اعمال رسولان 4
4
پِطرُس و یوحنا، یهودیان شورا پرانک
1پِطرُس و یوحنا حَلا مردم نه لاوشان کردرده که کاهنان و معبده نگهبانان فرمانده و صَدّوقی فرقه علما، سَر آرَسِسنده. 2اَوان چِمه واسِنه که رسولان مردم شان تعلیم دییَرده و اعلامشان کردرده که عیسی، مَردان دلِک زنده آبییَه، پِر عصبانی بِنده. 3پس اَوانشان بِکَتِنده و چِمه واسنه که نِمسیر به، تا صباینه روج اَوانشان زندانک نیا بداشتنده. 4امّا پر کسه اَوانک که اَ کلامشان اَشنوسه به، ایمانشان بوعَرده و مردکه حدودا پنج هزار نفر بنده.
5صبایینه روج، قومه پیله تره و شیخان و توراته معلمین اورشلیمه شهرک هندیگرنه بیدا آبنده. 6اِم مجلسک، کاهن اعظم حَنّا و قیافا و یوحنا و اسکندر و کاهن اعظمه همه ی خانواده آمییَه بنده. 7اَوان پطرس و یوحناشان میدانک پا سر نیا بداشته، اَوانک آپرسسشانه: «شاما چِه قدرت و چِه نامی نه اِم کارِران کرده؟»
8اَدمی پِطرُس خدا مقدس روحنه فِت آبه، چَوان جواوک باتشه: «ای قومه پیله تره و شیخان، 9اگم اُوری چِمه واسنه آما بازخواست کردرا که شَله مردکی چاکیمان کرده، و آپرسرا اَ چُنجوره شفاش کَتَه، 10پس شاما همه و همه‌ی خدا قوم بِزانا که عیسی مسیح ناصری نام نه اِسه که اِم مردک شاما پرانک ساق و سالم وِندَرسه، هَ کسی نامنه که شاما، صلیب سرک اَوران بوکوشته امّا خدا اَوِش مَردان دلَک زنده آکه. 11هِم عیسی، هَ سِگی اِسه که شاما بنایان اَوِران رَد بکرده و اِسا بینا اصلیه سِگ بییَه. 12چَوه غیراز هیچکسک نجات نییِه، چونکه آسمانه جیرک علوده نامی آدمان آدییَه بییَه نییِه تا اَونه نجات بینام.»
13وختی اَوان پِطرُس و یوحنا جراتشان بینده و بِزانسشانه که بیسواد و معمولیه آدمانی اِسنده، تعجبشان بکرده و بِزانسشانه که عیسی نه بییَنده. 14ولی چون اَ شَله مردک که شفاش اَرکته به، پطرس و یوحنا وَرک وِندَرسه به، اَوان نتانسشانه چی ای چَوان ضد باجنده. 15امّا دستورشان بدا که اَوه مجلسک برشینده بر و اِشتن هندیگرنه مشورتشان بکه. 16اَوان هَندیگرنه باتشانه: «اِم دو نفرنَه چِه بکرام؟ چون همه‌ی اورشلیمه مردم زانسَرنده ایگله معجزه چَوان دسنه انجام بییه و آما نتانام اَوه هاشا بکرام. 17امّا تا اِم جریان چِمه پِرتر مردمه دلَک چو دِگسه نییه، گه اِم مردکان قدغن بکرام که دَ عیسی نامه درباره هیچکس نه لاوَه مکرنده.»
18اَدمی هَنی اَوانشان داد بکردنده و قدغنشان بِکَردنده که هرگز عیسی نامه موعرنده و تعلیمی مَدینده. 19امّا پِطرُس و یوحنا جواو آداشانه: «شاما اِشتن داوری بِکَرا، کامین خدا نظرک درستِه، شاماک اطاعت کردن یا خداک اطاعت کردن؟ 20چون آما نِتانام اَ چی که ویندمانه و اَشنوسمانه، مَواجام.»
21شورا اعضا، بعد از اِم که پطرس و یوحناشان پِره تهدید بکردنده، اَوانشان ول آکردنده، چون مردمه واسنه راهی نیوندشانه که اَوان مجازات بکرنده. چون که همه‌ی مردم، چیانی واسِنه که اتفاق دِگسه به، خداشان ستایش کردرده. 22چون اَ شَله مَردکی که معجزنه شفاش کته به، چهل سالکش نی پرتر داشته.
