اعمال رسولان 5
5
حَنانیا و سَفیره
1امّا ای نفر که چَوه نام حَنانیا به اِشتن زنر همراه که چَه نام سَفیره به، زمینه تیکه ای شان بُخورته، 2حنانیا کملی ای اَ زمینه پولک، که چَوه زنر خبر داشته یاگاش بدا و پوله بقیش بوعَرده، بِناشه رسولان پا پَرانک. 3امّا پِطرُس اَوِنه باتشه: «ای حَنانیا، چیه را بَشتره شیطان اِشته دلِه ایزه فِت آکَره که خدا مقدسه روح نه دوری باجی و کملی ای اَ زمینه پولک اِشته را نیا بداری؟ 4مگم چَوه خورتنِه پرانتر اِشته کین نبه؟ مگم چَوه خورتنَه پَش نی اَ پوله اختیار اِشته دسک نِبه؟ چی باعث ببِه که اِشته دلک انجوره فکر بکری؟ ته نه آدم نه، بلکم خدا نه دوری باتِره!»
5وختی حَنانیا اِم لاوَانش بشنَوِسنده، بِگِس گلِه سر و البحل جانِش بِدا! همه‌ي کسانی که اِمشان بشنوس پر بترسسنده. 6اَدمی جوانه بامِنده پران و اَوشان کفنک اَپیجس و بِبردشانه بر، دِخشاردِشانه.
7سُه ساعته پَش، حنانیا زنه که اِم ماجراک بی خبر بیا، بامیا دِله. 8پِطرُس اَوک آپرسسشه: «منه باجه که زمین ران هِم قیمت خورته؟»
سَفیره جواوش بدا: «آها، هِم قیمت.»
9پِطرُسه اَونه باتشه: «چیه را هندیگرِنه ساخت و پاخت بکردرانه تا خداوند روحه آزمایش بکرا؟ کسانی که اِشته شوشان دِخشاردَه اِسا بَره بِنکنده و ته نی بَرنده بَر.»
10البَحَل، سَفیره نی پطرسه پاهان وَرک جیگیسا و اَوه نی جان بدا. وختی جَوانه دِشنده دِله، بیندِشانه که سفیره نی مَردا. پس اَوشانه نی ببردا بَر، و چَوه شوعر وَرک دِخاشاردشانا. 11اَدمی پِره ترسی همهی کلیسا و همهی کسانی که اِمانشان بَشنوس، بِکتشه.
رسولان علامت و معجزان
12رسولان همیشه مردمه دلَک پر علامت و معجزات شان انجام دِسه و همهی ایمانداران ای دل سلیمانه ایوانک بیدا آبِسنده. 13امّا هیچ کی جرائت نکردرده چَوان جمعه اضافه بیبی، هر چند همهی مردم اَوانشان پِر احترام نِسه. 14خیلی از مردکانک و زلیانک خداوند شان ایمان بوعَرده و چَوان جَمع اضافه بییَردنده، 15ایزه که حتی مَریضانشان آوردنده شهر میدانان و اَوانشان تختان و دوشکان سرک خوسانسِه تا وختی پِطرُس اَگارنه اِوره، لااَقل چَه سادیمه، چوان بَعضییان سرک دگنه که شفا اَرگیرنده. 16مردم نی دسته دسته اورشلیمه دویر و اطرافه شهرهان نه آمییَردنده و مَریضان و کسانی که پلیده اَرواح اَوشان عذاب دِسه، آوردردشانه، و همه شفاشان اَرَکترده.
رسولان زندانی ببنده و چاوش آزاد ببنده
17امّا کاهن اعظم و همهی کسانی که چَه همراه بنده یعنی صَدّوقی فرقه، پخیلتی سردن دس به‌کار ببنده 18و رسولان شان بِکتنده، دِرندشاننده اَ زندانی دلَه که همه جوره آدم اَگارک اِسبه. 19ولی شَوه را، خداونده ایگله فرشته زندانِه بَرش آکردنده و اَوانش برآورده بَر 20و باتشه: «بِشا و معبدک بِندرا و تمان اِم پیغامی که زندگی بَخشه مردمه را باجا.»
21پس تولیصبی زو مطابق اَ چی که اَوان نه واته بییه بِه بِشنده معبد دلَه و مردمشان تعلیم بدا.
