چوان را مَثلانی بیزیشه و باتشه: «چنجوره ممکنه که شیطان، شیطانه برکره؟ 24اگم ایگله مملکتک دو دَسته ای دگنه، اَ مملکت نتانه پا برجا بمانه. 25و اگم ایگله کییَه ای کی دو دسته ای دِگِنه، اَ کییه نی نتانه پا برجا بمانه. 26شیطان نی اگم اِشتن ضد بیزه و دو دسته ای درنه، نتانه پا برجا بمانه، بلکم نابود بی. 27هیچکس نِتانه ایگله قدرتمند مردکی کییه دله بیشی و چَوه امواله غارت بکره، مگم اِم که اول اَ قدرتمنده مردکه دِوَنده. چَوه پش حقیقتا تانه چَوه کییه غارت بکره.
28«حقیقا، شامانه واجم، که آدمیزاده تمام گناهان و هر کفری که باجه بَخشِسه بی؛ 29امّا هر کسی خدا مقدسه روحه نه کفر باجه، هرگز بَخشِسه نیبی، بلکم چَوه گناه تا ابد چَه گردن اِسه.» 30عیسی اِم لاوَه چِمه واسنه بِه که واتردشانه «عیسی پلید روح داره.»
عیسی ما و چَوه براره
31عیسی ما و چَوه براره بامنده. اَوه بَرک وندَرسه بنده، و ای نفرشان بِخِرسانس تا عیسی داد بِکَره. 32جماعتی که عیسی دویرنه نشته بنده، اَوِنه باتشانه: «اِشته ما و اِشته براره بَرکِنده و اِشته پَشدنه گَرسرنده.» 33عیسی جواو بدا: «چِمن ما و چِمن براره کینده؟» 34اَدمی کسانی که چَوه دویرنه نشته بنده، دییشتِه و باتشه: «اِمِه چِمن ما و چِمن برارنده! 35چون هر کسی خدا اراده انجام بدیه، چِمن برا و چِمن خوع و چِمن ما اِسه.»
Currently Selected:
انجیل مرقس 3: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل مرقس 3
3
مردکی که ایگله دسشه خشک آبییه بیا
1عیسی هنی بشه یهودیان عبادتگاه دله. اَگارک ایگله مردکی به که چَوه ایگله دَسه خُشک آبییه بییا. 2فریسی فرقه علما، عیسی شان ویر داشته تا بیننده آیا مقدسه شنبه روجک اَ مردکه شفا دیه یا نه، تا ایگله بهانَه ای بدارنده عیسی تیمت بِزَننده. 3عیسی اَ مردکی که دسشه خشک آبیه بییا نه باتشه: «بوره یا.» 4و اَوانک آپرسسشه: «مقدسه شنبه روجک چاکی کردن جایزه اِسته یا بدی کردن؟ کسی جانه نجات دیین یا چَوه کوشتن؟» امّا اَوه ساکت بنده. 5عیسی، کسانی که چَوه دویره برک وِندرسه بنده غضبنه دیَشته و چَوان سِگ دلی واسه پر ناراحت ببِه، چاوش اَ مردکنه باتشه: «اِشته دَسه دراز آکه.» اَ مردک اِشتن دَسشه دراز آکردا و دَسشه رچ آبیا. 6فریسی فِرقه عالمه عبادتگانه بشنده بَر و اَلبحل هیرودسه طرفداران نه توطئه شان بکرده که چنجوره عیسی نابود بکرنده.
پِر مردم عیسی پشدن شینده
7عیسی اِشتن شاگردان نه بشه دریاچه کنار. پره جماعتی جلیل منطقه نه، یهودیه منطقه نه، 8اورشلیم شهر نه، اَدومیه منطقه نه، اردن رباره اَ دیمه نواحی نه و صور و صیدون منطقه دور و بر نه، عیسی پشدنه راه دگسنده، وقتی که اَ پره جماعت عیسی همه‌ی کاران خبرشان بشنوس، بامنده چَوه ور. 9جماعته پِر بینه واسنه، عیسی اِشتن شاگردانه باتشه چَوه را قایقی حاضر بکرنده، تا مبادا مردم اَوه فِرچ آکرنده. 10چِمه واسنه که عیسی خیلی آدمش شفا دیه بنده، همه‌ی مریضه هر طرف نه اَوشان سِخ دسه تا اَوه دَس آسوننده. 11هر موقع پلید اَرواح عیسی شان وینده، چَوه پرانک گل سر جیگیسنده و جرنه واتردشانه: «ته خدا زایش!» 12امّا عیسی تاکیدنه اَوانش دستور دِسِه که کسی نه مواجنده اَ کیه.
