نامه رومیان ره 13
13
اطاعت کودن صاب مَنصبانِ جا
1هرکس بایستی صاب مَنصبانِ جا فرمان بِبره. چونکی هی صاب مَنصبی نئسا، جغیر خُدا طرف. صاب مَنصبانی هم کی ایسائید، خُدا طرف جا مُعین بُبوستید. 2پس هرکسی کی صاب مَنصبانِ ضد ویریزه، ضد اونچی کی خُدا معین بُکوده ویریشته، و اوشانی کی اَطو کونیدی، داوری بیدی. 3چون اوشانی کی دُرُست رفتار کونیدی حاکمانِ جا ترس ناریدی، ولی خلافکاران اوشانِ جا ترسیدی. خوائی صاب مَنصبانِ جا نترسی؟ پس، اونچیَ کی دُرُسته انجام بدَن کی تَره تحسین خوائه کودن، 4چونکی اون تی خیرِ واسی خُدا خیدمتکار ایسه. ولی اَگه کار خلاف بُکونی، بترس، چونکی هَچین شمیشیرَ خو کمر دَنوَسته. اون خُدا خیدمتکارِ و کسی ایسه کی خُدا واسی انتقام گیره و خُدا غَضبَ خلافکارِ سر آوره. 5پس آدم بایسی نه فقط خُدا غَضبِ واسی، بلکی وجدانِ واسی هم فرمان ببره.
6اَنه واسی ئَم شُمان مالیات فادیدی، چونکی صاب مَنصبان، خُدا خیدمتکاران ایسید و اَ چیانِ جا مواظبت کونیدی. 7هرکسِ حقَ اونَ فادید: اَگه خراجِ، خراج فادید، اَگه مالیاتِ، مالیات فادید، اَگه احترامِ، احترام بَنید و اَگه حُرمتِ، حُرمت بَنید.
شریعت بجا آوردَن، بواسطه ی محبت
8هی دِینی هیکّسِ گردن ندَرید، جغیر اَنکی همیشک همدیگرَ محبت بُکونید، چونکی هرکس اینفرَ محبت بُکونه، شریعتَ بجا باورده. 9چونکی اَ حکمان، ’زینا نُکون‘، ’قتل نُکون‘، ’دوزی نُکون‘، ’طمع نُکون‘، و هر تا حُکم دیگری کی بِبه، همتان اَ کلام درون خلاصه به کی «تی همساده یَ خودت مانستن دوست بِدَر.» 10محبت، خو همساده یَ بَدی نُکونه؛ پس محبت، شريعتَ تمان و کمال به انجام فارسانه.
11بعلاوه، شُمان دَنیدی کی چی زمات درون ایسائیدی، هسّا اونِ وقت فارسه کی خوابِ جا ویریزید. چره کی الان در مقایسه با اُ زماتی کی ایمان باورده بیم، اَمی نجات نزدیکتر بُبوسته. 12شب تمانَ بوستن دَره و روج نزدیکِ. پس بائید تاریکی بَدِ کارانَ، ایتا کنار توَدیم و نورِ زِره یَ دُکونیم. 13بائید دُرُس رفتار بُکونیم کی، شایسته اوشانی ایسه کی روج روشنایی درون سَر کونیدی، نه عیاشی و عرق خوری درون، نه زینا و هرزِگی درون، نه دعوا مرافع و حسودی درون. 14بلکی عیسی مسیحِ خُداوندِ شخصیتَ، ایتا رخت مانستن دُکونیدی و جسمِ هوا و هوسِ واسی تدارُک نیدینیدی تا اونِ خواسته ئانَ بجا باورید.
Currently Selected:
نامه رومیان ره 13: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