ایمانداران پطرس و یوحنا راشان دعا کردرده
23پِطرُس و یوحنا آزاد بییَنه پَش، آگردسنده اِشتن رفقان وَر و اَ چی که سران کاهنان و شیخان اَواننه واتشان به، چَوان را باتشانه. 24وختی ایمان داران اِمشان بشنوس، ای صدا خدا درگا شان دعا بکرده، باتشانه: «ای خداوندی که همَه چییان حاکمش، ای خدایی که آسمان و زمین و دریا و هر چی که چوان دلَکه خلق کردره، 25ته اِشتن مقدسه روحه واسطنه چاما پییَر زُواننه، اِشته خادم، داوود پادشانه، باتره:
«” چیِه واسنه قومِه شورش کرنده
و مردمان بیخودی توطئه کرنده؟
26زمین پادشاهِه هَمدس بییَنده،
و فرمانروایان هندیگرنه بیدا آبییَنده،
خداونده ضد
و چَوه مسیحه ضد.“
27راس راسینه که هِم شهرک، هیرودیس حاکم و پُنتیوس پیلاتُس، غیریهودیان و یهودیان نه، اِشته مقدسه خادم، عیسی ضد که اَور مسح کرده، همدس بیینده، 28تا اَ چیانی انجام بدیَنده که اِشته دس و اِشته اراده، پرانتر معین کرده به. 29اِسا، ای خداوند، چَوان تهدیدان بینِه و اِشته خادمان لطف بِکه تا همه جراتنه اِشته کلامه باجنده، 30و اِشته دسه نی شفا دیینه را دراز بِکه و اِشته مقدسه خادم، عیسی نامنه، علامت و معجزهان انجام بده.»
31چَوان دعا کردنه پَش، یاگایی که اَگارک بیدا آبییه بِنده بلرزس و همه خدا مقدسه روحنه فِت آبنده، و خدا کلامشان دل و جرات نه واتردشانه.
ایمانداران هندیگره مال و اموالک شریک بیینده
32همه‌ی ایمانداران ای دل و ای جان بِنده و هیچکس چی ای اِشتن مال و اموالک اِشتن کین نزانسه، بلکم همه چییِک هندیگرنه شریک بِنده. 33رسولان پِره قوتی نه، عیسای خداونده زنده آبییَنه درباره شهادتشان آدیَرده و خدا برکه فیض همه‌ي اَواننه بِه. 34هیچکس چَوان دِلَک محتاج نِبه، چون هر کسی زمین یا کییه‌ای داشتشه، خُورتشه و چَوه پولش 35رسولان پا پرانک نِسِشه، تا هر کسی احتیاج قدر همان میانَک آبخشِسَه بیبی. 36یوسف نی که لاوی قبیلک و قِپرسکین بِه، رسولان اَوشان برنابا لقب دییَه به، که چَه معنی ’تشویقه زا‘ اِسه، 37برنابا زمینی که داشتشه، بُوخروتشه و چَوه پولش بوعَرده بِناشه رسولان پا پرانک.
Currently Selected:
اعمال رسولان 4: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
اعمال رسولان 4
4
پِطرُس و یوحنا، یهودیان شورا پرانک
1پِطرُس و یوحنا حَلا مردم نه لاوشان کردرده که کاهنان و معبده نگهبانان فرمانده و صَدّوقی فرقه علما، سَر آرَسِسنده. 2اَوان چِمه واسِنه که رسولان مردم شان تعلیم دییَرده و اعلامشان کردرده که عیسی، مَردان دلِک زنده آبییَه، پِر عصبانی بِنده. 3پس اَوانشان بِکَتِنده و چِمه واسنه که نِمسیر به، تا صباینه روج اَوانشان زندانک نیا بداشتنده. 4امّا پر کسه اَوانک که اَ کلامشان اَشنوسه به، ایمانشان بوعَرده و مردکه حدودا پنج هزار نفر بنده.
5صبایینه روج، قومه پیله تره و شیخان و توراته معلمین اورشلیمه شهرک هندیگرنه بیدا آبنده. 6اِم مجلسک، کاهن اعظم حَنّا و قیافا و یوحنا و اسکندر و کاهن اعظمه همه ی خانواده آمییَه بنده. 7اَوان پطرس و یوحناشان میدانک پا سر نیا بداشته، اَوانک آپرسسشانه: «شاما چِه قدرت و چِه نامی نه اِم کارِران کرده؟»
8اَدمی پِطرُس خدا مقدس روحنه فِت آبه، چَوان جواوک باتشه: «ای قومه پیله تره و شیخان، 9اگم اُوری چِمه واسنه آما بازخواست کردرا که شَله مردکی چاکیمان کرده، و آپرسرا اَ چُنجوره شفاش کَتَه، 10پس شاما همه و همه‌ی خدا قوم بِزانا که عیسی مسیح ناصری نام نه اِسه که اِم مردک شاما پرانک ساق و سالم وِندَرسه، هَ کسی نامنه که شاما، صلیب سرک اَوران بوکوشته امّا خدا اَوِش مَردان دلَک زنده آکه. 11هِم عیسی، هَ سِگی اِسه که شاما بنایان اَوِران رَد بکرده و اِسا بینا اصلیه سِگ بییَه. 12چَوه غیراز هیچکسک نجات نییِه، چونکه آسمانه جیرک علوده نامی آدمان آدییَه بییَه نییِه تا اَونه نجات بینام.»