وختی کاهن اعظم و چوه همراهِه بامنده، همهی شورا اهالی و همهی یهوده شیخه شان داد بِکردنده و چند نفرشان بِخِرسانسه تا رسولان زندانک بوعَرنده. 22امّا وختی مأموره بِشنده زندانه دلَه، رسولانشان نیوینده. پس اَوه آگردسنده، و خبرشان آداه که: 23«آما بیندمانه که زندانه بَره محکم دِوَسه بِنده. نگهبانه نی بَران پَرانک وِندَرسه بِنده. ولی وختی بَرمان آکردنده، هیچکسی مان زندانه دلِک نیوینده.» 24وقتی معبده نگهبانان فرمانده و سران کاهنان اِم خبرشان بشنوس آک آبنده، فکر شان کردرده که: «اِم کاره آخر عاقبت چی بی؟»
25اِم موقع، ای نفر بامه و چَوان راش خبر بوعَرده، که: «دیَسا، کسانی که شاما اَوانران درَنده بنده زندان، اِسا معبده دلَک وِندَرسنده و مردمه تعلیم دییرنده.» 26چاوَش معبده نگهبانان فرمانده، مأموران نه بِشنده و رسولانشان بوعَردنده، امّا نه زورنه، چون ترسردنده مردم اَوان سِگ دِدار بکرنده.
27وختی رسولان شان بوعَردنده، اَوانشان شورا پرانک پا سر نیا بداشتنده. اَدمی کاهن اعظم اَوانک آپرسسشه، باتشه: 28«مگم آما شاما، پر قدغن نکرده که دَ اِم نام نه تعلیم مَدیا؟ ولی شاما اورشلیمه شهر ران شاما تعلیم نه فِت آکرده و گَرانه اِم مردکَه خونه دِرنا چاما گردن.»
29ولی پِطرُس و اَدرین رسولان جواوشان آداه: «آما گه خداک اطاعت بکرام، نه آدمانک. 30چاما جدان خدا، عیسیش مَردانک زنده آکه هه عیسی که شاما اوران صلیب سرَک ببه و بوکوشترانه 31و خدا اَوش ببرده کفا اِشتن راسه دسه وَر، و رهبر و نجات‌دهنده بکردشه و فرصتش بدا تا خدا قومه توبه بکرنده و چوان گناهان بخشِسه بیبینده. 32و آما اِم چییان شاهدمان، اَجوره که خدا مقدسه روح نی شاهد اِسه، که خدا اَوش کسانی عطا کردشه که چَوه طابع اِسنده.»
33وختی شورا اعضا اِم لاوَانشان بَشنَوسنده ایینده عصبانی ببنده که رایشان به اَوان بوکوشنده. 34امّا ای نفر فریسی فرقه علماک، که چَه نام گامالائیل به، و شریعته معلم بِه و همهی مردم اَوشان احترام نِسه، مجلسک پا بندرس و دستورش بدا کملی رسولان ببرنده بر. 35چاوَش کسانی که وا بنده نه باتشه: «ای یهودییان، شاما هواس جمع بیبی که گَرانه اِم آدمان نه چه بِکَرا. 36چون پَرانتر، ایگله مردکی که چَه نام تِئوداس به بِهِشت که اِدِعاش کَرده اِشتن را کسی اِسته، و حدودا چهار صد نفر نی اِشتن دویر و ورک بیداش آکرده به. ولی اَ کوشته ببه و چَوه دار و دسته نی همه تار‌و‌مار ببنده. 37چَوه پَش، جلیلیه یهودا، سر شماری موقع شورشش بکرده و ای دسته نی اِشتن پَشه ببردشه. امّا اَ نی از بین بِشه و چَوه دار و دسته پخش و پلا آبنده. 38پس اِم جریان واسنه نی شاما سفارش کرم که اِم آدمانک دس اَگیرا و اَوان نه کاری مَدارا. چون اگم چَوان قصد و نیت انسانی بیبی، یاگایی آنِرسه. 39امّا اگم خداک بیبی، شاما نتانا چَوان پَرانه بیگیرا، چون ممکنه ایزه خدا نه بجنگا!»
40پس اَوه گامالائیله نصیحتشان گوش آدا و رسولانشان داد بکردنده، اَوانشان شِلاق بیزینده و قدغن بکردنده که دَ عیسی نام نه لاوَیی مَکرنده، چاوش اجازشان آدا رسولان بیشینده.
41پس رسولان شورا اعضا وَرنه شادینه برشنده بر، چون اَوان لایق بِنده که عیسی نام واسِنه بی حرمتی بیبینده. 42و اَوه هر روج، چِه معبدک و چِه کییه هانک، تعلیم دیینک و چاکه خبر دییَنک که عیسی هَ مسیح موعود اِسه دَس اَنِکَتشانه.
