یعقوبِ نامه 1
1
1یعقوبِ جا، خُدا و عیسی مسیحِ خُداوندِ غلام،
دوازده قبیله ره کی پَخشید.
سلام!
شیمی ایمانِ امتحان کودن
2می براران، هر زمات کی جورواجور امتحانات درون دکفتید، تمانِ اوشانَ پیله شادی بدانید! 3چونکی دانیدی وقتی شیمی ایمان امتحان بِبه، صبر و تحمل به بار آوره. 4پس وائلید صبر و تحمل کاملا خو ثمره یَ فاده تا بی عیب و کامل بیبید و هیچیِ درون کم ندَرید. 5اَگه ایکَس شیمی میان حکمت ناره، اونَ خُدا جا بخوائه، هو خُدائی کی بدونِ سرکوفت و دَس و دلبازی امرا همه کَس بخشه، اونَم خوائه فَدن. 6ولی اُ آدم بایستی ایمان مَره بخوائه بی اونکی شک بُکونه، چون کسی کی شک بُکونه، هَطو دریا کول مانسته کی باد اونَ اَ طرف اُ طرف فاکشه. 7اَجور آدمی گُمان نُکونه کی، خُداوند جا ایچی فیگیرِه، 8اون دودلیله آدمِ، و هیّتا جه خو رائان درون ثُبات ناره.
9نادار برار بایستی خو سربُلندی ره کی دَره فخر بُکونه، 10و پولدار آدم به خو فروتنی افتخار بُکونه، چونکی ایتا واشی گل مانستن از بین شه. 11هَطوکی آفتاب خو سوزان گرما مرا بُجور آیه و واشَ خُشکا کونه، و اونِ گول فیوه و اونِ قشنگی از بین شه، پولدار آدمم هُطو خو رائان درون کی پیش بیگیفته از بین شه.
12خوشا به حال اونکی امتحان بار جیر صبر و تحمل مَرا تاب باوره، چون وقتی کی امتحان درون سربلند بیرون بایه، اُ تاجیَ کی زیندگی بخشه فیگیره. تاجی کی خُدا اُ کسانیَ واده بدَه، کی اونَ دوست دَریدی.
13هیکّس وقتی وسوسه به، نَگه: «خُدائه کی مَره وسوسه کونه،» چونکی خُدا هی بَدی امرا وسوسه نیبه، و هیکّسَم وسوسه نُکونه. 14ولی وقتی کی اینفر وسوسه به، خودشه هوا و هوسِ کی اونَ گول زنه و بهدام تَوَده. 15بازین وقتی هوا و هوس شکم اوسانه، گُناهَ زائه و گُناه وقتی کاملا پیله بِبه، مرگ به دُنیا آوره.
16می عزیز براران، گول نُخورید! 17هر خُرّم پیشکش و هر کامل پیشکش، آسمان جا ایسه، نوران پئرِ طرف جا آیه و اونِ درون هی تغییری نَنه و نه هی سایه ئی کی تغییر جا به وجود باموبی. 18اون، خو اراده مَرا، امرا جه کلام حقّ خلق بُکوده تا اَمان اونِ نوبرِ مخلوقات بیبیم.
کلام اِشتاوَستن و بجا آوردن
19می عزیز براران اَنه بدانید: هرکَس بایستی اِشتاوَستن درون تُند، گب زئن درون یواش و غیظ درون آرام بِبه! 20چونکی آدمی غیظ، اُ صالحی کی خُدا خوائه به بار ناوره. 21پس هرجور فساد و هرچی کی شرارتَ جا باقی بمانسته شیمی جا دورَ کونید و فروتنی اَمرا کلامیَ کی خُدا شیمی دیل درون بکاشته قُبیل بُکونید. اُ کلامی کی تانه شیمی جانانَ نجات بده.
22ولی کسانی بیبید کی خُدا کلامَ عمل کونیدی، نه اَنکی فقط اونَ ایشتاویدی؛ شمرأ گول نزنید! 23چونکی اَگه ایکَس خُدا کلام بیشتاوه ولی اونَ عمل نُکونه، هُطو اونیَه مانه کی آینه درون خو دیمَ فَندره، 24چون اون، خوره آینه درون دینه، ولی هُطوکی اونِ جا دورَ بِه، خو قیافه یَ جِه خاطر بَره. 25ولی اونکی کاملِ شریعتَ، کی شریعت اَزادی ایسه چوم بُدوخته و ایشتاوه و جه خاطر نَبره بَلکی اونَ عمل کونه، اون خو کار درون برکت گیره.
26اَگه ایکس خیال بُکونه دیندارِ ولی نتانه خو زوان جُلُوی بیگیره، اون خوره گول زئِن دَره و اونِ دینداری هی ارزشی ناره. 27پاک و خالص دینداری اَمی پئر، خُدا دید درون اَنه : یتیمان و ویوه زناکان دسَ مصیبت درون گیفتن و امرا اَ فاسد دُنیا جا دور داشتن.
Currently Selected:
یعقوبِ نامه 1: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
