اعمال رسولان 25
25
پولسه محاکمه فِستوسه پرانک
1فِستوس والی سُه روج بعد از اِم که بشه اِشتن ولایت، قیصریه شهرنه بشه اورشلیمه را. 2اَگا سران کاهنان و قوم یهوده پیله تره چوه پرانک حاضر ببنده و اِشتن شکایتشان پولُسه ضد باتشانه. 3اَوان ای پا سرک بندرسنده و فِستوسک آخاشتشانه چوان سر مِنّدت بنیه، پولُسه بخرسانه اورشلیم، چون رایشان به پولسه راک بوکوشنده. 4امّا فِستوس والی چوان جواوک باتشه: «پولُس قیصریک زندانک بازداشتکه و اِشتن قصد دارم هم زودیان بیشیم اَگا. 5فستوس باتشه پس کسانی که شاما دلَک پیله آدم اِسنده، تاننده چِمن همراه باینده تا اگم اِم مردکه خطایی کردش بیبی، اِشتن شکایته چَوه ضد باجنده.»
6هشت ده روجه پش که فستوس اَواننه به، آگردس قیصریه. و صباینه روج، محکمش تشکیل بدا و دستورش بدا پولُسه بوعرنده. 7وختی پولُس بامه دِله، یهودیانی که اورشلیم نه آمییه بنده، چَه دویرک بیدا آبنده و پره تویمتانی اَوشان بیزی، امّا نتانسشانه اَ اتهامان ثابت بکرنده.
8پولُس اِشتن دفاع کردنه را باتشه: «از نه یهوده شریعته ضد خطایی کردمه نه معبده ضد و نه امپراطوری ضد.»
9امّا فِستوس والی که رایش به یهودیان سر مندت بِنَیه، پولُس نه باتشه: «رایره بیشی اورشلیم تا اَگارک اِم اتهامان واسنه چِمن پرانک محاکمه بیبی؟»
10پولُسه جواو بدا: «اِسا نی از امپراطوری محکمک وندرسم که گه چه دلَک محاکمه بیبیم. شاما اِشتن چاک زانا که از نسبت به یهودیان هیچ خطایی کردم نییه. 11اِسا اگم خطایی کردمه یا کارمی کرده که مردن چِمن حق اِسه، مردنک ترسی نِدارم. امّا اگم اتهاماتی که اِمِه من زیرنده، بیخودینده، هیچکسی نِتانه من آدیه چَوان دس. از رایمه اِم مسئله امپراطوری محکمه دلَک رسیدگی بیبی.»
12فِستوس، شورا اعضا نه مشورت کردنه پش اِشتن باتشه: «رایره اِشته مسئله، امپراطوری محکمه دلَک رسیدگی بیبی؟ پس شی امپراطوری وَر!»
پولس، آگْریپاسه پرانک
13چند روج اِوردنه پَش، پادشاه آگْریپاس و بِرنیکی، بامنده قیصریه تا فِستوس پران برشینده. 14اَوه پر روجانی اَگارک بندرسنده، فِستوس، پولسه ماجراش، پادشا را تعریفش بکرده و باتشه: «یارک ایگله مردکی اِسه که فِلیکْس اَوش زندانک نیا داشته. 15وختی اورشلیمک بِم، سران کاهنان و یهوده شیخان، اَوشان اتهاماتی زیرده و رایشان به اَوه محکوم بکرنده.
16«اَز چَوان جوابک باتِمه که رومیان رسم نییه که پیش از اِم که ایگله متهم اِشتن شاکیان نه دیمادیم بیبی و بتانه اتهامان واسنه اِشتنک دفاع بِکَره، اَوه تسلیم بکرنده. 17پس وختی اَوه بامنده یا، معطلم نِکه بلکم صباینه روج، محکمه تشکیل بدامه و دستورم بدا پولسه بوعرنده چِمن ور. 18وختی پولسه شاکییه بهشتنده تا لاوَه بکرنده، هیچ گله اَ بده کارانی که از انتظار داشتمه، اَوشان محکوم نکرده. 19بلکم اِشتن دینه واسنه و عیسی نامه واسنه که مَرده امّا پولس ادعا کردر زنده اِسه سردن، اَونه جرّ و بحثشان بکرده. 20از که نزانسردمه چُنجوره گه ایزنه مسئله هان بررسی بکرم، پولسکم آپرسس که رایشه که بیشی اورشلیم تا اَگارک اِم اتهامان واسنه محاکمه بیبی. 21ولی وقتی پولُس رایش به که زندانک بِندره و چَوه مسئله امپراطوری محکمه دلَک رسیدگی بیبی، دستورم بدا اَوه نیا بدارنده، تا روجی که بتانم اَوه بخرسانم امپراطوری وَر.» 22چاوش آگْریپاس، فِستوس نه باتشه: «رایِمه اِشتن چَوه لاوان بشنوم.» فِستوس باتشه: «صَبا اَشنوی.» 23پس صباینه روج، آگْریپاس و بِرنیکی پر دبدبه ای نه بامنده و نظامیه فرماندهان و شهره سرشانسه مردکان نه دِشنده دادگاه سالنه دلَه. فِستوسه دستورنه، پولُس شان بوعرده. 24فِستوسه باته: «ای پادشا آگْریپاس، و ای همهی مردمی که انگارک وندَرسران! همهی یهوده مردم، چِه اورشلیمک و چِه یارک، اِم مردکه که ویندرا، چِمن وَرک شکایتشان کرده و جرشان زییَه که گه زنده مَمانه. 25امّا از بِزانسمه که اَوه، کاری کرده نییه که چَوه سزا مرگ بیبی. ولی چون اِشتن رایِشه بیشی امپراطوری محکمه، پس از نی تصمیمم بکته که اَوه بِخرسانم روم. 26امّا نزانسرم که امپراطوری را چِه بینیویسم. پس اَوم بوعرده شاما همان وَرک، اَلَلخصوص شاما وَر، ای آگْریپاس پادشاه، آوَردمه تا اَوک بازجوی بکرام، و از چی ای بینِم تا بینویسم. 27چون عقله نه جور نایه که ایگله زندانیی بخرسانام امپراطوری وَر، ولی منیویسام که چَوه جرم چییه.»
Currently Selected:
اعمال رسولان 25: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company