اعمال رسولان 3
3
مادرزاده شَلِه شفا
1ای روج پِطرُس و یوحنا ساعت سُه ناهاره پَش که دعا وقت بِه، شییَردنده معبد. 2اَ موقع، چند نفر، ایگله مردکیشان آوَردرده که مادرزاد شَل به. اَوه اَ مردکشان هر روج معبده اَ دروازه وَرکشان نِسِه که چَوه نام ’قشنگه دروازه‘ به تا مردمی که معبد دلَه دیشیَردندک، صدقه اَرگیره. 3وختی اَ شله مردک، پِطرُس و یوحناش بیندنده که گَشانه دیشینده معبد دله، اَوانکش صدقه آخاشته. 4پِطرُس و یوحنا اَ شله مردکه آک آبِنده؛ پِطرُس اَونه باتشه: «آما دییس!» 5اَ شله مردک اَوان دییَشته و منتظر بِه که اَوه، اَوه چی ای آدیِنده.
6امّا پِطرُس اَونه باتشه: «از نه نقره دارم نه طِلا، امّا اَ چی که دارم تِه آدَیِم! عیسی مسیح ناصری نامنه بیض و بِمج!» 7چاوَش پطرس اَ شله مردکه راسه بالشه بِکَتا و اَوش یاگاک بیزانس. هَ لحظک شَله مردکه پاهان و چَوه زانو قوّت بِکَته 8اِشتن یاگاک بِهشته و اِشتن پاهان سر بِندَرس، راه دِگس. چاوَش اَجوره که وَشتیلی واز کردردشه خداش شکر بکرده و اَواننه دِشه معبده دله. 9همه‌ی مردم اَوشان بینده که مِتَرده و خداش شکر کردرده، 10و بِزانسشانه اَ، هَ شله مردکی اِسه که چَوه پرانتر صدقه اَرکتنه را معبده ’قشنگه دروازه‘ وَر نشتِه؛ پس، اَ چی که چَوه را اتفاق دِگسه به، تعجبشان بکه وحیران بِبنده.
پِطرُسه لاوان سلیمانه ایوانک
11ایزه که زَ اَ مردک پِطرُس و یوحنا همراه شییَرده و اَوانک جدا نیبییَرده، تمام جماعت حیران ’سلیمان پادشا ایوانک‘ چَوان طرفه را بیرویتِنده. 12وختی پِطرُس اِمش بینده، جماعته دییَشته و باتشه: «ای خدا قومه، چیه را اِم کارک تعجب کردرا؟ چیِه را آک آبییِران آما دییَشترا، ایزه که چِشی آما چاما قوتنه و دین داری نه، کاری کردمانه که اِم مردک راه بیشی؟ 13ابراهیمه خدا و اسحاقه خدا و یعقوبه خدا، چاما پییَران خدا، اِشتن خادم، عیسیش جلال آدا، هَ کسی که شاما اَوران تسلیم بکه و پیلاتُس والی وَرک اَوران هاشا بکه، هر چند پیلاتسه تصمیم اِم بِه که عیسی آزاد بکَره. 14ولی شاما اَ قدوس و صالحران هاشا بکه و آخاشتِرانه چَوه عوض ایگله قاتلی شاما را آزاد بیبی. 15شاما، اَ کسی ران که زندگی سرچشمه به بوکوشته، امّا خدا اَوش مردآن دلنه زنده آکه و آما چَوه شاهد اِسمان، 16و عیسی نامه و چَوه نامه ایمان نه اِسه که اِم مردک قوتش کَته، اِم مردکی که اَوه ویندرا و آزانا. ایمانی که چَوه نامه واسطنه اِم مردک شاما همان چشمان پَرانک کامل شفاش دییَه.
17«و اِسا ای براران، زانسرم که شاما کار و شاما قومه پیله تران کار، نادانیک بِه. 18ولی خدا هِم راه نه اَ چی ای که همه‌ی پیغَمبران زُواننه پیشگوییش کرده به انجامش بداه:که چَه مسیح عذاب کَشه. 19پس توبه بِکَراه و آگردا خدا طرف تا شاما گناهان پاک آبینده، 20و تا اَ زمان آرسه که خداونده طرفنه شاما را تازگی بایه، و تا خدا مسیح موعوده شاما را بخرسانه، که پَرانتر انتخاب بیه، یعنی هَ عیسی 21که گه آسمان اَوه قبول کردش به تا روجانی که همه چی، مطابق اَ چی ای که خدا قَدیم نه همه‌ی اِشتن مقدسه پیغمبران زُواننه واتشه، اتفاق دِگننده. 22موسی پیغمبر واتَشه: ”خداوندْ شاما خدا، شاما براران دلک، چِمنه شواره پیغمبری، شاما را خرسانه؛ هر چی اَ شامانه واجِه گه گوش آکرا. 23هر کسی که اَ پیغمبره لاوان گوش مَکره، قوم دلک نابود بی.“
24«همه‌ی پیغمبره نی، که سموئیله پَش بامنده، همبلنه ای صدا اِم روجان درباره پیشگوییشان کرده. 25و شاما، پیغَمبران خُوردنان اِسران. اَ عهدی وارث اِسران که خدا شاما پییران نه دِوستشه. اَدمی که ابراهیم نه باتشه: ” اِشته نسله واسطنه همه‌ی مردمی که زمینه سرکنده برکت گیرنده.“ 26وقتی که خدا اِشتن خادم، عیسیش انتخاب بکه، اوّل اَوش بِخرسانس شاما وَر تا شاما برکت بدَیه، و اِم کارنه شاما، شاما شرورانه راهانک آگاردانه.»