Currently Selected:
اعمال رسولان 5: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
اعمال رسولان 5
5
حَنانیا و سَفیره
1امّا ای نفر که چَوه نام حَنانیا به اِشتن زنر همراه که چَه نام سَفیره به، زمینه تیکه ای شان بُخورته، 2حنانیا کملی ای اَ زمینه پولک، که چَوه زنر خبر داشته یاگاش بدا و پوله بقیش بوعَرده، بِناشه رسولان پا پَرانک. 3امّا پِطرُس اَوِنه باتشه: «ای حَنانیا، چیه را بَشتره شیطان اِشته دلِه ایزه فِت آکَره که خدا مقدسه روح نه دوری باجی و کملی ای اَ زمینه پولک اِشته را نیا بداری؟ 4مگم چَوه خورتنِه پرانتر اِشته کین نبه؟ مگم چَوه خورتنَه پَش نی اَ پوله اختیار اِشته دسک نِبه؟ چی باعث ببِه که اِشته دلک انجوره فکر بکری؟ ته نه آدم نه، بلکم خدا نه دوری باتِره!»
5وختی حَنانیا اِم لاوَانش بشنَوِسنده، بِگِس گلِه سر و البحل جانِش بِدا! همه‌ي کسانی که اِمشان بشنوس پر بترسسنده. 6اَدمی جوانه بامِنده پران و اَوشان کفنک اَپیجس و بِبردشانه بر، دِخشاردِشانه.
7سُه ساعته پَش، حنانیا زنه که اِم ماجراک بی خبر بیا، بامیا دِله. 8پِطرُس اَوک آپرسسشه: «منه باجه که زمین ران هِم قیمت خورته؟»
سَفیره جواوش بدا: «آها، هِم قیمت.»
9پِطرُسه اَونه باتشه: «چیه را هندیگرِنه ساخت و پاخت بکردرانه تا خداوند روحه آزمایش بکرا؟ کسانی که اِشته شوشان دِخشاردَه اِسا بَره بِنکنده و ته نی بَرنده بَر.»
10البَحَل، سَفیره نی پطرسه پاهان وَرک جیگیسا و اَوه نی جان بدا. وختی جَوانه دِشنده دِله، بیندِشانه که سفیره نی مَردا. پس اَوشانه نی ببردا بَر، و چَوه شوعر وَرک دِخاشاردشانا. 11اَدمی پِره ترسی همهی کلیسا و همهی کسانی که اِمانشان بَشنوس، بِکتشه.
رسولان علامت و معجزان
12رسولان همیشه مردمه دلَک پر علامت و معجزات شان انجام دِسه و همهی ایمانداران ای دل سلیمانه ایوانک بیدا آبِسنده. 13امّا هیچ کی جرائت نکردرده چَوان جمعه اضافه بیبی، هر چند همهی مردم اَوانشان پِر احترام نِسه. 14خیلی از مردکانک و زلیانک خداوند شان ایمان بوعَرده و چَوان جَمع اضافه بییَردنده، 15ایزه که حتی مَریضانشان آوردنده شهر میدانان و اَوانشان تختان و دوشکان سرک خوسانسِه تا وختی پِطرُس اَگارنه اِوره، لااَقل چَه سادیمه، چوان بَعضییان سرک دگنه که شفا اَرگیرنده. 16مردم نی دسته دسته اورشلیمه دویر و اطرافه شهرهان نه آمییَردنده و مَریضان و کسانی که پلیده اَرواح اَوشان عذاب دِسه، آوردردشانه، و همه شفاشان اَرَکترده.
رسولان زندانی ببنده و چاوش آزاد ببنده
17امّا کاهن اعظم و همهی کسانی که چَه همراه بنده یعنی صَدّوقی فرقه، پخیلتی سردن دس به‌کار ببنده 18و رسولان شان بِکتنده، دِرندشاننده اَ زندانی دلَه که همه جوره آدم اَگارک اِسبه. 19ولی شَوه را، خداونده ایگله فرشته زندانِه بَرش آکردنده و اَوانش برآورده بَر 20و باتشه: «بِشا و معبدک بِندرا و تمان اِم پیغامی که زندگی بَخشه مردمه را باجا.»
21پس تولیصبی زو مطابق اَ چی که اَوان نه واته بییه بِه بِشنده معبد دلَه و مردمشان تعلیم بدا.