13وختی اَوان پِطرُس و یوحنا جراتشان بینده و بِزانسشانه که بیسواد و معمولیه آدمانی اِسنده، تعجبشان بکرده و بِزانسشانه که عیسی نه بییَنده. 14ولی چون اَ شَله مردک که شفاش اَرکته به، پطرس و یوحنا وَرک وِندَرسه به، اَوان نتانسشانه چی ای چَوان ضد باجنده. 15امّا دستورشان بدا که اَوه مجلسک برشینده بر و اِشتن هندیگرنه مشورتشان بکه. 16اَوان هَندیگرنه باتشانه: «اِم دو نفرنَه چِه بکرام؟ چون همه‌ی اورشلیمه مردم زانسَرنده ایگله معجزه چَوان دسنه انجام بییه و آما نتانام اَوه هاشا بکرام. 17امّا تا اِم جریان چِمه پِرتر مردمه دلَک چو دِگسه نییه، گه اِم مردکان قدغن بکرام که دَ عیسی نامه درباره هیچکس نه لاوَه مکرنده.»
18اَدمی هَنی اَوانشان داد بکردنده و قدغنشان بِکَردنده که هرگز عیسی نامه موعرنده و تعلیمی مَدینده. 19امّا پِطرُس و یوحنا جواو آداشانه: «شاما اِشتن داوری بِکَرا، کامین خدا نظرک درستِه، شاماک اطاعت کردن یا خداک اطاعت کردن؟ 20چون آما نِتانام اَ چی که ویندمانه و اَشنوسمانه، مَواجام.»
21شورا اعضا، بعد از اِم که پطرس و یوحناشان پِره تهدید بکردنده، اَوانشان ول آکردنده، چون مردمه واسنه راهی نیوندشانه که اَوان مجازات بکرنده. چون که همه‌ی مردم، چیانی واسِنه که اتفاق دِگسه به، خداشان ستایش کردرده. 22چون اَ شَله مَردکی که معجزنه شفاش کته به، چهل سالکش نی پرتر داشته.
ایمانداران پطرس و یوحنا راشان دعا کردرده
23پِطرُس و یوحنا آزاد بییَنه پَش، آگردسنده اِشتن رفقان وَر و اَ چی که سران کاهنان و شیخان اَواننه واتشان به، چَوان را باتشانه. 24وختی ایمان داران اِمشان بشنوس، ای صدا خدا درگا شان دعا بکرده، باتشانه: «ای خداوندی که همَه چییان حاکمش، ای خدایی که آسمان و زمین و دریا و هر چی که چوان دلَکه خلق کردره، 25ته اِشتن مقدسه روحه واسطنه چاما پییَر زُواننه، اِشته خادم، داوود پادشانه، باتره:
«” چیِه واسنه قومِه شورش کرنده
و مردمان بیخودی توطئه کرنده؟
26زمین پادشاهِه هَمدس بییَنده،
و فرمانروایان هندیگرنه بیدا آبییَنده،
خداونده ضد
و چَوه مسیحه ضد.“
27راس راسینه که هِم شهرک، هیرودیس حاکم و پُنتیوس پیلاتُس، غیریهودیان و یهودیان نه، اِشته مقدسه خادم، عیسی ضد که اَور مسح کرده، همدس بیینده، 28تا اَ چیانی انجام بدیَنده که اِشته دس و اِشته اراده، پرانتر معین کرده به. 29اِسا، ای خداوند، چَوان تهدیدان بینِه و اِشته خادمان لطف بِکه تا همه جراتنه اِشته کلامه باجنده، 30و اِشته دسه نی شفا دیینه را دراز بِکه و اِشته مقدسه خادم، عیسی نامنه، علامت و معجزهان انجام بده.»
31چَوان دعا کردنه پَش، یاگایی که اَگارک بیدا آبییه بِنده بلرزس و همه خدا مقدسه روحنه فِت آبنده، و خدا کلامشان دل و جرات نه واتردشانه.
ایمانداران هندیگره مال و اموالک شریک بیینده
32همه‌ی ایمانداران ای دل و ای جان بِنده و هیچکس چی ای اِشتن مال و اموالک اِشتن کین نزانسه، بلکم همه چییِک هندیگرنه شریک بِنده. 33رسولان پِره قوتی نه، عیسای خداونده زنده آبییَنه درباره شهادتشان آدیَرده و خدا برکه فیض همه‌ي اَواننه بِه. 34هیچکس چَوان دِلَک محتاج نِبه، چون هر کسی زمین یا کییه‌ای داشتشه، خُورتشه و چَوه پولش 35رسولان پا پرانک نِسِشه، تا هر کسی احتیاج قدر همان میانَک آبخشِسَه بیبی. 36یوسف نی که لاوی قبیلک و قِپرسکین بِه، رسولان اَوشان برنابا لقب دییَه به، که چَه معنی ’تشویقه زا‘ اِسه، 37برنابا زمینی که داشتشه، بُوخروتشه و چَوه پولش بوعَرده بِناشه رسولان پا پرانک.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company