دوازده گله حواریون
13عیسی اَشه کوهی کفا و کسانی که گَوسردشنده، داد بکرده اِشتن وَر و اَوه بامنده عیسی وَر. 14عیسی دونزه نفرش اُوجینده و چوان نامش حواریان اَنا، تا چَوه همراه بیبینده و اَوان بخرسانه تا مردمه تعلیم بدینده، 15و اِم قدرت و اقتداره بدارنده که دیوان آدمانک برکرنده. 16اَ دوازده نفر که عیسی اَوانش اُجینده، اِمه بنده: شَمعون که چَه نامش پِطرُس اَنا؛ 17یعقوب زِبِدی زا و یعقوبه برا یوحنا که چَوان نامش ’بوآنِرجِس‘، یانی ’اِلدرم زاران‘ اَناشه؛ 18آندریاس، فیلیپُس، بَرتولْما، مَتّی، توما، یعقوب حَلْفای زا، تَدّای، وطن پرست شَمعون، 19و یهودا اِسْخَریوطی که عیسیش خیانت بکه.
خدا مقدس روحنه کفر واتن
20چاوش عیسی بِشه کییه و هَنی جماعتی بیدا آبنده، ایزه که عیسی و چَوه شاگرده حتی نتانسردشانه غذا بخرنده. 21وختی عیسی خانواده اِمشان بشنوس، بشنده تا عیسی اِشتن نه ببرنده، چون واتردشانه: «اَ، اِشتن عقلش از دس دیه.» 22تورات معلمین نی که اورشَلیمنه آمیه بِنده واتردشانه: «بَعَلزِبول چَه جِلدک دیشیه» و «دیوان رئیس کمکنه، دیوان بَرکردر.» 23عیسی اَوش داد بکردنده اِشتن وَر و چوان را مَثلانی بیزیشه و باتشه: «چنجوره ممکنه که شیطان، شیطانه برکره؟ 24اگم ایگله مملکتک دو دَسته ای دگنه، اَ مملکت نتانه پا برجا بمانه. 25و اگم ایگله کییَه ای کی دو دسته ای دِگِنه، اَ کییه نی نتانه پا برجا بمانه. 26شیطان نی اگم اِشتن ضد بیزه و دو دسته ای درنه، نتانه پا برجا بمانه، بلکم نابود بی. 27هیچکس نِتانه ایگله قدرتمند مردکی کییه دله بیشی و چَوه امواله غارت بکره، مگم اِم که اول اَ قدرتمنده مردکه دِوَنده. چَوه پش حقیقتا تانه چَوه کییه غارت بکره.
28«حقیقا، شامانه واجم، که آدمیزاده تمام گناهان و هر کفری که باجه بَخشِسه بی؛ 29امّا هر کسی خدا مقدسه روحه نه کفر باجه، هرگز بَخشِسه نیبی، بلکم چَوه گناه تا ابد چَه گردن اِسه.» 30عیسی اِم لاوَه چِمه واسنه بِه که واتردشانه «عیسی پلید روح داره.»
عیسی ما و چَوه براره
31عیسی ما و چَوه براره بامنده. اَوه بَرک وندَرسه بنده، و ای نفرشان بِخِرسانس تا عیسی داد بِکَره. 32جماعتی که عیسی دویرنه نشته بنده، اَوِنه باتشانه: «اِشته ما و اِشته براره بَرکِنده و اِشته پَشدنه گَرسرنده.» 33عیسی جواو بدا: «چِمن ما و چِمن براره کینده؟» 34اَدمی کسانی که چَوه دویرنه نشته بنده، دییشتِه و باتشه: «اِمِه چِمن ما و چِمن برارنده! 35چون هر کسی خدا اراده انجام بدیه، چِمن برا و چِمن خوع و چِمن ما اِسه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company