اوّلتا نامه قُرنتیانِ ره 2
2
پولُس مسیحِ مصلوب بوستنَ اعلام کونه
1براران، منم اُ زمات کی شیمی ورجه باموم، ناموم کی خُدا رازَ شمرأ پیله پیله گبان، یا حکمت اَمرا اعلام بُکونم. 2چونکی تصمیم بیگیفته بوم شیمی میان هیچی ندَنَم جغیر عیسی مسیح، اونم مصلوب بُبوسته عیسی. 3من ضعف و ترس و لرز اَمرا شیمی ورجه باموم. 4و می گبان و می پیغام، حکیمانه کلماتِ اَمرا کی قانع کونه نُبو، بلکی خُدا روح و خُدا قوت اَمرا بُگفتم. 5تا شیمی ایمان نه خُداوند حکمت اَمرا، بلکی خُدا قوّت مَرا بِبه.
حکمت، خُدا روحِ جا
6با اَ حال، امان پیله آدمانِ میان حکمتَ گیم، هرچن نه حکمتی کی اَ دوره زمانه شین بِبه یا اوشانِ شین کی اَ دور زمانه حاکِمید کی محکوم به نابودی ایسید، 7بلكی امان خُدا حكمت جا کی ایتا رازِ و جیگا بِدَه ایسه گب زنیم، اُ حکمت کی خُدا پیش جه دُنیا بَنا، اَمی جلالِ واسی مُعیّن بُکود. 8اَ دوره زمانه حاکمان هیّتا اَ حکمتَ نفهمستید، چونکی اَگه اونَ بفهمسته بید، خُداوند جلالَ مصلوب نُکودید. 9هُطوکی اِشعیای پیغمبر کتاب درون بینیویشته بُبوسته:
«اونچیَ کی هی چومی نیده،
هی گوشی نیشتاوسته،
و هی آدمی فیکر فائنرسه،
خُدا خو دوستدارانِ ره حاضیرَ کوده.»
10خُدا اَ چیانَ بواسطه ی خو روح اَمرا آشکارَ کود. چونکی خُدا روح همه چیَ واموجه، حتی خُدا اعماقَ. 11چون کیسه کی آدمی فیکران جا واخبر بِبه، جغیر خودشِ روح کی اونِ درون دَره؟ اَنه واسی، فقط خُدا روحِ کی، خُدا فیکرانِ جا واخبره. 12هسّا، امان نه اَ دُنیا روحَ، بلکی ایتا روح بدَس باوردیم کی خُدا جا ایسه تا اُ چیانی کی خُدا اَمرا هدیه فَدَه، بدَنیم. 13و امان اَنه جا گب زنیم، اونم نه گبانی کی آدمیان حکمتِ جا باموخته بیم، بلکی اُ گبان مَرا کی خُدا روح، اَمرا آموجانه و جه اَ رو روحانی حئیقتانَ، اوشانِ واسی کی خُدا روحَ خوشان درون دَریدی گیم. 14آدمی کی هوا وهوس دُمبال بِبه اُ چیانیَ کی به خُدا روح مربوط بِبه قُبیل نُکونه، چونکی اونِ نظر درون نادانی ایسه و نتانه اونَ بفهمه، چره کی فقط خُدا روح اَمرا شه اونِ دُرُستیَ تشخیص دَئن. 15اُ کَس کی خُدا روحَ دَره همه چی باره داوری کونه، ولی هیکّس نتانه اونِ باره داوری بُکونه.
16«چون کیسه کی خُداوندِ فیکرَ بفهمه
تا اونَ یاد بِده؟»
ولی امان مسیح فیکرَ دَریم.
Currently Selected:
اوّلتا نامه قُرنتیانِ ره 2: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