وختی کاهن اعظم و چوه همراهِه بامنده، همهی شورا اهالی و همهی یهوده شیخه شان داد بِکردنده و چند نفرشان بِخِرسانسه تا رسولان زندانک بوعَرنده. 22امّا وختی مأموره بِشنده زندانه دلَه، رسولانشان نیوینده. پس اَوه آگردسنده، و خبرشان آداه که: 23«آما بیندمانه که زندانه بَره محکم دِوَسه بِنده. نگهبانه نی بَران پَرانک وِندَرسه بِنده. ولی وختی بَرمان آکردنده، هیچکسی مان زندانه دلِک نیوینده.» 24وقتی معبده نگهبانان فرمانده و سران کاهنان اِم خبرشان بشنوس آک آبنده، فکر شان کردرده که: «اِم کاره آخر عاقبت چی بی؟»
25اِم موقع، ای نفر بامه و چَوان راش خبر بوعَرده، که: «دیَسا، کسانی که شاما اَوانران درَنده بنده زندان، اِسا معبده دلَک وِندَرسنده و مردمه تعلیم دییرنده.» 26چاوَش معبده نگهبانان فرمانده، مأموران نه بِشنده و رسولانشان بوعَردنده، امّا نه زورنه، چون ترسردنده مردم اَوان سِگ دِدار بکرنده.
27وختی رسولان شان بوعَردنده، اَوانشان شورا پرانک پا سر نیا بداشتنده. اَدمی کاهن اعظم اَوانک آپرسسشه، باتشه: 28«مگم آما شاما، پر قدغن نکرده که دَ اِم نام نه تعلیم مَدیا؟ ولی شاما اورشلیمه شهر ران شاما تعلیم نه فِت آکرده و گَرانه اِم مردکَه خونه دِرنا چاما گردن.»
29ولی پِطرُس و اَدرین رسولان جواوشان آداه: «آما گه خداک اطاعت بکرام، نه آدمانک. 30چاما جدان خدا، عیسیش مَردانک زنده آکه هه عیسی که شاما اوران صلیب سرَک ببه و بوکوشترانه 31و خدا اَوش ببرده کفا اِشتن راسه دسه وَر، و رهبر و نجات‌دهنده بکردشه و فرصتش بدا تا خدا قومه توبه بکرنده و چوان گناهان بخشِسه بیبینده. 32و آما اِم چییان شاهدمان، اَجوره که خدا مقدسه روح نی شاهد اِسه، که خدا اَوش کسانی عطا کردشه که چَوه طابع اِسنده.»
33وختی شورا اعضا اِم لاوَانشان بَشنَوسنده ایینده عصبانی ببنده که رایشان به اَوان بوکوشنده. 34امّا ای نفر فریسی فرقه علماک، که چَه نام گامالائیل به، و شریعته معلم بِه و همهی مردم اَوشان احترام نِسه، مجلسک پا بندرس و دستورش بدا کملی رسولان ببرنده بر. 35چاوَش کسانی که وا بنده نه باتشه: «ای یهودییان، شاما هواس جمع بیبی که گَرانه اِم آدمان نه چه بِکَرا. 36چون پَرانتر، ایگله مردکی که چَه نام تِئوداس به بِهِشت که اِدِعاش کَرده اِشتن را کسی اِسته، و حدودا چهار صد نفر نی اِشتن دویر و ورک بیداش آکرده به. ولی اَ کوشته ببه و چَوه دار و دسته نی همه تار‌و‌مار ببنده. 37چَوه پَش، جلیلیه یهودا، سر شماری موقع شورشش بکرده و ای دسته نی اِشتن پَشه ببردشه. امّا اَ نی از بین بِشه و چَوه دار و دسته پخش و پلا آبنده. 38پس اِم جریان واسنه نی شاما سفارش کرم که اِم آدمانک دس اَگیرا و اَوان نه کاری مَدارا. چون اگم چَوان قصد و نیت انسانی بیبی، یاگایی آنِرسه. 39امّا اگم خداک بیبی، شاما نتانا چَوان پَرانه بیگیرا، چون ممکنه ایزه خدا نه بجنگا!»
40پس اَوه گامالائیله نصیحتشان گوش آدا و رسولانشان داد بکردنده، اَوانشان شِلاق بیزینده و قدغن بکردنده که دَ عیسی نام نه لاوَیی مَکرنده، چاوش اجازشان آدا رسولان بیشینده.
41پس رسولان شورا اعضا وَرنه شادینه برشنده بر، چون اَوان لایق بِنده که عیسی نام واسِنه بی حرمتی بیبینده. 42و اَوه هر روج، چِه معبدک و چِه کییه هانک، تعلیم دیینک و چاکه خبر دییَنک که عیسی هَ مسیح موعود اِسه دَس اَنِکَتشانه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company