Currently Selected:
اعمال رسولان 3: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
اعمال رسولان 3
3
مادرزاده شَلِه شفا
1ای روج پِطرُس و یوحنا ساعت سُه ناهاره پَش که دعا وقت بِه، شییَردنده معبد. 2اَ موقع، چند نفر، ایگله مردکیشان آوَردرده که مادرزاد شَل به. اَوه اَ مردکشان هر روج معبده اَ دروازه وَرکشان نِسِه که چَوه نام ’قشنگه دروازه‘ به تا مردمی که معبد دلَه دیشیَردندک، صدقه اَرگیره. 3وختی اَ شله مردک، پِطرُس و یوحناش بیندنده که گَشانه دیشینده معبد دله، اَوانکش صدقه آخاشته. 4پِطرُس و یوحنا اَ شله مردکه آک آبِنده؛ پِطرُس اَونه باتشه: «آما دییس!» 5اَ شله مردک اَوان دییَشته و منتظر بِه که اَوه، اَوه چی ای آدیِنده.
6امّا پِطرُس اَونه باتشه: «از نه نقره دارم نه طِلا، امّا اَ چی که دارم تِه آدَیِم! عیسی مسیح ناصری نامنه بیض و بِمج!» 7چاوَش پطرس اَ شله مردکه راسه بالشه بِکَتا و اَوش یاگاک بیزانس. هَ لحظک شَله مردکه پاهان و چَوه زانو قوّت بِکَته 8اِشتن یاگاک بِهشته و اِشتن پاهان سر بِندَرس، راه دِگس. چاوَش اَجوره که وَشتیلی واز کردردشه خداش شکر بکرده و اَواننه دِشه معبده دله. 9همه‌ی مردم اَوشان بینده که مِتَرده و خداش شکر کردرده، 10و بِزانسشانه اَ، هَ شله مردکی اِسه که چَوه پرانتر صدقه اَرکتنه را معبده ’قشنگه دروازه‘ وَر نشتِه؛ پس، اَ چی که چَوه را اتفاق دِگسه به، تعجبشان بکه وحیران بِبنده.
پِطرُسه لاوان سلیمانه ایوانک
11ایزه که زَ اَ مردک پِطرُس و یوحنا همراه شییَرده و اَوانک جدا نیبییَرده، تمام جماعت حیران ’سلیمان پادشا ایوانک‘ چَوان طرفه را بیرویتِنده. 12وختی پِطرُس اِمش بینده، جماعته دییَشته و باتشه: «ای خدا قومه، چیه را اِم کارک تعجب کردرا؟ چیِه را آک آبییِران آما دییَشترا، ایزه که چِشی آما چاما قوتنه و دین داری نه، کاری کردمانه که اِم مردک راه بیشی؟ 13ابراهیمه خدا و اسحاقه خدا و یعقوبه خدا، چاما پییَران خدا، اِشتن خادم، عیسیش جلال آدا، هَ کسی که شاما اَوران تسلیم بکه و پیلاتُس والی وَرک اَوران هاشا بکه، هر چند پیلاتسه تصمیم اِم بِه که عیسی آزاد بکَره. 14ولی شاما اَ قدوس و صالحران هاشا بکه و آخاشتِرانه چَوه عوض ایگله قاتلی شاما را آزاد بیبی. 15شاما، اَ کسی ران که زندگی سرچشمه به بوکوشته، امّا خدا اَوش مردآن دلنه زنده آکه و آما چَوه شاهد اِسمان، 16و عیسی نامه و چَوه نامه ایمان نه اِسه که اِم مردک قوتش کَته، اِم مردکی که اَوه ویندرا و آزانا. ایمانی که چَوه نامه واسطنه اِم مردک شاما همان چشمان پَرانک کامل شفاش دییَه.
17«و اِسا ای براران، زانسرم که شاما کار و شاما قومه پیله تران کار، نادانیک بِه. 18ولی خدا هِم راه نه اَ چی ای که همه‌ی پیغَمبران زُواننه پیشگوییش کرده به انجامش بداه:که چَه مسیح عذاب کَشه. 19پس توبه بِکَراه و آگردا خدا طرف تا شاما گناهان پاک آبینده، 20و تا اَ زمان آرسه که خداونده طرفنه شاما را تازگی بایه، و تا خدا مسیح موعوده شاما را بخرسانه، که پَرانتر انتخاب بیه، یعنی هَ عیسی 21که گه آسمان اَوه قبول کردش به تا روجانی که همه چی، مطابق اَ چی ای که خدا قَدیم نه همه‌ی اِشتن مقدسه پیغمبران زُواننه واتشه، اتفاق دِگننده. 22موسی پیغمبر واتَشه: ”خداوندْ شاما خدا، شاما براران دلک، چِمنه شواره پیغمبری، شاما را خرسانه؛ هر چی اَ شامانه واجِه گه گوش آکرا. 23هر کسی که اَ پیغمبره لاوان گوش مَکره، قوم دلک نابود بی.“
24«همه‌ی پیغمبره نی، که سموئیله پَش بامنده، همبلنه ای صدا اِم روجان درباره پیشگوییشان کرده. 25و شاما، پیغَمبران خُوردنان اِسران. اَ عهدی وارث اِسران که خدا شاما پییران نه دِوستشه. اَدمی که ابراهیم نه باتشه: ” اِشته نسله واسطنه همه‌ی مردمی که زمینه سرکنده برکت گیرنده.“ 26وقتی که خدا اِشتن خادم، عیسیش انتخاب بکه، اوّل اَوش بِخرسانس شاما وَر تا شاما برکت بدَیه، و اِم کارنه شاما، شاما شرورانه راهانک آگاردانه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company