Popular Bible Verses from یعقوبِ نامه 1

Share

می براران، هر زمات کی جورواجور امتحانات درون دکفتید، تمانِ اوشانَ پیله شادی بدانید! چونکی دانیدی وقتی شیمی ایمان امتحان بِبه، صبر و تحمل به‌ بار آوره.

اَگه ایکَس شیمی میان حکمت ناره، اونَ خُدا جا بخوائه، هو خُدائی کی بدونِ سرکوفت و دَس و دلبازی امرا همه کَس بخشه، اونَم خوائه فَدن.

می عزیز براران اَنه بدانید: هر‌کَس بایستی اِشتاوَستن درون تُند، گب زئن درون یواش و غیظ درون آرام بِبه!

پس وائلید صبر و تحمل کاملا خو ثمره یَ فاده تا بی عیب و کامل بیبید و هیچیِ درون کم ندَرید.

ولی کسانی بیبید کی خُدا کلامَ عمل کونیدی، نه اَنکی فقط اونَ ایشتاویدی؛ شمرأ گول نزنید!

خوشا به حال اونکی امتحان بار جیر صبر و تحمل مَرا تاب باوره، چون وقتی کی امتحان درون سربلند بیرون بایه، اُ تاجیَ کی زیندگی بخشه فیگیره. تاجی کی خُدا اُ کسانیَ واده بدَه، کی اونَ دوست دَریدی.

هر خُرّم پیشکش و هر کامل پیشکش، آسمان جا ایسه، نوران پئرِ طرف جا آیه و اونِ درون هی تغییری نَنه و نه هی سایه ئی کی تغییر جا به وجود باموبی.

چونکی اَگه ایکَس خُدا کلام بیشتاوه ولی اونَ عمل نُکونه، هُطو اونیَه مانه کی آینه درون خو دیمَ فَندره، چون اون، خوره آینه درون دینه، ولی هُطوکی اونِ جا دورَ بِه، خو قیافه یَ جِه خاطر بَره.

پاک و خالص دینداری اَمی پئر، خُدا دید درون اَنه : یتیمان و ویوه زناکان دسَ مصیبت درون گیفتن و امرا اَ فاسد دُنیا جا دور داشتن.

هیکّس وقتی وسوسه به، نَگه: «خُدائه کی مَره وسوسه کونه،» چونکی خُدا هی بَدی امرا وسوسه نیبه، و هیکّسَم وسوسه نُکونه. ولی وقتی کی اینفر وسوسه به، خودشه هوا و هوسِ کی اونَ گول زنه و به‌دام تَوَده.

نادار برار بایستی خو سربُلندی ره کی دَره فخر بُکونه،